QUBB Business

26/06/2026

مەزنترین دز بۆ ژیانا تە، بلەزکەتنە (لەزاتییە)
﴿وَكَانَ الْإِنسَانُ عَجُولًا﴾
ئەم رزقی دخوازین بەری ئەم بۆ ئامادە ببین، و چێبوونێ (شەفایێ) دخوازین بەری ئەم ژ ئیش و ئازارێ فێرببین، و دخوازین دوعایێن مە بهێنە قەبیلکرن د وێ گاڤا دا یا کو ئەم بخۆ هەڵدبژێرین.
بەلێ ئاریشە نە د درەنگکەوتنا قەدەرێ دایە... ئاریشە ئەوە کو ئەم حوکمی ل سەر حیکمەتا خودێ دکەین... ب لەزاتییا مرۆڤی.
چەند کەس پەشێمان بوون ژبەرکو لەزاتی کر د بەرسڤدانا ب توڕەیی دا، و دانا بڕیارەکا بلەز، و پاشەکێشکرن ژ پڕۆژەیەکێ، یان چوونە د ناڤ پسپۆڕیەکێ یان کارەکێ دا؟ یان چوونە د ناڤ پەیوەندیەکێ دا؟ و چەند دوعا مە پشتگوه هاڤێتن تنێ ژبەرکو د دەمێ مە دا نەهاتنە وەڵامدان؟ جاران...
ئەو تشتی ژیانا مە ددزیت، لەزاتیا مەیە بۆ گەهشتنا ب ئەنجامان بەری تمامبوونا ئەگەران.
ئەوا بۆ تە هاتیە نڤیسین... ژ دەستێن تە ناچیت. و ئەوا ب حیکمەتەکێ درەنگ کەفتی، دێ گەلەک یا جوانتر بیت ژ وێ یا تە ب حەز و ئارەزوویا خۆ لەزاتی تێدا کری.

24/06/2026

گۆرەی ئاژانسا نووچەیێن عێراقێ (INA)
🎙️ پەیڤدارێ فەرمیێ حكومەتا هەرێما كوردستانێ، پێشەوا هەورامی، د بەیاننامەیەكێ دا ژ بۆ ئاژانسێ دیار كریە: "كۆمپانیا HKN دەست ب بەرهەمهێنانا نەفتێ ل گۆرەی رێژەیا 7000 بەرمیلا رۆژانە كربنەوە، و دی رۆژا یەكشەمبەیێ بهێت دەست ب بەرهەمهێنانا نەفتێ ل حەقلا ئەترووشێ كەت"
🛢️ هەورامی زێدە كریە: "كۆمپانیا Gulf Keystone ئەڤرۆ دەست ب بەرهەمهێنانا نەفتێ ل حەقلا شیكان كربنەوە، و دی رۆژا ئەینيا بهێت كۆمپانیا DNO دەست ب بەرهەمهێنانا نەفتێ ل حەقلێن تاوك و پیشخابوورێ كەت"
📆 هەروەسا دیار كریە: "كۆمپانیا Hunt Oil دی ل هەشتێ تیرمەها بهێت دەست ب كارێن خوە كەتەوە"

22/06/2026

بانکا ناڤەندی پێنگاڤێن خۆ یێن چاکسازیێ بۆ بهێزکرنا بنەجهیا دراڤی بەردەوام دکەت
بەغدا - نڤیسینگەها ڕاگەهاندنێ
٢٢ێ حوزەیرانا ٢٠٢٦
بانكا ناڤەندی یا عیراقی دوپاتکر کو ئەو بەردەوامە د بجهئینانا پرۆگرامێ خۆ یێ چاکسازیێ یێ گشتگیر دا، یێ کو ئارمانج ژێ بهێزکرنا بنەجهیا دراڤی و دارایی یە، دگەل پێشخستنا کەرتێ بانکی و بلندکرنا ئاستێ تێکەڵبوونا وی د سیستەمێ دارایی یێ جیهانی دا، ب هەماهنگی دگەل سازیێن نێودەولەتی یێن پەيوەندیدار. هەروەسا جەخت ل سەر پێگیریا خۆ یا نەهژیاى کر بۆ پاراستنا بنەجهیا بهایێ گوهۆڕینا دراڤی و دابینکرنا داخوازیێن یاسایی یێن ل سەر دۆلارێ ئەمریکی ل دویف رێنمای و پێوەرێن پەسەندکری.
بانکێ روهنکر کو بزاڤێن وێ یێن چاکسازیێ ل سەر چەند تەوەرێن سەرەکی خڕ دبن، و د پێشەنگیا وان دا مەلەفێ دووبارە تێکەڵکرنا بانكێن عیراقی یە د پرۆسەیێن ڤەگوهاستنا دەرەکی دا. بانکێ رێکار و پێتڤیێن تایبەت ب دووبارە تێکەڵکرنا چەند بانكێن کو هاتبوونە سنووردارکرن ژ سەرەدەریێ ب دۆلارێ ئەمریکی د پرۆسەیێن ڤەگوهاستنا دەرەکی ب دراڤێن بیانی دا ب دوماهی ئینان، پشتبەستن ل سەر بجهئینانا پێتڤیێن پلانا چاکسازیێ و پێوەرێن چاڤدێری و تەکنیکی یێن پەيوەندیدار، و بهێزکرنا چارچۆڤەیێن وان یێن تایبەت ب بەرهەنگاربوونا شیشتنا پارەی و تەمویلکرنا تێرۆرێ.
ئاماژە ب وێ چەندێ ژی کر کو ئەڤ مەلەفە گەهشتیە قۆناغێن خۆ یێن دوماهیێ بۆ بەرهەڤکرنا تێکەڵکرنا دووبارە ب شێوازەکێ قۆناغ ب قۆناغ و رێکخستی، ب ئاوایەکی کو شیانێن ڤان بانکان بهێز بکەت بۆ پێشکێشکرنا خزمەتگوزاریان بۆ کڕیارێن خۆ، و پشتەڤانیا بەرفرهەکرنا پەیوەندیێن وان یێن بانکی یێن نۆوێنەرایەتی دگەل سازیێن دارایی یێن دەرەکی دا بکەت ل دویف باشترین نەریت و پێوەرێن نێودەولەتی.
د تەوەرێ پێشخستنا خزمەتگوزاریێن پێدانا ئەلەکترۆنی دا، بانكا ناڤەندی یا عیراقی ئاماژە دا ب تەمامکرنا پێتڤیێن تەکنیکی و رێکاری یێن پێدڤی بۆ بلندکرنا بنبانێ (سەقفێ) کارتێن پێدانا ئەلەکترۆنی یێن تایبەت ب پشکا کۆمپانیێن تۆمارکری و کارێن بازرگانی، دا کو پشکداریێ بکەت د بەرفرهەکرنا مەودایێ خزمەتگوزاریێن دارایی یێن دجیتاڵی، و بهێزکرنا گشتگیریا دارایی، و دابینکرنا پێتڤیێن تەخ و چینێن جودا یێن کڕیاران ب ئامرازێن پێدانا سەردەم.
زێدەبارى وێ، دیار کر کو کار بەردەوامە ل سەر بجهئینانا قۆناغێن داهاتی یێن ڤی پرۆژەی ب شێوازەکێ قۆناغ ب قۆناغ و سمبۆلی (پلان بۆ دارێژتی)، دا کو بنەجهبوونا رێنمایێن چاڤدێریێ و بهێزکرنا پاقژی و کاراییا سیستەمێ دارایی دەستەبەر بکەت، پێکڕا دگەل هەڤگاڤبوونێ دگەل گەشەسەندنێن لەزگین یێن کو کەرتێ دارایی ل سەر ئاستێ ناڤخۆیی و نێودەولەتی بخۆڤە دبینیت.
د دەربارەی دابینکرنا داخوازیێ ل سەر دۆلارێ ئەمریکی دا، بانكا ناڤەندی یا عیراقی جەخت ل سەر پێگیریا خۆ یا بەردەوام کر بۆ دابینکرنا پێتڤیێن هەردوو کەرتێن گشتی و تایبەت ژ دراڤێ بیانی ل دویف چارچۆڤەیێن یاسایی و رێکخستنێ یێن پەسەندکری، ب ئاوایەکێ کو زەلالیا ڤەگوهاستنێن دەرەکی و پڕکرنا پێتڤیێن یاسایی یێن چالاکیێن ئابووری و بازرگانی مسۆگەر بکەت، پشتبەستن ب یەدەگێن بهێز یێن دراڤێ بیانی و ئامرازێن دراڤی یێن کارا.
بانکێ دوپاتکر کو برێڤەبرنا ڤی مەلەفی ب پێگیریەکا تەمام ب پێتڤیێن گونجاندنێ و پێوەرێن بەرهەنگاربوونا شیشتنا پارەی و تەمویلکرنا تێرۆرێ دهێتە ئەنجامدان، و ب شێوازەکێ کو دگەل سیاسەتا دراڤی بگونجیت یا کو پشت بەستنێ ل سەر پاراستنا بنەجهیا بهایێ گوهۆڕینێ و ساخلەمیا رێڕەوێن دارایی دکەت. هەروەسا هەبوونا هەر ئاراستەیەکێ بۆ گوهۆڕینا بهایێ دیناری رەتکر د سێبەرێ نیشاندەرێن دراڤی و دارایی یێن بنەجه دا کو ئابوورێ عیراقێ پێ حەسیایە.
ئاماژە ب وێ چەندێ ژی کر کو ئەڤ رێکارە پشکەکا نەجوداکری نە ژ پرۆگرامەکێ چاکسازیێ یێ تەکوز (کامل) کو ئارمانج ژێ چارەسەرکرنا ئاستەنگێن هەین و ئێکلاکرنا مەلەفێن پێشەنگە، دا کو باوەریێ ب کەرتێ بانکی یێ عیراقی بهێز بکەت، و کۆڵەکێن بنەجهیا دارایی و دراڤی قایم بکەت، و پشتەڤانیا بزاڤێن گەشەپێدانا ئابووری ل وەلاتی بکەت.
بانكا ناڤەندی یا عیراقی دووبارە جەخت ل سەر بەردەوامیا خۆ کر ل سەر وەرگرتنا رێکار و سیاسەتێن کو گەرەنتیا پێشخستنا ژینگەکا بانکی و بلندکرنا کاراییا سیستەمێ دارایی دکەن، و دابینکرنا کەرەستێن پشتەڤان بۆ گەشەسەندنا ئابووری یا بەردەوام، ب شێوازەکێ کو بنەجهیا دارایی ل سەر دەمێ درێژ بهێنیتە دی و بنەجهیا بهایێ گوهۆڕینێ و ساخلەمیا رێڕەوێن دارایی بپارێزیت.

29/05/2026

29/05/2026

ژناڤبرنا بزاڤەکا مەزن یا دزینێ: دەستەیا دەسپاکییێ (النزاهة) ب هەماهنگی دگەل بەنکێن "الرشید" و "الرافدین" یێن حکومی، شیا بزاڤەکا مەزن یا ساختەکرنا چەکان (صکوك) و دزینا نێزیکی ١.٥ تریلیۆن دینارێن عیراقی ل بەغدا ژناڤببەت. بەنکان دیارکر کو ئەڤ پێنگاڤە پشتبەستن ب سیستەمێ نوی یێ چاڤدێری و رێسایێن کۆنترۆلکرنا مەترسیان هاتیە هاوێشتن.

27/05/2026

ئەوێ باوەريا خۆ ب بازارێ بهێز و بلندبوویی ڤە گرێدەت.. دگەل ئێکەم دابەزین دێ ژ دەست دەت
✔️ باوەریا ڕاستەقینە یا ناڤخۆییە (یا ژ ناخێ مرۆڤی یە).
✔️ بازار دگۆهۆڕیت بەلێ پرەنسیپ د جێگرن.
✔️ ملیۆنێر گرەویێ ل سەر ئێک ئاڕاستە ناکەت.
✔️ هاوسەنگی (هەڤسەنگی) عەقلی دپارێزیت.
✔️ جێگیری سەر دکەڤیت ب سەر پێشبینیێ دا.
ئەوێ باوەریا خۆ ل سەر تشتێن دەرەکی ئاڤا بکەت.. دێ ب زوویی ژ دەست دەت.

23/05/2026

بلەز
ترامپ:
"ئەم ل نڤیسینگەها هێلکەیی (المكتب البيضاوي) نە ل کۆشکا سپی، کو مە د نوکە دا پەیوەندیەکا گەلەک باش یا تەلەفۆنی دگەل سەرۆک محەمەد بن سەلمان ئال سعود ژ شاهنشینیا سعۆدیێ، و محەمەد بن زاید ئال نەهیان ژ دەولەتا ئیماراتا عەرەبی یا ئێکگرتی، و ئەمیر تەمیم بن حەمەد بن خەلیفە ئال ثانی، و سەرۆک وەزیران محەمەد بن عەبدولڕەحمان بن جاسم بن جەبر ئال ثانی، و وەزیر عەلی ئەلثوادی ژ قەتەرێ، و موشیر سەید عاسم مونیر ئەحمەد شاه ژ پاکستانێ، و سەرۆک ڕەجەب تەیب ئەردۆغان ژ تورکیێ، و سەرۆک عەبدولفەتاح ئەلسیسی ژ مسرێ، و شاه عەبدوڵایێ دووێ ژ ئوردنێ، و شاه حەمەد بن عیسا ئال خەلیفە ژ بەحرەینێ ئەنجامدا، ئەڤە ژی سەبارەت کۆمارا ئیسلامیا ئیرانێ و هەمی ئەو تشتێن پەیوەندی ب یاداشتنامەیا لێکگەهشتنێ یا تایبەت ب ئاشتیێ ڤە هەی.
ب ڕێژەیەکا مەزن دانوستاندن ل سەر ڕێککەفتنەکێ هاتینە کرن، و د چاڤەڕێیا تمامکرنا دارشتنا دوماهیێ دانە د ناڤبەرا وڵاتێن ئێکگرتی یێن ئەمریکا، کۆمارا ئیسلامیا ئیرانێ، و وڵاتێن جودا یێن دی یێن ل سەرى هاتینە دیارکرن.
و ب شێوەیەکێ جودا، من پەیوەندیەک دگەل سەرۆک وەزیران بیبی نەتانیاهۆ ژ ئیسرائیلێ ئەنجامدا، کو ئەو ژی ب شێوەیەکێ گەلەک باش بڕێڤە چوو. د نوکە دا گەنگەشە ل سەر لایەن و هوورکاریێن دوماهیێ یێن ڕێککەفتنێ دهێتە کرن، و دێ د دەمەکێ نێزیک دا هێتە ڕاگەهاندن.
زێدەباری گەلەک توخم و پشکێن دی یێن د ناڤ ڕێککەفتنێ دا، گەروویا هورمز دێ هێتە ڤەکرن. سوپاس بۆ گرنگیدانا هەوە ب ڤێ بابەتی.

23/05/2026

کورت و سەرنجڕاکێش (بۆ خەلکێ گشتی)
📊 ئەگەر ئەمریکا و ئیران ڕێکبکەڤن... دێ چ ب سەر ئابووریێ دەڤەرێ هێت؟
هەمی چاڤ ل سەر پێشهاتێن سیاسی نە، بەلێ وەکى خودان کار و وەبەرهێنەر، پێویستە ئەم ل دەرئەنجامێن ئابووری بگەڕیێن. ئەگەر ڕێککەفتنەک د نافبەرا واشنتۆن و تاراندا چێببیت، دێ باندۆریەکا ڕاستەوخۆ ل سەر بازاڕێن مە هەبیت:

🔹 بهایێ دۆلاری و دیناری : چاڤدێرێن ئابووری پێشبینی دکەن کو جێگیریەک د بهایێ دراڤاندا پەیداببیت، ب تایبەت تمەنێ ئیرانی.
🔹 بازاڕێ پەتڕۆلێ: زێدەبوونا هنارتنا پەتڕۆلا ئیرانێ دێ کێبرکێیێ ل سەر بهایێ نەفتێ کەت.
🔹 بازرگانیا هەرێمی: دەرگەهێن نوو بۆ ئالۆگۆڕا بازرگانی و ڤەگوهاستنێ دێ ڤەبن، کو ڕاستەوخۆ کاریگەریێ ل سەر بازاڕێ مە ژی دکەت.
💡 پرسیار بۆ هەوە: پێشبینیا هەوە چیه؟ ئەرێ ئەڤ ڕێککەفتنه دێ بیتە ئەگەرێ ارزانیێ یان گەشەبوونا بازاڕی؟
#ئابووری #بزنس #بازاڕ #دۆلار #نەفت

22/05/2026

كيفن وارش - سويند خار وەک سەرۆکێ جڤاتا یەدەگا فیدرالی یا ئەمریکی (بانکا ناڤەندی) د رێورەسمەکێدا ل کۆشکا سپی، پشتی کۆنگرێسی رازیبوون ل سەر دانا وی د ڤی پۆستیدا دیارکری.

22/05/2026

سەروکێ ئەمریکا دونالد ترەمپ: سەروکێ چین دانپێدانێ ب پێشکەفتنا ئەمریکا د بواری ژیرییا دەستکرد (AI) دا دکەت، سەرەڕای هه‌ڤڕکیا د ناڤبەرا هەردوو وەڵاتان دا.