Happy Monday, Hong Kong (2026)

24/12/2023

聖誕節快樂
Merry Christmas
祝大家有個快樂又美滿嘅聖誕節～

#聖誕節 #聖誕節快樂 #聖誕節2023

07/12/2023

歡迎大家黎到HM BLOGGING~
我係紙巾🧻

大家《得閒飲茶》!

【隔夜茶】
上次有提過隔夜茶唔可以飲～
其實由細到大我都唔明點解唔可以飲隔夜茶？
大人講咩咪聽咩囉！

以前嘅行為原來以前沖茶嘅容器密封唔好，怕啲蟲呀跌咗落去或者爬過，所以就話飲隔夜茶唔好

而家就用科學啲嘅根據話你知點解飲隔夜茶唔好

1.氧化，放得耐會變質、發餿，同埋飲隔夜茶好傷脾胃，有可能會引起胃腸炎

2.茶銹，會阻礙營養吸收和消化

3.細菌，茶水嘅蛋白質、糖類等成為霉菌嘅繁殖養料

其實我點解支裝茶隔咗咁耐都飲得，其實係佢做咗密封，當你飲嘅時候先開黎飲，但如果你開咗隔咗成晚再飲其實都唔好，因為已經接觸到空氣都一段好長嘅時間喇～

如果成日都飲隔夜茶傷咗脾胃就得不償失喇

#得閒飲茶 #茶 #飲茶 #隔夜茶 #氧化 #茶銹 #紅茶 #綠茶 #黑茶 #青茶 #白茶 #黃茶

11/11/2023

歡迎大家黎到HM BLOGGING！
我係紙巾～
讀書人要努力讀書
sem尾的小書生，要沖沖沖
小編代阿Gor出此post
要畀心機呀💪🏻
而家淨番小編一個人努力出post喇😩
得番小編一個出post有啲寂寞
不過小編都會盡量一兩個禮拜出一次post

還請大家繼續留意HM BLOGGING！
---------------------------------------------------------------------------------------------------------------------------
#吃喝玩樂 #旅遊 #巴士 #巴士迷 #講鼓 #講鼓時間

30/10/2023

歡迎大家黎到HM BLOGGING~
我係紙巾🧻

大家《得閒放假》!

【哈囉喂全園祭】

不知不過又到咗halloween嘅日子🤭🤭🤭
又係小編最喜歡嘅節日，又可以去大玩特玩

今次小編同fd玩晒6個館
平心而論，真心貴，以往一張飛走天下，而家唔單止要買一張門票，仲要買鬼門關🤣，今次仲要分開咗兩個鬼門關嘅飛，疊加上去差不多要$1000去玩，因為一年一次，豪一次咁大把，開心最重要😆

其實係可以買到平飛，只不過要10月1日入場through trip.com先可以買到，400左右的確係幾平，但仲未到halloween日子，感覺冇乜halloween嘅氣氛，最後都係冇揀個日去

我同fd10:00幾就入園，一早玩晒啲機動遊戲，要打卡嘅地方打咗卡，襯冇乜人，不過入夜個景係會更加有氣氛，所以又唔同影法

4:00幾再同另一班fd會合，齊齊走去玩鬼屋

第一個要入梗係今年嘅主題啦～
怨靈鬼校
個story係講關於一位女同學自殺
一入去會有位同學會介紹一番
最搞笑嘅係呢位同學真忙
我哋玩完怨靈鬼校去格離嘅怨靈異域
點知講介紹嘅都係同一位同學
佢真係好唔得閒🤣
呢間同怨靈鬼校係有連繫
都係講關於個位女同學
我同另一位fd都唔係好驚入鬼屋玩
最令我哋最唔happy嘅係
我哋前面有位女士停咗係度唔郁
因為佢唔敢行
條通道設計係有好多手申咗出黎
佢就唔敢郁
我同另一位就嘗試走另一條通道
另一條通道係過唔到
所以得個條好多手手嘅通道先行得
我哋就叫前面個位女士行
佢唔行我都冇計
我同fd就唔太想理佢
我哋就諗住行
因為個條通道只可以容納一位行走
好又行又唔行都唔知想點
係有點嬲係呢個位
裏面啲義肢好鬼正
仲有就係呢個一入去之前要拎冥錢
如果有宗教信仰可以唔洗拎
我哋要代入去玩梗係會拎啦
咁先好玩
做完一少場法事就會放低
之後先係主要玩嘅嘢啦

之後我哋就去坐纜車上去玩？
因為中途有同啲鬼影相
所以記憶有啲亂🤣🤣🤣
我都唔記得之後係去邊間鬼屋先

最有印象係去180實驗室
因為排隊太無聊就一路排隊一路玩遊戲
之後有鬼走過黎
我哋又同鬼傾咗好耐偈
呢個鬼屋有點特別
要拎槍入去先玩得
個concent有啲似玩disney巴斯光連個個game
我哋都掛住打中目標都冇咩點理啲鬼😅

妖怪之森裏面嘅場景好靚
係日式鬼怪主題
所以對我黎講一啲都唔恐怖
我覺得好靚
如果百怪夜行人物出晒黎就好喇

我哋最後係玩咒偶II
入面係有兩個場景都係戲院咁係佈置
如果我冇記錯應該係有好多手手腳腳眼珠吊係到
一不留神畀佢撞一撞都幾痛下🤣🤣🤣

仲一間鬼屋未講係異度空間
因為呢間我冇咩印象
所以都係留番畀你哋想像啦

我就期待下年嘅鬼屋有咩驚喜畀我

你哋有去嘅朋友
你哋最鍾意去邊間鬼屋多啲？

#海洋公園 #得閒放假 #哈囉喂 #鬼屋 #鬼怪三重奏 #怨靈鬼校 #妖怪之森 #咒偶2 #恐怖三重奏 #怨靈異域 #壹捌靈實驗室 #異度空間 #機鬼遊戲 #

21/10/2023

歡迎大家黎到HM BLOGGING~
我係紙巾🧻

大家《得閒飲茶》!

【發酵程度】
小編未懂茶嘅時候，紅茶就是紅茶，不就是採摘完曬曬太陽，抄幾抄，搓圓撳扁，裝罐的嗎？還有什麼發酵？我不懂了～

如果不發酵還可以飲嗎？
當然可以啦，不過不發酵就不是平時飲的味道，除了綠茶😆

因為只有綠茶是不用發酵，其製茶流程採茶後立刻進行殺青破壞酵素

何為發酵？點解要發酵？一連串嘅問題係小編腦中不斷發出？？？？？

其實好多食物都需要發酵，才會有的食物，e.g.面包、腐乳、酒…………

原來茶都需要發酵，茶葉發酵係指茶葉顏色變化與茶水嘅滋味變化，其實說起來並非有所謂的發酵作用，實際上嘅變化係兒茶素氧化導致

如果真正要發酵到10全10嘅話，非黑茶莫屬，稱後發酵茶，佢係以微生物發酵形成特殊的風味，茶葉進行加工後堆積發酵嘅時間較長，讓茶葉呈現為暗褐色狀態
常見茶如：「普洱茶」

咁小編平時飲開嘅紅茶都需要發酵，但係發酵嘅程度都幾高下，大概要發酵到80-90%，才會有紅茶咁嘅色，近全發酵嘅茶款，其製茶流程從採茶後進行萎凋，後續進行發酵工藝至全發酵狀態

如果紅茶唔發酵又會點？？如果唔發酵，紅茶嘅味同香氣都唔會係平時飲到聞到嘅味，因為發酵係會改變咗香氣同味道

而青茶係部分發酵嘅茶，大概發酵30-60%，都係常見嘅茶，發酵程度是介於綠茶與紅茶之間
擁有了綠茶的清爽鮮，又擁有紅茶的甘甜口感，就是我哋常飲嘅烏龍茶

白茶則發酵20-30%，製茶過程中不殺青也不去揉捻，讓茶葉萎凋時產生些許的微發酵
對茶葉細胞破壞也較少些，例如白牡丹

最後是黃茶，大概發酵10-20%，屬於微發酵的茶款，其製茶流程與綠茶相同
但多經過悶堆渥黃，而產生了發酵作業

簡單啲講，發酵係會影響茶本身嘅香味同口感，仲有茶水嘅顏色，發酵得耐，顏色就會深，所以青bb一定係冇發酵，就只有綠茶，用顏色判斷茶發酵係容易睇到嘅一種方法，不過只作參考畀大家，因為睇係好難睇得出係幾多%🤣🤣🤣

#得閒飲茶 #茶 #飲茶 #發酵 #發酵程度 #兒茶素 #紅茶 #綠茶 #黑茶 #青茶 #白茶 #黃茶 #潽洱茶 #烏龍茶 #白牡丹 #茶葉 #後發酵 #全發酵 #部分發酵 #不發酵

16/10/2023

歡迎大家黎到HM BLOGGING！
我係阿Gor😗我地好耐無見啦~我潛水之時，出面都發生左好多事😵，而我都相信大家聽過下「夜繽紛」呢回事啦🧐。可能你地會問：又話「講鼓」嘅，呢樣野又同今日嘅主題有咩關係呢？想知點解，咁你就要睇埋落去啦😆~
1...2...3...GOODSHOW‼️
--
《講鼓時間》
大家無睇錯，我講緊嘅就係早排講得如火如荼嘅「夜繽紛」。而我最近有幸跟studio一齊，獲邀黎到灣仔海傍演出👍🏻。機會難逢，我都想同大家分享下呢兩場show嘅心得👇🏻~
--
9月30日 18:00-20:00🕗
呢日適逢中秋節連假，周圍都多返啲人出黎玩，灣仔海傍都唔例外💆🏻。而我呢日連出兩場show，兩次同以往唔同嘅係改出細band，以簡約為主，所以我都改用木箱鼓演出，貼合acoustic玩法🎶。有趣嘅係，雖然出細band，但係個台都算幾大，空間同樂隊形成對比，係的確過癮。諗翻起連續兩個鐘出盡力打cajon，雖然打到隻手痛，但感受到台前台下嘅氣氛都好投入，大家聽得開心，我都相信一切係值得的😉！（遺憾地，呢場我無咩影過相，所以比唔到大家睇我第一人稱係點🫥）
--
10月14日 19:00-20:00🕖
隔左兩個禮拜，當我再翻黎灣仔海傍，發現人流一樣係咁多（估唔到😮）！但呢日就唔同，我地想營造返強烈啲嘅氣氛，所以出返full band，而今次我都記得影相比大家睇啦😛。誠然，呢場show我嘅發揮麻麻。一開頭我仲發緊夢，明明準備好曬都打錯，搞到大家開頭都無曬火🤦🏻‍♂️。後來唔單止打得無驚喜，而且仲拎唔返rehersal嘅表現同要點，要落fill-in同跳拍都唔見曬。唯一好嘅係：表現穩陣（...再次無眼睇🤦🏻‍♂️）。
--
今次posting除左想比大家以performer角度體驗「夜繽紛」之外，亦都想同大家分享作為表演者嘅我，係台上會有啲咩感受🤔；除左投入之外，其實亦都會覺得緊張、膽怯，當呈現唔到最好一面比大家，甚至影響成隊band發揮嘅時候，我會覺得自責😔。但好在有band入面各位嘅指點同鼓勵，令我更快企返起身，搵辦法改善自己，盡力為大家帶來GOODSHOW🤜🏻！除左多謝studio同band入面每個人竭盡全力演出同埋互相扶持，我都要多謝幕後crew同觀眾嘅支持同包容，始終一切唔係理所當然，大家願意比機會我，我都要抓緊機會尋求突破！🔥
--
最後，我要多謝大家嘅體諒同支持，往後我地會繼續同大家分享生活趣聞，還請大家密切留意HM POSTING🙋🏻‍♂️！
----------------------------------------------------------------------------------------------------------------------------
#香港 #夜市 #夜繽紛 #灣仔 #藝遊坊 #打鼓 #音樂 #敲擊樂 #表演 #樂隊 #分享 #假期

04/10/2023

歡迎大家黎到HM BLOGGING~
我係紙巾🧻

大家《得閒放假》!

【中秋節快樂】

啱啱過完一連3日中秋節節假期～

大家中秋節去咗邊度玩，或者中秋節玩咗啲咩？

中秋節當然唔少得玩燈籠啦！
今年我真係服咗我家姐，買咗啲燈籠番黎諗住畀姪女玩，點知買完番黎係要自己handmake🤦🏻‍♀️
搞著我，指望我整，好吧！最後我用咗成個鍾整咗個水母燈籠

玩燈籠之餘，梗係要賞一咁圓嘅月亮，應下景，今年個月亮都係好圓好光

大個咗唔知點解覺得而家冇以前咁有節日氣氛，少咗好多中秋節會玩嘅嘢

以前會落公園猜燈謎，一個個燈籠下面掛住謎題，而家猜燈謎好似變咗猜謎語咁

以前政府未規定唔畀煲蠟嘅時候，家家戶戶都會拎住個月餅盒點蠟燭，呢個行為係好危險，所以大家唔好去試，因為好容易引起火災，個時覺得係最好玩嘅活動，不過我哋玩得好小心，都係放兩三支點，等佢點完先再點

除咗玩，仲有食，係食月餅，以前月餅食黎食去都係個幾款，而家多咗好多種類，例如冰皮月、雪糕月餅、奶黃月餅，又啲就迎合健康，少甜嘅月餅，今年小編食得最多係榴槤月餅😋，實在太好味喇～
唔洗1個禮拜就食晒，不過屋企仲有其他月餅未食

今年食月餅都可以食肥，過完中秋要食減肥餐喇🤣

#得閒放假 #中秋節 #中秋節快樂 #月餅 #冰皮月餅 #奶黃月餅 #燈籠 #猜燈謎 #煲蠟 #節日 #假期

26/09/2023

歡迎大家黎到HM BLOGGING~
我係紙巾🧻
最近紙巾有啲惰性🙈
最近病咗，啱啱先好番，就冇咩動力出post!
唔想出還唔想出，但我都要負責番自己出post嘅責任💪🏻

大家《得閒飲茶》!

【點心】
終於講到點心呢part喇!🤣
我係一位不正常嘅飲茶友，我係唔鍾意食蝦餃燒賣的小編，唔好問點解，我自己都唔知點解，我係會食蝦，但唔知點解就係唔鍾意食蝦餃，燒賣呢我淨係鍾意食魚肉燒賣，唔鍾意食酒樓嘅燒賣😅

每位港人都必點嘅兩樣點心，小編偏偏唔鍾意食🤣

我去親酒樓會點叉燒包，奶黃包，叉燒腸，馬拉糕，咸水角，雞札，蛋散，如果丫媽係度可能會叫灌湯餃，細個個震唔知點解食完點都要叫番份糖水食先肯走，如果唔食糖水好似差咁啲嘢，食埋個糖水就perfect

如果係你，你又會叫咩點心？？

其實點心有好多，我哋港人叫點心，係去飲茶食點心，咸食為主

但好多地方嘅點心多數甜食為主，西式點心，啫係食西餅，再唔係就係甜食小食，餅乾、馬卡龍……

日式點心，就係團子、和菓子、羊羮……，團子同和菓子都有咸甜兩種，小編覺得咸甜都好食

其實點心就係茶點，廣式點心係主食，冇分幾點食，你可以係朝早食，我哋叫飲早茶，晏就食都係叫飲茶，下午食就下午茶，不過統一都係叫飲茶🤣

一到晚市就冇得叫點心，，所以大家唔好傻奸奸夜晚去酒樓叫點心，分分鐘冇人想show你

#得閒飲茶 #茶 #飲茶 #點心 #蝦餃 #燒賣 #叉燒包 #奶黃包 #馬拉糕 #灌湯餃 #叉燒腸 #廣式點心 #中式點心 #西式點心 #日式點心 #下午茶 #早茶

09/09/2023

歡迎大家黎到HM BLOGGING！
我係阿Gor😗。開學無耐，就已經係打風暴雨打孖上，加埋都係屋企擺爛左多幾日（但其實係chur緊呢篇文）。諗翻起真係日月如梭，明明都經歷左幾多野，但暑假話咁快都已經完左。話說，上一回我地嘅《暑假遊記》講左我兩場係暑假睇過嘅live show，今日我繼續食住個勢，今次我就分享下我北上兩日有咩玩啦！😉
好，3…2…1…出發！！！😆
--
《暑假 x 邊境遊記》
咦...今次個名唔同左嘅？無錯，呢個post我結合左「暑假」同埋以前做過嘅「邊境」遊記系列，正式衝出邊境外嘅世界，帶大家去睇下深圳好去處！經歷三年封鎖，相信大家都趁著呢個暑假四周遊歷，而北上係其中一個熱門選擇，去到深圳都好容易見到香港人嘅蹤影～咁好啦，我地直入正題，講下我係深圳又留底過咩野「蹤影」！
--
🗓️8:00 P.M. -- 華強北
今次我下榻福民嘅全季酒店，擺好曬大軟細軟之後，就衝去地鐵站，搭7號線飛去華強北啦~ 以我第一次去嗰度黎講，不出所料真係一出站就見到啲電話舖，就好似個大型先達咁樣。不過我咁趕時間唔係要去嗰度整電話，而係去博納影城睇戲！今次，我黎睇《消失的她》（當時香港仲未上畫），先唔好講戲飛好平，呢場嘅放映廳亦相當過癮！的而且確，跳過影評呢部分，係情侶院睇呢套傳說中睇完即刻分手嘅戲，連我都會心一笑。但係呢種小型放映廳睇戲，可以同身邊人依附肩膀一齊享受電影，就好似係屋企睇戲咁自在～睇完出黎都十點幾，但即使係閒日，戲院樓下嘅餐廳依然興旺，感受唔到第二日要返工咁樣。當然，適逢假日會更多人，但以平日人流黎講算係舒服得黎感受到人氣。
--
🗓️1:00 A.M. -- 水圍村
睇完戲之後，我就搭返地鐵去福民，行過對面馬路去水圍村逛一逛。話說福民呢邊可謂係不夜城，皇崗村嗰邊有木屋燒烤、潮汕大目等等熱門餐廳，水圍村又有夜市，即使夜麻麻都好，生活需要依然一應俱全。今次我主要係水圍村嗰邊流連，嗰邊唔單止熙來攘往，而且有好多唔同嘅攤檔同舖頭，每間起碼都開到三點，出去玩夜左都唔怕無夜食！首先，我先試左肉夾饃同埋雞蛋灌餅，兩份小食嘅份量一啲都唔細，食落都夠飽，而且每樣十五人仔以內，點都比香港抵食。然後，我再行下附近其他檔仔，有整指甲嘅，亦都有賣生果嘅，隔離地舖甚至有髮型屋開到一點，都keep住有人去剪頭髮，呢啲係香港係好難見到的！最後一站係去村口嘅串燒店「擼個串」，嘆下深夜邊食邊飲啤酒嗰種大快朵頤嘅感覺～當然，唔少得講，水圍村過返對面馬路就係全季酒店，非常方便，返去仲可以慢慢嘆下係檔仔買返黎嘅水果拼盤，感受短暫而輕鬆嘅度假滋味！
--
！！旅程備註
可惜嘅係，第二日我有急事要一早返香港，所以原本行程中途夭折，今次深圳之旅嘅足跡至此結束...咁我係度做少少remark啦，宜家上深圳一定唔少得微信支付寶呢啲平台。只要整好曬所有手續，就可以用返香港版嘅微信支付寶係深圳同埋一啲大城市消費，甚至係街邊檔都可以用到，所以大家都唔使擔心比錢嘅issue啦～不過，以我用支付寶黎講，香港版係唔包小程式，係要用小程式嘅地方就好麻煩啦...呢啲情況，我都係建議大家用微信，包曬落order同埋比錢一條龍服務。
--
呢次《暑假 x 邊境遊記》就講到呢度先。當然，我係呢個暑假嘅經歷唔單止呢兩個post就講完，畢竟篇幅有限，所以呢個番外篇就至此結束。暑假完左，係時候要開返勤力mode，我地會繼續同大家分享更多生活片段同冷知識，還請大家繼續留意HM BLOGGING！
---------------------------------------------------------------------------------------------------------------------------
#香港 #中國 #深圳 #暑假 #福民 #皇崗 #華強北 #博納影城 #水圍村 #夜市 #消失的她 #吃喝玩樂 #旅遊 #擼肉串 #小食 #雞蛋灌餅 #肉夾饃 #街邊攤檔

01/09/2023

歡迎大家黎到HM BLOGGING！
我係阿Gor😗。咁耐無見，唔知咁多位學生哥呢個暑假過得如何呢？對我黎講，今年好大機會係我最後一年暑假了，不得不感嘆時間過得快🥲…不過，今次我會係度分享下我呢個暑假難忘嘅片段，至於係咩呢...大家就要睇落去啦！😉
ARE U READY？RIGHT LET‘S PARTY！😆
--
《暑假遊記 -- 音樂篇》
繼上個月動漫節之後，呢個暑假我都算係多姿多彩，唔單止吃喝玩樂，亦都獲得好多寶貴嘅實習經驗。不過，要係度講曬嘅話，恐怕大家要睇到下年先睇完個post🫣，所以我今次係度同大家分享其中一個環節：音樂🎵！
--
🗓️8月12日：黃妍
誠品今年中開始舉行「24x24燦爛相傳」活動，適逢銅鑼灣誠品開幕十一周年，所以呢日舉辦左好多活動。當中，我去左URBAN SKY嗰邊嘅「音樂饗宴」，聽黃妍嘅現場演唱同埋分享。去到搵個靚位，準備就緒，但原來除左有歌聽，佢都分享左係編寫《4891》嘅心得同世界觀。成個event圍繞《4891》展開，並以三首歌貫串故事主旨，而我最深刻嘅係黃妍嘅創意🤓。就咁身處現場，我都感受到置身其境，原來將文學同埋音樂創作連結一起，係可以形成獨特嘅世界觀🏙️🌆。尤其係4891同1984兩個相反嘅世界，結合歌詞黎講故事，更添一絲意境~ 加上佢嘅歌聲輕柔，現場演唱水準穩陣，所以我都聽得好入神，可以準備入坑了🙈！（之後我好肚餓，出去搵野食，無留底聽埋吳林峰嗰場...）
--
🗓️8月26日：AGA
時隔三年，歷盡波折，AGA終於登上紅館大舞台了🎉。可以講小小故事，我係去完舊年同Dear Jane合作嘅音樂會之後入坑的，嗰時打破左我對AGA唱M記歌嘅印象🙉，開始欣賞佢嘅唱作魅力~ 返返黎紅館，兩場之中，我去左睇第一場，而成場演唱會唔單止係AGA本人精彩嘅表現，無論係舞台安排、編曲、現場樂隊，都令我為之驚艷🤩。除頭我以為AGA躺係台上唱《若》已經夠感染力，點知後來陳奕迅以特別嘉賓身份上台同AGA合唱，直頭係比左個天大驚喜比全場觀眾（包括我😺）。值得講下鼓手嗰part，鼓譜嘅arrangement係可以改寫成首歌嘅風格，甚至表達方式。尤其是係《Superman》嘅副歌，鼓手由原本嘅第三拍snare縮到去落係第二同四拍，係唔影響本身拍子之餘，令歌曲變得更活潑💃🏻。
--
兩場show都十分高質，我依家依然意猶未盡，腦海仲回味緊黃妍同AGA嘅歌聲😌！當然，還記得我開頭講過，《暑假遊記》係唔單止得咁多野分享架！黎緊呢個禮拜，我會同大家抓緊暑假嘅尾巴，再同大家回味一番，暑假嘅一點一滴🧐。想睇埋落去？就要繼續留意我地HM BLOGGING啦👋🏻！
---------------------------------------------------------------------------------------------------------------------------
#4891 #香港 #暑假 #誠品 #演唱會 #銅鑼灣 #紅館 #黃妍 #江海迦 #陳奕迅

14/08/2023

歡迎大家黎到HM BLOGGING!
我係紙巾🧻

大家《得閒飲茶》!

【成品茶】
由古至今都有好多唔同款式嘅成品茶，不過有好多工藝制作已經失傳，果唔係呢個topic，我都唔知道有咁多

我哋就唔講咁遠，講下我哋而家飲嘅成品茶有邊幾種啦！

最baise應該就係一罐罐嘅茶葉，未壓制成片or團嘅茶叫散茶，仲要再分生、熟茶

生茶就係未經過蒸軟壓制嘅過程，熟茶就係經過發酵，我哋飲開嘅罐裝茶葉入面都會再有一個package袋封住，多數都係熟茶，我覺得唯一嘅唔好，就係我開咗之後要再拎個密實袋裝住佢，或者用一個密實盒裝住佢，就係唔想啲茶香味走晒，其實我都唔知呢個動作啱唔啱🤣

最古舊嘅成品茶，應該非茶餅莫熟，茶餅又叫餅茶，係壓制茶嘅一種，因為大受收藏茶歡迎，不但更好運輸，更好存放，有利進行發酵

我咁大過人都係飲過一次用茶餅沖嘅普洱茶，因為茶餅可以儲放好耐，亦有收藏價值，如果靚嘅茶餅價格都比較貴，所以市面上都好少會賣茶餅，如果想買茶餅，我諗你要揾啲老字號or專賣茶嘅舖先有得買

到咗呢個世代，我哋最常見嘅就係茶包，除咗放便，仲要係佢已經幫你pack好咗一杯嘅份量，唔洗煩要落幾多茶葉先夠，仲有而家啲包裝都好靚，唔會覺得飲茶係只有老一輩先會飲嘅，後生一輩都會飲，package可以改變人對佢嘅認知，對佢改觀，所以我覺得有時包裝呀廣告呀，對人嘅影響都幾大

仲有一種茶好鬼放便，就係一支支or一盒盒沖好晒，係冇熱飲，只有常温同凍飲，其實老一輩成日就隔夜茶唔可以飲，但而家大家對一支支嘅隔夜茶好似冇呢個concept，都會照買黎飲，但老一輩都好似冇抗拒，都會照買黎飲🤔寫到呢度我下個topic不如寫點解唔好飲隔夜茶，不過而家一支支嘅隔夜茶係飲得，唔會身體有害

最後就係近年興起嘅tea capsules(茶囊)，一個個嘅capsules已經配搭好唔同嘅茶，只要經沖泡茶機就可以沖到一杯茶，而家飲茶除咗養生，而家係培養人去享受生活，好嘅生活習慣

Is tea time, not coffee time

------------------------------------------------------------------------------
#得閒飲茶 #茶 #成品茶 #散茶 #生茶 #熟茶 #茶餅 #餅茶 #拉茶包 #支裝茶 #茶囊 #盒裝茶 #養生 #享受生活 #嘆茶

09/08/2023

歡迎大家黎到HM BLOGGING！
我係阿Gor🥸。動漫節已經係上個禮拜嘅事，唔知大家有啲咩收穫呢？上一個post，紙巾🧻以coser嘅角度同大家分享動漫節嘅心得。今次，就輪到我以路人嘅身分🚶🏻，同大家分享我啲到嘅動漫節係點嘅👀！
🏃OK LET'S GO~~~🏃
--
《動漫遊記》
啱啱過去嘅7月28日至8月1日，係一年一度嘅動漫節，亦都係呢幾年以黎第一年正常舉辦。而我就根據係第四、五日（31/7同1/8）去動漫節嘅觀察，同大家分享下我嘅見聞👀~
--
1：排隊安排👥
今年條隊分流左兩邊，分別係灣仔站同會展站黎嘅人。而我兩日都經灣仔站入場，安排還好，總之落左樓梯入會展就舒服返啲。時間方面，第四日去排左兩個鐘，而第五日就四十分鐘左右入到去，的確係預料之內⌛。另外，兩次我都係去到先買飛，全程用八達通比錢，過程順暢，總算為行動漫節揭開序幕。
~
2：三樓情況🔝
我兩次都係上左三樓先，望下上面係咩情況。一上到去，果然係多人到爆，呢樣都好正常。不過，我就無話想搵邊個影相，而且現場寸步難行，所以唔夠五分鐘就已經走左🙀。值得一提，翻到去睇啲fb post，都話今年三樓嘅實際情況頗為混亂。呢樣即使我只係個路人，都深感同意，的確感受到連搵位影相都難🤯。
~
3：一樓情況🏢
之後落到一樓，一如以往咁多人。直接講，第四日我無行曬成個展館，直接係場後搵位休息，咁就過左一日，的確可惜🙁...至於第五日，我總算行曬成個展館。嗰日我去到已經係黃昏，依我觀察，好幾檔都仲有少量福袋賣，當中羚邦直到七點都仲要攞籌，確實厲害。值得一提，係第五日晚知名coser伊織萌到場舉辦簽名會，亦係成個動漫節嘅壓軸活動📷。無論係會前記者會，定係簽名會期間，都有一大堆fans圍住佢影相，我甚至搵唔到位影返張相（對的本來打算用黎做呢個post嘅材料，的確係我辦事不力😅…）。雖然係黎遠睇，但都感受到伊織萌嘅壓場感，呢樣係親身感受先明白的😗~
--
總括呢兩日嘅觀察，今年動漫節無論係氣氛、人流定係安排，都總算逐漸恢復往年嘅景象，以一個路人嘅角度黎講，算係不過不失😀。而且，我最後都有意外收穫--就係HELLO WORLD IF外傳小說，第一眼睇到就即刻攞左去收銀💸（不得不說，我好鍾意呢套動畫電影，推薦大家睇💯）。
--
連同紙巾嘅post，一連兩集嘅動漫節特輯就黎到呢度先~希望大家滿意呢個系列，我地會為大家帶來更多collab系列，比大家睇多啲身邊嘅趣事😆。好啦，我地下星期再見👋~
------------------------------------------------------------------------------------
#香港 #展覽 #動漫節 #漫畫 #小說 #次文化 #御宅 #購票 #好去處 #分享 #伊織萌 #伊織もえ #攝影

Happy Monday

24/12/2023

07/12/2023

11/11/2023

30/10/2023

21/10/2023

16/10/2023

04/10/2023

26/09/2023

09/09/2023

01/09/2023

14/08/2023

09/08/2023

Address

Website

Alerts

Contact The Business

Shortcuts

Share

Category