12/02/2017
غتوصل لواحد المرحلة . غترجع مكتهضر مع حتى واحد . تقدر تكون أكتيڤ 24/24 ولكن مكتهضار مع حتى واحد وديك التعناب و التعارف و تهضار مع 10 فخطرة .. بحالي عمرو ما كان. غيكون عندك إنسان واحد مركز معاه. ولا حتى واحد و نتا مامسوقش. غترجع ما كاتجاوب على حد . و غير كتجي تبغي تجاوب كيدوزلك ديك السيناريو ديال سلام . سا فا ... إيوا؟ ....ولا كيوصلك واحد لميساج من واحد شخص لغالبا مكيكون مؤنث الا كنتي دري ولعكس.. كيسول فيك , وتيكولك ديك لجملة شهيرة ''فين هد لغبور..'' ونتا عارف انه غا باغي يدوز بيك لوقت ولا باغيك على مصلحتوا , ومن لمستحيل انه يكون جاي يسول فيك وهو محتار عليك.. ولكن نتا كتعطيه لخاطر وكتبقا تهدر معاه وفجأة كيختفي.. وكتجيك عادية حيت ديجا ولفتي هد نوع العاهر في افعاله .و حتى فالزنقة بعيد على (social media ) ما غيبقاش التركيز ديالك غير على (هاديك شافت فيا ،ضحكت معايا . شو على بياسا. نمشي نجيب النمرة) غترجع كترد البال لحاجات آخريين من جوانب الحياة حيت راسم واحد المخطط فدماغك ؤعندك هدف حاطو بين عينيك و كاتستمتع بحاجات آخرين. الناس لي وصلو لهاد المرحلة غيفهموني ; و الناس لي باقي ما وصلاتهم غتجيهم غريبة مي مع الوقت غيفهموها . و كاين لي ما غيفهمنيش فمرة داك لي عندو 25 سنة و هو باقي كيمشي يوقف فباب الليسي.
