08/01/2026
ໃນມືຂອງເຈົ້າຕອນນີ້... ແມ່ນແລ້ວ! ໄອ້ເຄື່ອງທີ່ມຶງກຳລັງຖືອ່ານບົດຄວາມນີ້ຢູ່ ມັນຄື "ເຄື່ອງຜະລິດເງິນ" ທີ່ຊົງພະລັງທີ່ສຸດໃນປະຫວັດສາດມະນຸດຊະຍະຊາດ! ແຕ່ໜ້າສົມເພດທີ່ຫຼາຍຄົນໃຊ້ມັນເປັນພຽງ "ເຄື່ອງບັ່ນທອນສະຕິປັນຍາ". ມຶງໃຊ້ເວລາ 5-6 ຊົ່ວໂມງຕໍ່ມື້ ເພື່ອເບິ່ງຊີວິດຄົນອື່ນ, ເບິ່ງຂ່າວດາມ່າທີ່ບໍ່ໄດ້ເຮັດໃຫ້ທ້ອງມຶງອີ່ມ, ແລະ ໄຖໜ້າຈໍຖິ້ມໄປຊື່ໆ ເພື່ອລໍຖ້າໃຫ້ຮອດມື້ເລີກວຽກ. ມຶງກຳລັງຖືຂຸມຊັບມູນຄ່າພັນລ້ານໄວ້ໃນມື ແຕ່ມຶງກຳລັງໃຊ້ສິ່ວແທະມັນຫຼິ້ນໄປວັນໆ! ຕື່ນໄດ້ແລ້ວ! ໂລກນີ້ບໍ່ໄດ້ຈ່າຍເງິນໃຫ້ຄົນທີ່ "ໄຖເກັ່ງ", ແຕ່ເຂົາຈ່າຍໃຫ້ຄົນທີ່ "ສ້າງຄ່າ" ຜ່ານໜ້າຈໍ!
.
ເຈົ້າຮູ້ຈັກ Khaby Lame ບໍ່? ໄອ້ໜຸ່ມຜິວສີໝາກຫວ້າທີ່ເຄີຍເປັນກຳມະກອນຕົກວຽກໃນຊ່ວງໂຄວິດ. ລາວບໍ່ມີກ້ອງລາຄາແພງ, ບໍ່ມີໄຟສະຕູດິໂອ, ບໍ່ມີຄອນເນັກຊັນຫຍັງເລີຍ. ສິ່ງທີ່ລາວມີຄື "ມືຖືເກົ່າໆ" ໜ່ວຍດຽວ ກັບ "ສະໝອງ" ທີ່ຮູ້ຈັກສັງເກດ. ລາວເຫັນຄົນເຮັດເລື່ອງງ່າຍໃຫ້ເປັນເລື່ອງຍາກ ລາວເລີຍເຮັດວິດີໂອສັ້ນໆ ບໍ່ຕ້ອງປາກຈັກຄຳ ແຕ່ເນັ້ນການໃຊ້ທ່າທາງປະຊົດປະຊັນ. ຜົນຄືຫຍັງ? ຈາກຄົນບໍ່ມີເງິນຊື້ເຂົ້າກິນ ກາຍເປັນມະຫາເສດຖີທີ່ມີຄົນຕິດຕາມຫຼາຍທີ່ສຸດໃນ TikTok ໂລກ! ລາວບໍ່ໄດ້ລໍຖ້າໃຫ້ພ້ອມ, ລາວບໍ່ໄດ້ອ້າງວ່າ "ມືຖືຂ້ອຍບໍ່ດີ", ແຕ່ລາວໃຊ້ "ຂໍ້ຈຳກັດ" ໃຫ້ກາຍເປັນ "ຈຸດຂາຍ". ລາວປ່ຽນໜ້າຈໍໃຫ້ກາຍເປັນເວທີລະດັບໂລກ ໃນຂະນະທີ່ມຶງຍັງນັ່ງຄອມເມັ້ນດ່າຄົນນັ້ນຄົນນີ້ໄປວັນໆ!
.
ມັນເຈັບບໍ່? ທີ່ເຫັນຄົນອື່ນລວຍຂຶ້ນຈາກມືຖື ແຕ່ມຶງມີແຕ່ "ຄ່າເນັດ" ທີ່ຕ້ອງຈ່າຍທຸກເດືອນ. ເຈົ້າບອກວ່າ "ຂ້ອຍບໍ່ມີໂອກາດ", "ຂ້ອຍບໍ່ເກັ່ງ", "ຂ້ອຍບໍ່ກ້າ". ຂໍໂທດເດີ... ນັ້ນມັນຄື "ຄຳແກ້ຕົວຂອງຄົນຂີ້ຄ້ານ"! ມືຖືຂອງມຶງມັນສະຫຼາດກວ່າເຈົ້າຂອງມັນແລ້ວຕອນນີ້. ເຈົ້າຍອມໃຫ້ algorithm ມັນຈູງດັງມຶງໄປເບິ່ງເລື່ອງໄຮ້ສາລະ ເພື່ອໃຫ້ເຈົ້າຂອງແອັບເຂົາລວຍຂຶ້ນ, ແຕ່ມຶງເອງກັບນັ່ງຈົ່ມວ່າເສດຖະກິດບໍ່ດີ. ຖ້າເຈົ້າຍັງໃຊ້ "ນິ້ວໂປ້" ເພື່ອໄຖຫາຄວາມບັນເທີງຊົ່ວຄາວ ແຕ່ບໍ່ເຄີຍໃຊ້ "ສະໝອງ" ເພື່ອຄິດຫາທາງສ້າງລາຍໄດ້ ມຶງກໍກຽມຕົວເປັນ "ທາດ" ຂອງຍຸກດິຈິຕອນໄປຕະຫຼອດຊີວິດໄດ້ເລີຍ! ຄວາມຈົນໃນຍຸກທີ່ມີອິນເຕີເນັດ... ບາງເທື່ອມັນກໍຄື "ທາງເລືອກ" ທີ່ເຈົ້າເລືອກເອງນັ້ນແຫຼະ!
ຖ້າເຈົ້າຢາກປ່ຽນ... ຢຸດ "ເບິ່ງ" ແລ້ວເລີ່ມ "ສ້າງ". ປ່ຽນຈາກ "ຜູ້ບໍລິໂພກ" ໃຫ້ກາຍເປັນ "ຜູ້ຜະລິດ". ມືຖືໜ່ວຍດຽວ ເຈົ້າສາມາດຂາຍເຄື່ອງໄປທົ່ວໂລກ, ສອນຄົນ, ຂຽນບົດຄວາມ, ຕັດຕໍ່ວິດີໂອ ຫຼື ແມ້ແຕ່ເທຣດຫຸ້ນ. ໂລກນີ້ບໍ່ສົນວ່າໃຜຈົບສູງ, ແຕ່ໂລກສົນວ່າໃຜ "ແກ້ບັນຫາ" ໃຫ້ຄົນອື່ນໄດ້ຫຼາຍກວ່າກັນຜ່ານໜ້າຈໍ. ເລີ່ມຈາກສິ່ງທີ່ເຈົ້າຮູ້, ເລີ່ມຈາກສິ່ງທີ່ເຈົ້າມີ. ມືຖືເຈົ້າຄື "ອາວຸດ", ຢ່າໃຊ້ມັນຍິງໃສ່ຂາເຈົ້າຂອງໂດຍການຂ້າເວລາຖິ້ມໄປລ້າໆ. ຈົ່ງໃຊ້ມັນເປີດປະຕູສູ່ອິດສະຫຼະພາບທາງການເງິນຊະ!
.
"ມື້ນີ້... ມືຖືຂອງເຈົ້າກຳລັງ 'ດູດເງິນ' ອອກຈາກຖົງ ຫຼື ກຳລັງ "ປ້ຳເງິນ" ເຂົ້າບັນຊີເຈົ້າ? ຖ້າເຈົ້າຍັງສ້າງເງິນຈາກມັນບໍ່ໄດ້ ເຈົ້າຕິດຂັດຢູ່ບ່ອນໃດ... ຕິດຢູ່ທີ່ "ມືຖື" ຫຼື ຕິດຢູ່ທີ່ "ສັນດານ" ຂອງມຶງເອງ!?"
ຄອມເມັ້ນມາເບິ່ງດຸ! ເຈົ້າໃຊ້ແອັບໃດດົນທີ່ສຸດໃນມື້ໜຶ່ງ ແລະ ແອັບນັ້ນມັນສ້າງເງິນໃຫ້ເຈົ້າໄດ້ຈັກກີບແລ້ວ?
Cr: Wongwilai Joummaney (ຜູ້ກໍ່ຕັ້ງເພຈ SAMOUNGSETHI)
ຂຽນໂດຍ #ສະໝອງເສດຖີ #ສັງຄົມຄົນສ້າງຕົວເອງຈາກສູນ
