Osiina amiin haroo

30/09/2022

Irreen Kee Eenyu? Irreecha Moo Allah?

Maqaa Rabbii Akkaan Mararfataa Akkaan Rahmata Godhaa Ta'eetiin.

Qalbiidhaan Dubbisii Nama Muslimaa Hundaaf Share Godhi.
Muslima Jechuun Nama Fedhii Isaa Rabbii Tokkicha Isa Uume Qofaaf Kenne, Akkasumas Kan Fedhii Isaa Hin Hordofnedha. Nuti Muslimoonni Erga Muslima Taanee Jiruufi Jireenyi Keenna Hundinuu Qur'aanaa fi Hadiisaan Madaalamuu Qaba.

Namoota Hedduu Irraa "Irreechi Irree Keenya" Dubbiin Jettu Ni Dhagahamti. Garuu Muslimootaaf Irreen Isaanii Eenyu Laata? Maaliin Irree(Jabummaa) Arganna Laata? Qur'aanaa fi Hadiisni Kana Irratti Maal Nuun Jedhu Laata? Deebii Kanniiniif Na Hordofaa.

Irreen Keenya Kan Rakkoo Argamtes Nurraa Deebisu, Kan Wanta Faayidaa Qabu Hundumaa Nuuf Fidu, Kan Yeroo Hundumaa Isaaf Bitamnee Bullu, Rabbii Tokkicha Allah dha. Rabbiin Keenya Iddoolee Heddutti Akka Irree Keenya Ta'e, Akka Wanta Hundumaafuu Inni Nuuf Jiru Nuuf Hima.

6:17" Yoo Rabbiin miidhaan si tuqe, Isa malee deemsisaan isaaf hin jiru. Yoo toltuudhaan isin tuqes, Inni waan hunda irratti danda’aadha.
ﻭَﺇِﻥْ ﻳَﻤْﺴَﺴْﻚَ ﺍﻟﻠَّﻪُ ﺑِﻀُﺮٍّ ﻓَﻼ ﻛَﺎﺷِﻒَ ﻟَﻪُ ﺇِﻻ ﻫُﻮَ ﻭَﺇِﻥْ ﻳَﻤْﺴَﺴْﻚَ ﺑِﺨَﻴْﺮٍ ﻓَﻬُﻮَ ﻋَﻠَﻰ ﻛُﻞِّ ﺷَﻲْﺀٍ ﻗَﺪِﻳﺮٌ

10:107" Yoo Rabbiin rakkinaan si tuqes, Isa malee wanti isa fuudhu hin jiru; yoo toltuun si fedhes, tola Isaa wanti deebisu hin jiru. Isaan (tola saniin) gabroota Isaa irraa nama fedhe tuqa. Innis araaramaa, rahmata godhaadha

5:23" Yoo mu’uminoota taataniif Rabbirratti hirkadhaa."
وعلى الله فتوكلوا إن كنتم مؤمنين

3:122" Mu’uminoonnis Rabbirratti qofa haa irkatanu.
وعلى الله فليتوكل المؤمنون

Aayaa Qur'aanaa Dabran Keessatti Akka Ilaalletti Irreen Keenya, Qarqaaraan Keenya, Tokkichi Samiifi Dachii Moo'e Kan Yeroo Hundaa Nu Wajjiin Jiru Uumaa Jecha, Rabbii Keenya Allah Qofaadha.

Irree(Jabeenya) Eenyuun Arganna? Akkamiinis Arganna? Irree Kan Argannu Rabbiin Qofa Irraayi. Irree Argachuudhaaf Immoo Lagaa fi Malkatti Deemuun Furmaataa Miti. Irreen Kan Argamtu Rabbiin Dhuguumsanii Ajaja Isaa Qofa Jela Deemuudhaan. Rabbiin Kee

27/09/2022

27/09/2022

.... ❣.....

Faayya bareedinaa
Sinbooko boonsituu
Ati naaf ifaadhaa
Kan dukkana ibsituu

Jaalala ko cimsii
Onneetti naaf diradhuu
Jaalallee ko dhugaa
Kuma naaf jiraadhu.

Utubaan hin dhaabbatuum
Yoo dhabee dagalee
Simalee hin jiraadhuum
Shaggeeto siigalee?

Guutuun qaama kootii
Si'iin geggeeffamaa
Ati naaf motooraa
Si'iinan ka'ee deemaa.

Hunduma naaf caaltaa
Yoomuu hin qabdu gita
Ati agartukooti
Ijako mirgaa bitaa

Shaggeeto sidhabnaan
Abdii kootu citaa
Ati cinaacha kooti
Isa mirgaaf bitaa.

Hojii ke hin dhaabin
Fayyaakoo cabsitaa
Ati onneekooti
Dhiiga naaf raabsitaa.

Bakka sonbakootis
Siqofaan buufadhaa
Qilleensa gad baasee
Siinan ol fudhadhaa .

Shaggeto natti toltaam
Kottu laga dirree
Wal haammanne xabannaa
Garaa diinaa cirree .

Hangan lubbuun jiru
Yoomuu sin abdadhaa
Tolchituu jireenyaa
Baayy'een sijaalladhaa.

Guyyaa gammachuuf milkii
Daandii walii gorraa
Gadda irrattis waliin
Imimmaan walii corraa .

Jaalalaa qulqulluu
Dhugaadhaan wal soorraa
Wal fudhannee gallee
Ilmaan biyyaaf horraa .

Mooti durba Oro tiyyaa❣

❤💚❤waan ofii too!
Osama love

27/09/2022

26/09/2022

Nama Du'eef Yoo Maal Dalagne Itti Fayyadamuu Danda'a?

Akka Amantiin Islaamaa Barsiisutti Namni Tokko Yoo Du'e Dalagaan Kheyrii Gariin Isaaf Ni Gaha. Kanniin Keessaa Kan Qur'aanaaf Hadiisa Keessatti Dhufan Haa Ilaallu.

1. Du'aa'ii Namni Muslimaa Isaaf Godhu. Namni Muslimaa Du'aa'ii Dugda Duuba Namaaf Yoo Kadhate Du'aa'iin Ni Awwaatama. Kana Keessaa Tokko Salaata Janaazaa Salaatuudha.

2. Soomni Nazrii(Silatii) Yoo Irra Jiraate Woliyyiin(Namoonni Aanaa Ykn Fira Isaa Ta'an Isa Irraa Soomuu Qabu.

3. Namni Tokko Yoo Deynii Irraa Qabaate Deynii Kana Yoo Irraa Kafalan Ni Gaha. Qabeenyi Namaa Irraa Ni Qulqullaa'a.

4. Dalagaa Gaarii Ilmi Gaariin Isaa Dalaguudha. Abbaan Ilma Isaa Yoo Karaa Gaarii Irratti Guddise Ajrii Ilmi Argatu Rabbiin Abbaadhaaf Ni Kenna.

5. Wanta Gaarii Tokko Kan Ajriin Isaa Itti Fufu Yoo Kan Dalagu Ta'e Erga Du'e Boodas Ajriin Isaa Ni Dhufaaf. Innis Sadaqaa Jaariyaa Jedhama.

6. Beekumsa Nama Fayyadu Tokko Yoo Nama Barsiise Ajriin Namoota Inni Barsiisee Akkuma Itti Fufuun Ajrii Argataa Deema.

Wantoota Kanniin Hunda Ragaan Qur'aanaa fi Hadiisa Nabiyyii ﷺ Keessatti Dhufee Jira. Rabbiin Nama Ajrii Dalagaa Gaarii Isaa Yeroo Hundaa Argatu Nuhaa Taasisu. Aamiiiiiin!

✍️osama love