18/08/2026
මහනුවර ඇසළ පෙරහැර මංගල්යය බලන්න එන ඔබට, ශතවර්ෂ ගණනාවක අතීතයකට පියනඟන්නට ලැබෙන සුවිශේෂී ආරාධනාවක්!
කන්ද උඩරට අවසාන සිංහල රාජධානියේ අභිමානය, ඛේදවාචකය සහ වීරත්වය එකම වහලක් යටදී සජීවීව අත්විඳින්න!
ශ්රී ලංකාවේ ප්රථම ඓතිහාසික ඉටි රූ කෞතුකාගාරය ලෙස නව ජීවයක් ලැබූ, ඓතිහාසික මහනුවර ඇහැළේපොල වලව්ව (Wax Museum) වෙත දැන්ම පියනඟන්න.
සෙංකඩගල පුරවරයේ මහත් ආන්දෝලනයකට මෙන්ම ශෝකාන්තයකට ලක්වූ ඇහැළේපොල මහා අධිකාරම්, ඇහැළේපොල කුමාරිහාමි සහ මද්දුම බණ්ඩාර ඇතුළු ඒ වීරෝදාර දරුවන්ගේ හදවත කම්පා කරවන සත්ය ඉතිහාස කතාව, ඔවුන් ජීවත් වූ ඒ ඓතිහාසික පරිශ්රයේදීම සැබෑ මිනිස් රූප විලසින්ම ඔබේ දෑස් ඉදිරිපිට ජීවමාන වන අයුරු දැකබලා ගන්න!
කෞතුකාගාරයේදී ඔබට දැකගත හැකි සුවිශේෂී අංග:
•ඇහැළේපොල පරපුරේ මතකයන්: ඇහැළේපොල නිලමේ, කුමාරිහාමි සහ දරුවන්ගේ අතිශය තාත්වික ඉටි ප්රතිමා.
•රාජකීය ඉතිහාසය: ශ්රී වික්රම රාජසිංහ රජු, ඇතුළු උඩරට රාජධානියේ සුවිශේෂී නායකයින් සහ වීරවරයන්ගේ රූප 35කට අධික ප්රමාණයක්.
•අතීත උරුමය: පැරණි උඩරට වාස්තු විද්යාව, සාම්ප්රදායික කර්මාන්ත සහ රාජකීය භෝජන සිරිත් විරිත්.
•ඓතිහාසික පසුබිම: ශතවර්ෂ ගණනාවක් පැරණි, සැබෑ ඇහැළේපොල වලව් පරිශ්රය.
•කාලයේ සලකුණු: පසුකාලීනව බ්රිතාන්යයන් විසින් හිරගෙයක් ලෙස භාවිත කළ ඓතිහාසික පරිශ්රයේ සැබෑ අත්දැකීම.
ස්ථානය : ඇහැළේපොල වලව්ව, ඉටි කෞතුකාගාරය, මහනුවර (ශ්රී දළදා මාළිගාව අසල).
විවෘත වේලාවන්: සතියේ සෑම දිනකම පෙරවරු 9:00 සිට පස්වරු 7:00 දක්වා.
පවුලේ සැමට එකලෙස රසවිඳිය හැකි, අධ්යාපනික මෙන්ම විනෝදජනක අත්දැකීමක් ලබාගන්න අදම පැමිණෙන්න! අපේ ප්රෞඪ ඉතිහාසයේ ජීවමාන සාක්ෂිය දෑසින්ම දැකබලා ගන්න! මෙවර පෙරහැර චාරිකාවේදී අනිවාර්යයෙන්ම පැමිණෙන්න.
゚
