26/05/2026
試後感：日本Triode Evolution KT-88山崎純一銀牌版
相信有玩過全膽或者膽石混合擴音機嘅朋友都知道，膽係有佢獨有嘅吸引力，但亦有佢最致命嘅缺點～底噪問題。
說到底噪就要講到燒友常常留意到嘅（訊噪比），所謂嘅訊噪比，即係訊息同噪音嘅比例，數字越高代表訊息比噪音量越大，但係留意返又唔一定係訊息量越大代表一定最好，要取其平衡才能夠達至魚與熊掌兩者兼得。
對於有些音響年資嘅朋友，一定會記得一個美國A字頭嘅膽機生產品牌，曾經被譽為係一部無膽味嘅膽機，背景確實如普遍石機般寧靜，但係真係完全膽味盡失，這就是一個鐵証如山嘅失𧗾例子，還幸A品牌近年已慢慢開始取得平衡點，才能仍然在線。
說回正題：這部日本生產制作嘅Triode Evolution KT-88 ，坦白講初初開箱嘅時候，感覺非常一般，也不過是一部有遙控同一個大顯示屏嘅膽合併機吧😬直至Run-in 咗大約三、四十小時後，當然要調較好電偏，感覺就煥然一新了。
背景寧靜度非常高，貼隻耳仔去單元都聽唔到雜訊，膽味十分醇厚，兩極伸展同立體感都表現得恰到好處，最驚喜嘅係佢嘅控制力，真係唔似係一部推挽40 W嘅膽合併機，我終於明白點解佢會有一組pre-input ，佢真係有能力可以作為一部膽後使用👍🏻
總結：呢部Triode Evolution KT-88，可以講係魚與熊掌兩者兼備嘅合併擴音機，雖然只係幾萬蚊嘅價錢，但真係交足功課有餘，佢未必係一部攬過世嘅機，但一定係值得擁有嘅超值產品👍🏻
如有任何疑問或者想預約試音，歡迎聯絡小弟😊🙏🏻
Ps :呢部Triode Evolution KT-88山崎純一先生（銀牌版）響用料上更精良，仲要係made in Japan (工藝、技術同耐用性絕對有保證）
#魚與熊掌兩者兼得 #歡迎預約
