Handswalk

10/10/2018

多謝各方的支持，即日起於十月份內新註冊的商業用戶可享有試用30天優惠。

有興趣的網店朋友請留言"我要試用"

30/09/2018

今日係9月30日，大家記得上我地網站睇下喇。

來緊我地會出APP，你係用IOS定Android呢？

Handswalk 提供大量各式各樣網店，實現網上商場行街，讓你隨時購物，家品、電器、玩具、服裝一應俱全，成為你搭車、放假、休閒時活動。歡迎網店創業加盟，助你宣傳賣廣告提升知名度。

27/09/2018

電蚊拍之趣事

岩岩過左中秋涼返啲，幾個月前開始熱既時候，有個同事，係屋企訓訓下教聽到有蚊係耳邊飛配上“溫溫”聲，仲餵左佢幾啖。

相信有唔少人有以上經歷，你會點解決？通常開燈睇下見唔見到隻蚊，拍死佢再訓。

有緣見到隻蚊已經好好彩，但同事用手拍唔到，又無電蚊拍，真係谷_氣架，又痕又眼訓。🙄

係呢個咁危急關頭，再加上佢半睡半醒狀態下，佢用2分鐘上網買左個電拍蚊。(遠水救近火？)

無錯，上網買電蚊拍。第二日，佢比隻蚊針到眼都腫埋。😏

最近，係佢屋企見到球拍狀既物體，仲係有速遞包裝包住。原來，買完之後一直無用過。

唔通就好似落雨買遮，買完就停雨？

如果你有fd都係咁，tag佢入來😏

23/09/2018

上網買野人人都得，要知道呢五件事....(五)

第五件事，要注意網上安全，千萬不要掉以輕心。

大家好多時都係用手機就上網做到各種交易，網購、銀行交易等，也有一些注意事項。

1. 流動設備上網進行交易時避免用公眾的WiFi，因為這種連接方式別人很容易就可以獲取你傳送的資料。因此建議大家使用自己家中網絡或流動數據，特別是銀行交易或使用信用卡進行網購。

2. 留意網店網址開頭是否https及網址欄有無小鎖頭標記，呢啲代表係安全網站同埋有加密安全保護 (SSL) 功能，加密你的電腦同Server之間既連接。

除此之外，信用卡平時亦要好好保存，包括卡面號碼及卡背後之CVV Code，以防被人盜用。

希望大家買得安心，買得開心😎

22/09/2018

上網買野人人都得，要知道呢五件事....(四)

第四件事，要留意自己個荷包夠唔夠錢洗，事關有很大部分網店最基本都會接受使用信用卡付款，特別係月光族既朋友，係咁容易就買到野既情況下要小心洗突左。🤑

除此之外，依家可以係唔同國家既網店購物，所以要留意網店貨品顯示既貨幣同結算既貨幣。

曾經聽過一個做銀行朋友講，佢係一個香港網店上見到一件標示特價$70既T-shirt，仲要包速遞，快快手就加入購物車結帳。😍

咁岩要結帳既時候突然肚痛喎，就叫左佢老婆來幫佢完成埋結帳既過程，打地址打信用卡資料。

老婆又聽聽話話無問咁多，就幫老公打好曬，繼續做自己晒。

過兩日就好快收到貨好開心，著埋上身。

如是者，直到收到信用卡月結單，見到一項$545港元既支出，係來自佢買該件T-shirt既網站，覺得奇怪，銀行朋友只記得買過$70港元既衫。

心水清既人應該已經估到咩事，就係個香港網站係用美元結算，其實網站有寫明既，但銀行朋友咁岩又急，都自命抵死，仲係特價貨品無得退貨。

最慘既係，比老婆潤一句：「仲話自己做銀行，用咩貨幣都未睇清楚就買！」😒

所以大家網購時，要睇清楚網站用咩付款方式，仲有用咩貨幣結算，即使係本地網站，亦未必係用本地貨幣結算。

其次，就係要留意外幣交易費用，視乎不同銀行，銀碼比較大既時候，佔既手續費都會比較多，起碼比自己有一個預算。

特別係，犯錯時比身邊既人潤先最慘...科科😏

待續......

21/09/2018

上網買野人人都得，要知道呢五件事....(三)

🔧🔧🔧🔧🔧🔧🔧🔧🔧🔧🔧🔧🔧🔧🔧🔧

第三件事，上網買野好多時第一眼都係睇左圖片先，但揀還揀唔好淨係睇相片，點解？希望你唔會好似以下呢個同事Alex咁。

Alex平時好鍾意係返工時蛇王上網睇網店，有次佢睇到一件板手工具(士巴拿)特價售$15，見特價快快手即刻Checkout就買左。

好快第二日就收到包裹，Alex拎個包裹時就話：「咁輕既咩來架？」個包裹大概只有一枝益力多既重量。

打開來睇，見到係Alex買既士巴拿，然後佢講左一大堆粗口，原來個士巴拿係一個只有一隻手指咁長既鎖匙扣😂，雖然個士巴拿的確係可以活動既，但唔會係Alex心目中用來擰螺絲既工具。

發生左呢件事，到五年後既今日依然比人笑緊，有個花名仲比人嗌緊，士巴lex~😂

如果大家唔想好似士巴lex咁樣，網購時就要留意產品實際尺寸喇，對呎吋唔太敏感既人可以拎把尺出來睇下大約有幾大，睇清楚係厘米定係呎吋，而各品牌衫褲鞋尺碼亦可能有出入。

真實呎碼睇真啲就可以避免士巴lex既情況喇，但如果你有啲更大頭蝦既事情，就快啲同我地分享！！😏

20/09/2018

上網買野人人都得，要知道呢五件事....(二)

第二件事，要睇下自己夠唔夠鍾意件產品，真係好鍾意既就即刻去馬唔好諗太耐，一個唔小心最後一件比人買左就慘慘豬喇。

但如果有啲猶豫，買之前就要睇清楚網店既退換條款。

有位朋友就試過係網上買左對鞋，收到貨之後當然好開心咁係屋企拆包裝拎對鞋出來試，兩隻鞋著左上腳，係塊鏡前左照右照，望來望去都發覺著左上身唔太合心意，所以決定退貨或者換另一個款。👟👟

尷尬既事情發生喇，當佢想除鞋既時候，右腳踩住左左腳鞋上既吊牌，“啪”一聲，吊牌同隻鞋就從此分開👋

咁樣代表啲咩？代表佢對鞋要繼續留係佢屋企無得換喇，因為該網店需要完整包裝及吊牌先有得退換。

所以大家網購時，除左檢查到手既貨品要小心之外，買之前都要留意以下部分：

「退貨/退款」

1. 你買既寶貝係可唔可以退換/退款，好多時特價貨品都無得退換

2. 如要退換/退款，要係幾多日內通知網店呢

3. 拆野唔好太過興奮扯爛曬所有包裝(通常係男仔身上發生)，退換好大機會要完整包裝及吊牌

4. 退換貨運費由顧客定係網店負責

當然，每次都買到岩心水貨品唔駛退換就最好啦😎

待續......

19/09/2018

上網買野人人都得，要知道呢五件事....

第一件事，睇下自己係唔係好心急既人，按唔按捺得住自己，你知啦心癢癢既感覺好難頂😏

有個朋友好鍾意「開箱」，一向係街買左野就嘈住想返屋企拆，心急到不得了

有次呢位朋友係網上買完野，轉頭過左5分鐘，佢企係門口左望右望，我問佢做咩企係度，佢竟然問我：「點解速遞員仲未送到？」，到我企返係度呆左咁望住佢🙄

之後佢無放棄，再每半個鐘係門口望一望，好心急想收貨。

貨會送到既，但好難可以㩒完個制5分鐘就送到你門口。

所以網購時都要留意以下部分：

「送貨」🚛🚛

1. 送貨的話要留意送貨時間，你個地址有無人收貨

2. 速遞及郵政快遞都係可追蹤，即係有個號碼比你可以網上追蹤到件貨送到邊

3. 平郵可能不設追蹤，睇清楚萬一件貨唔見左係邊個負責，貴重貨品可以考慮自己加錢用速遞，唔會太貴

4. 注意發貨時效，由比左錢至到寄貨要幾耐，特別係一啲網店本身自己無存貨，由供應商出貨可能需時較長

5. 外國網店購物，由於涉及各國海關，一般要多數個工作天，但最好問清楚寄去你所在地大約要幾耐

最後一點，異常地耐都未寄貨/未送到記得要盡快聯絡返網店，睇下有無寄漏送漏。

待續......

18/09/2018

香港本地既網店數量種類真係好多，想睇下有幾多？

你又有無諗過開一間自己既網店呢？😏

平時有上網或者有用社交媒體既朋友應該都會留意到，網店、IG SHOP、各種網上購物方式越來越多，每人每日直接或間接都會接觸到呢啲網購宣傳。 至於點解越來越多，我地都留意到以下一啲原因，當中你都可能有呢啲諗法。 網...

14/09/2018

你有無上網買野？要留意下喇🤔

網購仲有咩選擇？去 Handswalk 行下街啦~

原來本地既網店都有咁多種類，呢度可以由你喜歡既類別去揀睇咩網店，你會對邊個類別最有興趣呢？ 如果你想要啲 Handswalk 未有既類別，歡迎留言話比我地知！^^

13/09/2018

簡易說明書😎
事關有唔少朋友都問到底係點樣用同埋用來做咩，今日就一次過係呢度講解比大家知，等大家可以試新野😍

主要功能係“行街”頁面，就係比大家逛網店，一開就會成堆網店展示曬出來，可以慢慢Click入去睇下啲網店有無適合大家既產品同優惠。

如果你自己本身有目標知道自己想買咩，可以係搜索欄度打關鍵字，就會更容易搵到👍

11/09/2018

有荀野！！
逐漸有新既網店加入，大家密切留意，有店舖會不定時提供優惠，記住拎埋優惠碼去埋單呀！來緊陸續可以係Handswalk網站既各網店店面睇下有無優惠碼😍

記得得閒去Handswalk碌一碌喇🤣