26/08/2017
有件事，真係忍唔住要分享‼️😡
尋晚10點收舖後，一路行一路講住電話，(補充：去完HSBC入錢)，行到去尖沙咀地鐵站B出口時，後面有人拍左左邊膊頭一下(最初以為撞到朋友)，點知有個男人以普通話同我講：美女，打擾一下。
而我當然無理佢，個男人又再拍我，仲示意我收線...睬佢都有味啦！(只答了一句:沒時間。) 趁咁岩有2個香港男仔經過，我就梗係趁機一支箭衝落地鐵站。
落到月台等車期間，個人開始天旋地轉，浮下浮下啦...去到旺角時，直頭Feel到心跳加速，係咁標汗同好熱！！有位一坐低，係不自覺地眯埋眼想瞓！！
勉強地返到屋企，見到張床已經頂唔順，一覺瞓到天光。至於，尋晚個2個電話內容，其實已經無哂印象，片已斷‼️(唔知以為真係飲醉左酒。)
而今朝個人，仲係好似暈緊船浪咁，個人無乜力。所以，最後都決定去檢查下比較安全。
可能你會話點解唔即刻報警去睇醫生？
我只可以答你個一刻，個人驚到連去坐的士去醫院都唔敢，只想快啲返到屋企再算，因為身邊無識嘅人真係好恐怖，好徬徨！！
之前網上流傳，都只係半信半疑，睇左就算...但經過自己親身經歷下，覺得呢個香港變得好危險，好恐怖！
女士們，真係要小心呀。
夜晚單獨行時，免得過都唔好停低腳步為妙。
