18/05/2026
🔴 ابتداءً من ماي 2026 ...
👈👈👈👈 هذه ضريبة كانت موجودة من والجديد فيها هو تم إسناد مهمة تحصيلها للمديرية العامة للضرائب بدل الخزينة العامة
اي مواطن ساكن في دار، سواءا ديالو او ماشي ديالو راه كتخرج ليه عليها ضريبة مابين 10 إلى 30% من القيمة الكرائية السنوية والغالبية بسبب الظروف الإجتماعية ما كيخلصهاش في الوقت او ما كيخلصهاش.
الجدبد، هو ان ضريبة السكن اللي كانت من اختصاص الخزينة العامة كان هناك تساهل و كان المبلغ بسيط و ما كيتزادش. لكن هاد السنة تحول الاختصاص إلى الإدارة العامة للضرائب اللي غاديا تراجع القيمة الكرائية و يطلع المبلغ ديالها، و اللي مهم هو ان الاداء ما غاديش يكون فيه تساهل و يمكن يوصل للحجز عن السكن نفسه و مع تطبيق غرامات التأخير.
أنا غادي نشرح ليكم اعلاش:
كتعرفوا ان السي القجع خريج كلية البيطرة بالرباط ، اللي هو مند سنوات مدير الميزانية واليوم هو وزير المالية الفعلي،
هاد المرة، كتعرفوا ان الحكومة مند بدايتها قامت بتخفيض الضريبة تدريجيا على الشركات الكبرى من 31% إلى 20%, وكذلك قامت بتخفيض الضريبة على عوائد الأسهم من 15% إلى 10% تدريجيا.
المهم هاد التخفيضات، وزيد عليهم أزمة المقاولات المغربية اللي انخفضت فيها الارباح، وبذلك تقلصت المداخيل الضريبية الأساسية، لهذا الحكومة كل مرة كتزيد ضريبة جديدة باش تعوض هاد النقص، ولهذا زادت ضرائب كثيرة على المقاولات آخرها الضريبة على مدة الأداءات واللي كتقول للشركات تعطلتي وما خلصتيش الموردين ديالك غادي تخلصي الخطية للدولة، الشركة ماعندهاش باش تخلص الممون ديالها والدولة عوض تعاونها، احتا هي باغيا تاخد الفلوس .
لهذا بعد استنزاف المقاولات خاصة الصغيرة والمتوسطة، الحكومة بان ليها الحل الوحيد هو المواطن، وهاد المرة مشاو للحاجة الساهلة وهي السكن. لان كل المواطنين ساكنين و من السهل نراجعوا ليه ضريبة السكن باش يخلصها ولا نحجزوا ليه عليها او على الممتلكات ديالو حتى يخلصها.
وهادشي خطير جدا، اللي غالبية المغاربة شارين ديورهم غير بالكريدي لمدد تتراوح بين 15 و 25 سنة، يعني احياتهم كلها. و الحاجة الوحيدة اللي كتسترهم هو السكن ديالهم، وتجي انتا تزيد عليهم ضريبة اللي ماعندها احتا معنى ، وهوما ماقادينش احتا يكملوا المعيشة ديالهم من أكل وشرب وتطبيب والدولة ما كتعطيهم لا دعم لا حماية اجتماعية.
هادشي تجاوز حدود احترام المواطن و زيادة في ترهيبه وتفقيره. والسبب هو تعيين مسؤولين غير مفكرين ومبدعين من اجل اكتشاف مداخيل جديدة غير ضريبية.
شوف وجدة-
👈👈👈👈 هذه ضريبة كانت موجود الجديد فيها هو تم إسناد مهمة تحصيلها للمديرية العامة للضرائب بدل الخزينة العامة
#المغرب #تجارة #فاس #الفقر
