Tonybus.hk, Hong Kong (2026)

30/08/2022

去英國除左去大英博物館之外，都要去下倫敦塔橋！倫敦塔橋同倫敦橋唔同～倫敦橋位於倫
敦塔橋的上游，而倫敦塔橋就係一座橫跨泰晤士河嘅高塔式鐵橋，兩者相距大概一公里。
倫敦塔橋有兩個橋塔，上層可以作為行人路，而下層就係主通道，呢兩扇橋可以響一分鐘內升
起。當年用左8年興建而成，曾經因為有好多妓女同小偷而響1910年關閉，幸好而家開返。
旅客可以搭倫敦地鐵到Tower Hill站或London Bridge站，再步行約8-10分鐘就可以到達。而門
票方面，成人門票（16歲或以上）只須£11.40，而小孩門票只須£5.70。
旅客可以入去參觀，了解塔橋嘅建造歷史，亦都可以俯瞰成個泰晤士河美景，將成個美景盡收
眼底！
地址：Tower Bridge Rd, London SE1 2UP英國

#ロンドン

#倫敦
#外遊
#遊行

26/08/2022

香港傳統店鋪——標記蔴雀
打麻雀響香港不論男女老少都鍾意玩，作為香港人嘅娛樂，大家又知唔知響科技未普及之前，
手雕麻雀曾經非常風光？
手雕麻雀每隻都係獨一無二，由師傅一隻又一隻雕刻而成，每一筆每一劃都非常清晰。相反，
機雕就比較死板，而且統一。
而標記蔴雀嘅張順景師傅已經入行超過40年，自小響麻雀鋪觀察師傅手雕麻雀同幫手，景叔
見證住手雕麻雀嘅興衰。景叔指手雕麻雀嘅製造過程並冇太大難度，但要花費大量時間，雕刻
一副普通嘅廣東牌需時大概5-7日，但景叔已經超過70歲，而家一日只能雕刻到一隻麻雀。如
果客人堅持極速起貨，一兩天就可以雕好一副廣東牌，但事後要休息幾日。
景叔慨嘆，打麻雀風氣並冇沒落，只係人人都轉向玩手機麻雀遊戲，即使要買麻雀，大多數人
都選擇較平嘅機雕麻雀。
手雕麻雀作為即將消失嘅手藝，身為香港人都有責任守護呢門手藝，希望手雕麻雀有一日可
以有重新興起，重拾昔日光輝。
地址：佐敦道26號地下金誠大廈3舖

另外提一提，我地tonybus.hk都有旅行麻雀賣嫁。三五知己出外旅行，有副旅行麻雀旁身，又可以娛樂，更可以聯誼開心一下。

#心底話
#打牌
#語錄

#手作り
#香港
#手藝

#香港旅行

#拖鞋
#香港土產
#香港文化

#お土産
#麻雀
#打麻雀
#傳承
#香港唯一

#旅行

24/08/2022

「巴黎鐵塔反轉再反轉」就聽得多，你又有冇聽過佢肯後嘅理念同歴史呢？等小編話比你知
啦！
巴黎鐵塔象徵住當代工程師嘅藝術，更加係對佢地所生活嘅世紀，經歷18世紀嘅科學革命運
動同1789年的革命為世紀開闢左道路，為左表達法國嘅感激之情，而為此建造這座紀念碑。
當時曾經受到不少藝術家嘅反對，更加發送請願書比當時嘅工程部長。最終，巴黎鐵塔響
1887年開始興建，於1888年建成。
睇到呢度，係咪好想即刻去下呢？就等小編嚟教你去啦～最快嘅路線只係需要乘搭6號線地
鐵，搭到Bir-Hakeim站，步行大概10分鐘就到啦～
地址：Champ de Mars, 5 Avenue Anatole France, 75007 Paris

#旅
#海外旅行

#台灣

#写真
#巴黎鐵塔
#艾菲爾

21/08/2022

導遊耳機初體驗

平時導遊用大聲公講嘢就聽得多，但係用導遊耳機就別有一番感覺。當領隊向團友分發導遊耳機後，團友只係需要戴上耳機，而講者亦都只需戴上發射器，插入麥克風，就可以開始當日嘅旅程！

由於當日嘅旅程係響佐敦一帶參觀一啲傳統店舖，係比較近街坊嘅住所，導遊耳機就非常之有用同方便啦！講者唔使大聲講解，更加唔使拎住個大聲公，騷擾到街坊休息。而且就算同講者距離好遠，都可以聽到講者嘅內容，唔駛驚想影相但又想聽講者講解嘅情況啦！

當日嘅旅程大概係5小時，由佐敦行去旺角，沿途參觀同欣賞傳統店舖，而導遊耳機都仲未無電，仲接收得非常清晰。而且，我哋只係提供單邊有線耳機，團友可以一邊接受講者嘅資訊，亦都可以一邊同同行嘅朋友仔討論交流，唔駛驚顧得一邊，故唔到第二邊啦！

導遊耳機對導遊、團員同周遭人士都有所得益，導遊唔洗大聲講嘢，團員又能夠清楚接收訊息，而周遭人士唔使抵受大聲公嘅噪音，簡直係一舉三得！

#唔洗嘈到人
#導遊耳機
#聽得清楚

10/08/2022

倫敦眼(London Eye)位於英國倫敦泰晤士河南畔嘅蘭貝斯區，曾經係全世界最高嘅摩天輪，可以響上面俯瞰國會大樓同大笨鐘所在嘅西敏寺。

倫敦眼建造以嚟，贏得超過85項獎項，而家係英國最受歡迎嘅付費觀光景點。倫敦眼共有32個乘坐艙，每個乘坐艙可載客大概25名，迴轉速度大概每秒0.26米（每小時936米），即係一圈需時30分鐘。

當年係英國為咗慶祝2000年嘅來臨而興建，原定5年後拆卸。由於極受英國人及遊客歡迎，當地市議會決定永久保留倫敦眼。而背後嘅設計理念就係成為城市嘅地標，成為一個能夠比旅客同當地人民遠眺成個城市嘅有特色建築物。

知道倫敦眼嘅歷史背景之後，係咪好想去呢！咁就等小編嚟幫你搵定路線啦～最方便嘅路線就係乘搭地鐵，響滑鐵盧站（Waterloo station）落車，出到地面就會見到M&S Foodhall，然後往Jubilee Park嘅方向行就會到達目的地。

而門票方面，根據官方網站，現場購票嘅話，一般門票只需£36，特快門票£51，而網上購票，一般門票只需£32.5，特快門票£46。

倫敦眼係英國一定要去嘅景點。望住藍天白雲，真係會令你心動，吸引到你拎起手機或者相機影低靚相！夜晚仲會亮燈，同周圍嘅燈火互相映襯，更加突顯到摩天輪嘅美色！

#倫敦

#升學

04/08/2022

因應各地疫情形勢及防疫政策，入境及隔離操施都有所不同，我地將會定期提供最新入境資訊及懶人包供大家參考。由於疫情仍有變化，出門前一定要睇番最更新既資訊。及各地官方網站，配合入境規定啦。

#自由行

#健康
#新型冠狀病毒

#肺炎

#臺灣

#疫苗

27/07/2022

連帽旅行頸枕
想響搭飛機嘅時候舒適咁訓覺？
唔想比人騷擾可以點做？
呢款連帽旅行頸枕就啱曬你啦！
唔驚比人騷擾之餘，仲可以防陽光！
可以響飛機上享受片刻嘅獨處休息時間
咁先有足夠嘅休息先有體力遊覽唔同景點

#旅行好きな人と繋がりたい

#頭枕

25/07/2022

流傳一個世紀嘅尼斯湖水怪嘅謎團到而家都尚未解開，甚至不停傳出水怪再次現身嘅片段同傳言。

究竟尼斯湖水怪嘅真身係啲咩呢？你又信唔信有水怪嘅存在？咁就要去蘇格蘭嘅尼斯湖度親眼睇下啦！想去尋找尼斯湖水怪？買定旅遊用品去啦～有需要嘅可以嚟tonybus.hk買定啦！

#尼斯湖
#尼斯湖水怪
#旅行
#英國

20/07/2022

姜濤去美國嘅目的曝光？原來係去拍電影～身為姜糖嘅我哋，係咪都好想一齊去美國追尋姜濤嘅足跡？

你就可以去美國自由女神像，呼吸一下姜濤呼吸過嘅空氣，企下姜濤企過嘅位，都可以用同一個角度同自由女神像自拍！

想去美國？咁就要嚟tonybus.hk買定用品，準備出發！

（相片來源：keung_show）

#全民造星

#旅行
#工幹

#姜濤

18/07/2022

英鎊兌港元由2022年1月14日嘅10.6777跌到7月12號嘅9.3070，而家入定手就差唔多啦！對於香港人而言，英鎊平咗！而且英國唔使隔離，咁就要入定手，要出發嘅時候就可以大把英鎊洗！

不過響做任何投資嘅時候，記得要三思，而且要問下理財顧問，盡量減低風險。

想預備定出發？嚟tonybus.hk睇下我哋有咩可以幫到你啦！

#匯率

#沖縄
#外匯
#出國

#知識

#日本

#海外旅行
#台灣

#写真
#旅行好きな人と繋がりたい
#女子旅

#写真好きな人と繋がりたい

15/07/2022

www.tonybus.hk
無論去旅行，定去工幹，我哋都可以幫你準備所需隨身物件，
另你無拘無束去到登機閘口。我地會將你所需物品送到你指定地點，方便你旅途安排。

即刻click入我地網址睇下有咩岩你丫～
www.tonybus.hk

#沖縄
#香港

#旅行用品

13/07/2022

多啦A夢／叮噹作為近代小朋友嘅童年回憶，包括我在內，都想同叮噹一齊影相。去到東京，第一站就梗係去哆啦A夢博物館啦！

果度嘅公園真係令我喜出望外，幾乎還原到動畫中公園嘅擺設，入面嘅3條大鐵通勾起咗大雄每次比胖虎蝦嘅情景，令我感受到自己好似置身響多啦A夢嘅世界之中。響公園後面更加有隨意門比我打卡影相添！仲可以響博物館禮品店血拼，入面有海量多啦A夢嘅紀念品比我Shopping！仲可以去藤子・F・不二雄嘅書房，參觀一下作者嘅創作環境。入面有一套20分鐘嘅原創電影，只有響博物館先有得睇，想同大雄、多啦A夢一齊冒險？去到東京就唔好錯過哆啦A夢博物館！

咁歡樂就唔好比佢停，第二站就去咗東京迪士尼樂園。唔似香港得2個過山車，東京迪士尼至少有5個。身為過山車愛好者，就梗係玩得十分盡興啦。玩到攰就可以去食返個米奇窩夫，又可以邊食邊欣賞巡遊。仲有無數個打卡位，可以比一眾入園人士化身網美，擺各種pose嚟影相po ig打卡同like。而擁有一隻可以換衫嘅迪士尼公仔嘅你，就可以響呢度大血拼，為心愛嘅公仔著上靚衫，豐富佢嘅衣櫃！

第三站就去咗東京鐵塔，因為狼人：武士激戰（The Wolverine）曾經響果度取景，而且係日本最著名嘅地標，所以就去朝聖一下。我去嘅時候係夜晚，東京鐵塔嘅燈全部開晒，特別震撼。親眼見到着彩虹燈嘅東京鐵塔，再影相Po上社交媒體打卡！仲可以上塔頂俯瞰東京，自己就好似呢片風景嘅主人咁。而展望廳更加有樂隊演奏，特別令人放鬆。

去東京嘅時候總係會勾起兒時回憶，就好似哆啦A夢博物館咁，令我諗起細細個捕響電視機前面等睇多啦A夢，有時候仲會比屋企人話，叫我唔好離電視太埋。去迪士尼又能夠令我做返個小朋友，回歸童年咁。親眼望見東京鐵塔嘅時候，腦海浮現出好多電影、劇集嘅畫面。今次去咗好多景點，但揀住三個景點分享住俾大家。雖然只係去咗東京，但都令我樂而忘返，希望有機會可以再去日本其他地方，再分享比大家聽！

#ディズニー

#日本迪士尼

#東京タワー

#도쿄타워
#東京

#薯仔

#ドラえもん
#叮噹

#迪士尼代購
#日本版

#ディズニーコーデ
#迪士尼
#東京迪士尼海洋

#東京ディズニーシー

#日元
#兌日圓

Tonybus.hk

30/08/2022

26/08/2022

24/08/2022

21/08/2022

10/08/2022

04/08/2022

27/07/2022

25/07/2022

20/07/2022

18/07/2022

15/07/2022

13/07/2022

Address

Website

Alerts

Shortcuts

Share

Category