03/09/2022
همسة وعي:
هذ الشبكة كاين لي كايغسل بها الاواني المعان وكاين لي كيعملها خرقة صابون للحمام( وكاين لي كيغسل بحلفة أو بونجة)،المهم راها فعالة ومزيانة، لكن الا كنتو كتستعملها الاواني خاصها يوميا تتبدل علاش؟؟
بزاف منكم ربما يكون معارفش هذ المعلومة الا شبكة دازت عليها 48 ساعة من غسل معان كيوليو فيها بكترياء ومكروبات تشبه ميكروبات لي كاينة في طواليط شرف الله قدركم، شنوهو الحل؟؟
كتشريو وحدة كبيرة كتقسموها قطع صغيرة كل نهار تستعمل وحدة وترميوها، غتقولو لي واش مكلفة ؟لا ممكلفاش دائرة 2دراهم مصاريف ديالها دخلوها في مصاروف تقدية،
بالنسبة للمواد تنظيف تفادو منظفات كيماوية لانها كتلصق في الاواني وكتطلق في ماكلة وتدخل الجلد اليدين في تظيف مع وقت غتسبب في مشاكل صحية، وقانا الله واياكم. طيب أشنو البديل،؟
تاخدي صابونة طبيعية ديال حجرة لي كنقولوليها حكيها في حكاكة جزر وخوي علي لتر ماء ساخن غدا تذوب وتولي معجونة من بعد زيدي عليها إما ماء ورد أو ماء ريحان لان ريحان مطهر ومعقم قوي، كيفاش نحصلو على ماء ريحان؟
غلي ماء مزيان خدي حفنة ريحان غسليها وخوي عليها ماء غليان وخليها حتى يطلق مزيان شي ساعة وصفيه وزيديه على صابون
او ولي غسلي بيه الأواني. بالنسبة الاواني الطينية راني شاركت معاكم وصفة في صفحة ديالي، كتنمنى ليكم استفادة وتطبيق ممتع، مساؤكم ورد وريحان 🌹😘
