Zamadkun hailu

28/07/2023

09/11/2022

Friends

03/06/2022

ይህ በምስሉ ላይ የምትመለከቱት ሥፍራ:የዓለም መድኃኒት ኢየሱስ ክርስቶስ መወለዱን የሰማይ መላዕክት መንጎቻቸውን ሲጠብቁ ለነበሩት እረኞች ያበሰሩበት ሥፍራ ነው::እግዚአብሔር አምላክ የተናቁትን ማክበር ልማዱ ነው::ንግሥና ይገባቸዋል ተብለው ከተሰለፉት የእሴይ ልጆች ይልቅ አይገባውም ተብሎ የተረሳውን ብላቴናው ዳዊትን መርጦ በንግሥና ቅባት ያከበረ እግዚአብሔር: በእቃና በእቃ መካከል ቁጭ ብሎ "እኔ የተናቅው ነገድ የነገደ ብንያም ወገን ነኝ :ማንም አይፈልገኝም "እያለ ሲያዝንና የተናቅውን አህያ ሊፈልግ ሰሄድ: በንግሥና ቅባት ቀብቶ ሳኦልን ያነገሰ እግዚአብሔር: ሰውን ለማዳን ሰው ሆኖ በቤተልሄም ዋሻ በተወለደ ጊዜም ምሥጢረ ልደቱን የገለጠው ዓለም ዝቅተኛ ሥፍራ ለምትሰጣቸው ለእረኞች ነው::አየህ ወዳጄ እግዚአብሔር ማለት እናውቃለን ለሚሉ ትዕቢተኞች የተሰወረ:አናውቅም ለሚሉ ትሁታን ግን የተብራራ አምላክ ነው::አየህ ወዳጄ ስለ እግዚአብሔር ማወቅና እግዚአብሔርን ማወቅ ይለያያል:ስለ እግዚአብሔር ማወቅ እውቀት ነው:እግዚአብሔርን ማወቅ ግን ሕይወት ነው::ስለ እግዚአብሔር በማወቅ ብቻ ቢሆን ኖሮ ከአይሁድ በተሻለ የሚያውቅ አልነበረም: ዕውቀታቸው ግን ላወቁት ጌታ አምነው ለመስገድ ሳይሆን ለሄሮድስ ጠቁመው ለማሳረድ ነው::ዕውቀታቸው ግን ቅዱስ መጽሐፍ ይዘው እርኩስ ተግባር ለመፈጸም ነው::ዕውቀታቸው ግን ለእግዚአብሔር ልጅ ቀንተው እግዚአብሔርን ለመስቀል ነው::ዕውቀታቸው ግን ህግን ለመግዧነት እንጂ ለመገዣነት አለመፈለግ ነው::ለዚህም ነው ጌታ በየዋህነትና በቅንነት መንጎቻቸውን ሲጠብቁ ለነበሩ እረኞች ብርሃነ ልደቱን የገለጠው:;

03/06/2022

ይህ የምትመለከቱት ሥፍራ ኢየሱስ ክርስቶስ የተወለደበት ስፍራ ነው::ሰብአ ሰገልን እየመራ የመጣው ኮከብም እዚሁ ቦታ ላይ ነው የቆመው::የሰው ልጅ የእግዚአብሔር ልጅ እንዲሆን የእግዚአብሔር ልጅ የስው ልጅ ሆነ::በአውሮፕላን ውስጥ: በመርከብ ውስጥ:በባቡር ውስጥ:በእስፓርት ሜዳ ውስጥ:ወዘተ...ስለተወለዱ ሰዎች ሰምተናል:: ነገር ግን በበረት ስለተወለዱ ሰዎች አልሰማንም::በበረት መወለዱን የሰማነው ስለ ኢየሱስ ክርስቶስ ብቻ ነው::መሲሁ በቤተ መንግሥት ይወለዳል ሲባል በበረት ተወለደ:ወርቀዘቦና ግምጃ ይነጠፍለታል ሲባል በጨርቅ ተጠቀለለ:የቤተ መንግሥት ወይዛዝርት እልል ይሉለታል ሲባል እንስሳት እስትንፋሳቸውን ገበሩለት:መሲሁ መኳንንቶች ይከቡታል ሲባል እረኞች ከበቡት:መሲሁ አፈሙዝ ይዞ ወታደር አስከትሎ ይመጣል እስራኤላውያንንም ከሮማውያን ባርነት ነጻ ያወጣል ሲባል ከኃጢአት ባርነት ነጻ የሚያወጣ የዓለሙ ሁሉ ነጻ አውጪ ሆኖ መጣ::ሁሉ የሱ የሆነ ጌታ እራሱን ባዶ አድርጎ ለሌሎች ለመኖር ተገለጠ :በእውነት የጌታ ነገር ይደንቃል :: የተቀመጠበት አህያ የሰው:ፋሲካን ያደረገበት ቤት የሰው:የተቀበረበት መቃብር የሰው:ብቻ.... ከበረት እስከ መስቀል ሞት:ረጅሙን የፍቅር ፍለጋውን አድርጎ :ሰውን ሰው ያደረገ አምላክ የተመሰገነ ይሁን: