20/03/2025
（長文慎入！！）
親愛的客戶，
開業不經不覺已經三年有多，慢慢慢慢都叫做有D人識
雖然我地只係一間網店無實體鋪又小本經營，但運作成本樣樣都係錢，
搵搵埋埋都係放返落公司，淨係轉過幾次工廠轉過幾批衫都洗唔少錢，又要生活好，又要公司發得到真係唔容易……
出post無乜大作用，賣廣告又貴又難回本，真係做到心力交碎，加上個老闆（即係小弟）又傻下傻下咁，堅持左咁耐都已經可能或者係做得唔錯，我唔敢講依家香港經濟係差，都唔敢講經濟差同我地生意係有關係
正在這寒冷的冬季，我地曾經出過嘅衛衣又因技術上嘅問題令我地損失不少，所以冬天就進入了冬眠狀態
“或許，這條路似乎已走到盡頭………“
尼個念頭經常都有出現，我相信所有做生意嘅大老闆小老闆都一定有咁諗過
咁我地尼D小生意真係多一間唔多少一間唔少啦…………
今個冬天，就係一個特別凍嘅冬天，就係一個無出post無出廣告無衛衣賣嘅凍天
竟然！竟然仲係有生意，特別係台灣嘅朋友！一直支持我地嘅台灣朋友！
當然香港嘅兄弟姊妹都有啦，我心諗，咁凍你地仲買短衫做乜呀？
我們又一次深深感受到了支持的溫暖，又一次有向前行嘅動力
其實，講咁多野都係廢話，想多謝人真係行動最實際，
唔係話一句多謝就得，愛係要做出黎
我地SPOTY咁耐以黎都無正式做過優惠同特價，因為我地認為平係無用，一定有人更加平，所以我地一向都好落力去滿足客人，換size呀換顏色呀退錢呀退貨呀我地一律好有誠意去做
客人要我地包埋花紙用陳小明個名去寄貨做禮物都試過！
因此，我們將推出史上首次大特價活動！這不僅係為了答謝您地嘅支持，更係讓您以更優惠嘅價格體驗我地嘅產品同服務。
所有貨品85折，會員再平D，做足一個月！！！
買三件一樣係免運費！！
未來嘅日子我地仲會推出新款，新產品，新服務！（當然節奏都係依舊係慢）
正所謂睇人執笠最開心，但好對唔住要令大家失望，我地仲未係時候^^
如果今次您睇到尼個post，真係，求下您，我誠心誠意求下您
俾個like，share俾朋友，入黎買少少野，唔買都入去睇下鬧下踩下
多謝多謝🙏🏻🙏🏻🙏🏻
