https://www.facebook.com/2170556853196408/

HB.brand, اون لاين, Sohag (2026)

Name: HB.brand
Address: اون لاين, Sohag, EG
Telephone: 01120117989
Price range: £

19/07/2024

قال رسول الله ﷺ
‏" اكثرو من الصلاة علي ليلة الجمعة وفي يوم الجمعة فإن صلاتكم معروضه علي"
‏من أعظم مطالب الدنيا أن تُكفى همك
‏ومن أعظم مطالب الآخرة أن يُغفر ذنبك
‏وهما مضمونان بكثرة الصلاة على النبي ﷺ.

25/04/2021

الصيف بيحب اللبس واللبس يعنى HB.brand

مع التيشيرتات الصيفي بالوانها المبهجة ❤️😍
✅الخامة قطن مخلوط بيكا
✅متاح جميع المقاسات M - L - Xl - 2xl
✅ إمكانية الإستبدال أو الإسترجاع
✅الدفع عند الاستلام

سعر التيشرت ١٢٠ج بس ✌️
اطلب الاوردر دلوقتى من رسايل الصفحه او واتساب على 01069039500 وهنوصلك لحد باب البيت
مع HB.brand اشترى وانت مطمن ❤️

24/04/2021

في الشغل.. لبسنا بيتكلم عننا

في مشهد ساخر كده كان في الفيلم الأمريكي "Pretty Women" لما دخلت جوليا روبرتس محل فاخر علشان تشتري هدوم وساعتها الست اللي بتبيع في المحل رفضت تخليها تشتري من عندهم لأن مظهرها غير لائق، ودي حاجة اختلفت 180 درجة بعد كده لما مظهر جوليا اتغير ورجعت تاني تشتري من نفس المحل لأن نفس الست رحبت بيها جدًا وكانت عايزاها تشتري من عندهم بأي شكل.

المشهد ده رغم إنه يضايق إلا إنه حقيقي سواء في الحياة عمومًا أو في الشغل خصوصًا لأنه في عوامل كتير جدًا بتأثر على نجاحنا في العمل وفرصنا في التقدم الوظيفي في أي مكان بنشتغل فيه بداية من اجتهادنا وشطارتنا ولحد طريقتنا في اللبس.

ولأن كتير مننا مش بيخدوا بالهم من النقطة دي هنلاقي إنه وارد جدًا تكون في فرص مهمة بتضيع منهم وهما مش فاهمين السبب الحقيقي من وراها، علشان كده قررنا نتكلم النهارده عن إزاي ممكن طريقة لبسنا تأثر على إمكانية حصولنا على وظيفة أو ترقية معينة، لأن الموضوع رغم إنه يبدو بسيط إلا إن في دراسات كتير اتعملت عنه وأثبتت إنه مؤثر وخطير كمان.

من الأول كده لازم نفهم إن الهدوم اللي بنلبسها بتوصل رسائل للآخرين عننا وبالتالي بتلعب دور كبير في إدراك اللي قدامنا لينا وإلى أي مدى ممكن نكون جديرين بثقتهم، ده غير كمان إنها بتحدد طريقة تعاملهم معانا، ومستويات تقدمنا الوظيفي.

ودي حاجة أكدتها دراسة نشرتها مجلة "Business Research" المتخصصة في أبحاث قطاع الأعمال، واللي أظهرت نتائجها إنه لبس هدوم من علامات تجارية فاخرة بيحسن من فرصنا في الحصول على الوظائف.

يعني مثلًا هنلاقي إنه في حال إجراء مقابلة شخصية بين فردين علشان يلتحقوا بنفس الوظيفة وكانت النتيجة إن الاثنين كانوا متساويين في القدرات والكفاءات والمؤهلات بيقع الاختيار على الشخص اللي كان لابس هدوم فاخرة أو من علامة تجارية معروفة وغالية.

كمان لو كان في أكتر من مرشح لشغل وظيفة معينة وكان في واحد لابس هدوم عادية، وواحد لابس من علامة تجارية عادية، وواحد لابس من علامة تجارية فاخرة بيشوفوا الأخير هو الأنسب للوظيفة وبيخصصوا له أعلى راتب في الوظيفة دي.

الموضوع مش بيقف عند نقطة التعيين بس لكن كمان طريقة اللبس بتأثر على فرص الترقي في العمل، وبحسب مسح أجرته شركة "OfficeTeam" المتخصصة في مجال التوظيف هنلاقي إن 80% من المديرين التنفيذيين شايفين إن طريقة اختيار الموظف لهدومه بتأثر على ترقياته في العمل.
كمان في دراسة أجرتها كلية كيلوج للإدارة بجامعة نورث وسترن الأمريكية أظهرت إن كل ما كان الشخص مظهره حسن ولائق كل ما ده انعكس بشكل إيجابي على أداءه في العمل لأنه بيمنحه ثقة أكبر في نفسه وقدراته.

ونقدر نقول مجموعة من النصائح العامة المتعلقة بمظهرك في العمل واللي ممكن يكون لها تأثير إيجابي عليك في الشغل:

- مهم جدًا إن كل شخص يختار الهدوم اللي بتتناسب مع شخصيته وطبيعة وظيفته لأن ده هيمنحه إحساس أعلى بالثقة بالنفس وهيخليه يكسب احترام الآخرين، فلو شغلك مش بيفرض عليك إنك تلبس بدلة مثلًا مش هيكون مطلوب منك أبدًا إنك تعمل ده لكن ممكن في المقابل تركز على ارتداء الملابس ذات الألوان المحايدة زي الأسود والأزرق الغامق والرمادي.

- لو كان عندك مناسبة أو اجتماع مهم لازم تهتم بمظهرك وتختار ملابس أنيقة خاصة لو كنت لسه في بداية مشوارك الوظيفي لأن ده هيسيب عنك انطباع بإنك شخص أكثر نضجًا واحترافية، وهيفتح لك أبواب كتيرة وهيتيح لك فرص جديدة.

- في حاجة ضرورية معظم السيدات لازم يخدوا بالهم منها وهي إنهم يلبسوا هدوم محتشمة قدر الإمكان في أماكن العمل لأن ارتداء الملابس المفتوحة أو القصيرة بيدي عنهم صورة أولية بإنهم أقل كفاءة في العمل.

- من الحاجات المهمة اللي لازم كل موظف ياخد باله منها إن لبسه يكون مكوي ومضبوط على مقاسه لأن الملابس الواسعة بتدي انطباع بإن الشخص غير منظم، وكمان الضيقة بشكل ملفت بتسيب انطباع سيء عنك لدى الآخرين.

- مهم إن السيدات تاخد بالها كويس إنها مش لازم تلبس مجوهرات براقة جدًا وهي في الشغل، الموضوع نفسه بينطبق على المكياج اللي يفضل يكون خفيف وبسيط وملائم لبيئة ومكان العمل.

وفي النهاية، نقدر نقول إن كل موظف لازم يراجع طريقة لبسه ويشوف إلى أي مدى هي بتسيب الانطباع الحقيقي عنه وعن شغله لأنه كل ما كان الشخص مجتهد وبيمتلك مهارات اتصال كويسة ومظهر جيد كان أقدر على الوصول للمحيطين به، وكسب ثقتهم وبالتالي ضمان تحقيق التقدم الوظيفي اللي هو طول الوقت كان بيحلم به.

14/06/2020

فلسفة معينة في اللبس :
١- مش عشان موضة يبقا لازم يناسبنا، ال هيبقي حلو عليك هو دا الموضة.
٢- اللبس مش بتمنه لكن بشكله علينا.
٣-تناسق الألوان مهم جدا زي م اتكلمنا عنه قبل كدا.
٤- بحس ان الجزمة اهم من انا لابس ايه و خصوصا الكوتشي الأبيض ( طريقة تنضيفه ف البوست ال قبل ده ).
٥- ما تلبسش نفس القميص او التي شيرت علي نفس البنطلون اوقات بتكون مش واخد بالك ان تركيبه تانيه هتبقي احلى.
٦- اما تنزل تحت البيت البس احسن من وانت خارج عشان كل مره هتخسر الرهان و كلهم هيشوفوك 😂
٧- مش كل مرة تنزل فيها تشتري نفس الالوان دا مرض اتخلصوا منه!
٨-اشتري من اي مكان طالما لاقيت حاجه عجباك مش كل ما يبقي رخيص الماتريال تبقى وحشة و مش كل ما هو غالي هيكون نضيف. 👌

HB.brand 🤝💙

17/05/2020

" تنضيف الكوتشي الابيض"

طبعا لما بتروح تشتري كوتشي ابيض اول حاجه بتبقي شايل همها هي نضافته لو اتوسخ وبتبقي مش عاوز تمشي بيه ف الشارع من كتر الوسواس اللي بيبقي عندك .. ف هقولك ع كام طريقه كدا تساعدك ع تنضيفه بسهوله:

* الطريقه الاولي: هتجيب شوية صابون سايل و شويه معجون اسنان و فرشه اسنان قديمه عندك و تحط شوية معجون اسنان علي الصابون السايل و بشكل دائري اعمل بيها الكوتشي و بعد كدا بقماشه قطن امسح المعجون و الصابون السايل و هتلاحظ الفرق .

* الطريقه التانيه: هات البيكينج بودر (اللي هو بيتباع ف السوبر ماركت وبيعملو بيه الكيكه) و معجون أسنان و حطهم في كوبايه و قلبهم بفرشه اسنان مبلوله و بعدين ادعك بيهم الكوتشي و بقماشه قطن امسح بيه الكوتشي هتشوف ازاي رجع لونه ابيض تاني .

* الطريقه التالته: الطريقه دي لو الكوتشي بتاعك قماش هتجيب بودره اطفال و ميه و تقلبهم كويس بفرشه الاسنان و بعد كدا تنضف الكوتشي بتاعك و بعد كدا تشيل الخليط من علي الكوتشي بقماشه مبلوله و هتلاقيه رجع زي الاول .

* اهم حاجه بعد ما تنضف الكوتشي انك تسيبه ينشف كويس و انك متلبسهوش غير و انت متاكد انه ناشف.

HB.brand 🤝💙

14/05/2020

أقوي عروض في سوهاج من HB. Brand😎
خصم ٥٠ جنيه لأول ٥٠ عميل 😍
إلحق اطلب بسرعة الكمية محدودة جدًا
ولو الشوز وصلك والمقاس مش مظبوط او معجبكش تقدر ترجعه او تبدله 💪💪
ولسه فى عرض تانى أقوي😉
اللى هياخد 2 كوتشي هنقدمله التوصيل مجانا😉
عشان تعرف باقى التفاصيل وتطلب اوردر
ابعتلنا ع رسايل الصفحة او واتس اب او فون علي الرقم ده:
📞 01120117989

07/05/2020

" أخطاء شائعة ف لبسك "

* فيه كام حاجه كدا بلاش تعملها ف لبسك :

١- الشراب الابيض : يستحسن تبعد عنه خالص لانه بيموت اللبس بالذات لو لابس طقم اسود .

٢- البنطلون : مينفعش البنطلون يبقي طويل لدرجه انه يبقي مكشكش فوق الكوتشي او الجزمة، ومينفعش برضو يبقي قصير عشان لو قاعد ع كرسي او اي حاجه ميبقاش البنطلون مرفوع ورجليك وشرابك باينين فلازم البنطلون يبقي مظبوط ع الرجل لا طويل ولا قصير ، ويتحسن لما تشتري بنطلون جديد يتغسل الاول قبل ما توديه للترذي عشان لو بيكش يكش قبل ما تقصروا ، وبلاش تضيق البنطلون قوي وتتنيه من تحت عشان متبقاش سرسجي 😂

٣- التيشرتات : بلاش تلبس التيشرتات اللي تكون رقبتها واسعه اوي لدرجه ان كتافك تبان منها انت مش بنت !

HB.BRAND 🤝💙

03/05/2020

تاني بوست زي م وعدناكم 💙

افضل اماكن ف الجسم لاستعمال البرفان :

١- علي كتافك الاتنين من قدام علشان ف حركتك الهوا بيعدي من جنبك فبياخد ريحتك وينشرها ف المكان واللي هيعدي جنبك هيلتفت لريحتك ، لكن متحطش البرفان ع صدرك لان الهوا هيصد فيك انت ومش هينتشر كويس .

٢- ورا ودنك علشان لو حد جه يسلم عليك ويبوسك تبقي الريحه مقبولة.

٣- تحت راسك ع رقبتك من ورا ( قفاك ) علشان وانت ماشي تسيب انطباع خلفي للبرفيوم بتاعك ف ضهرك.

٤- لو ف حاله انك لابس جاكت او بدله بيكون فوق الكتف مابين رقبتك وكتفك من برا عشان لما تيجي تلبس الجاكت او تقلعه وبيلف معاك وبيخلي ريحته منتشرة.

HB.brand 🤝💙

29/04/2020

اول بوست هنتكلم عن" تنسيق ألوان الملابس "

طبعاّ تنسيق الوان اللبس من الحجات المهمه لانه بيعكس شخصيتك وبيزود ثقتك بنفسك وبيدي للناس انطباع راقي عنك عكس ال لبسه بيبقي كوكتيل ف بعضو ..

اول حاجه الألوان ليها 3 أقسام :
1- الألوان المحايدة: الأبيض والأسود.
2- الألوان الأساسيّة: الأزرق والأحمر والأصفر.
3- الألوان الثانوية: باقي الالوان.

* طريقة تنسيق ألوان الملابس :

1- متخترش الوان كتير ف لبسك ، الاحسن انك متزودش عن تلت ألوان إلّا في الضرورة، عشان يبقي سهل عليك تنسيقها.

2- اختار لبسك من تدرجات الألوان بالاعتماد على أقسام الألوان في فقرة (أقسام الألوان)، زي انك تلبس لونين واحد منهم ناتج عن خلط التاني مع لون ثالث، يعني مثلاً اللون الرمادي هو لون ثانوي جاي من خلط الألوان المحايدة، فممكن تلبس الرمادي مع الأبيض والأسود، او مثلاُ تلبس الكحلي (الأزرق الغامق)، مع الأزرق السماوي وهكذا..

3- خلي لون الحزام والجزمه واحد، يعني لو كان لون الحزام بني يبقي لون الجزمه برضو بنيّ.

4- ظبط لبسك مع لون بشرتك، يعني لو كانت بشرتك داكنة، يفضّل لبس الألوان المحايدة ، اما لو كانت بشرتك فاتحة، يفضل لبس الألوان الزاهية .

5- لو كان قميصك كاروهات أو مخطط وفيه كذا لون، يبقي البس بنطلون لونه من ألوان القميص، بدل من إضافة لون جديد.

6- حاول تبعد عن اللون البيج، لانه أقرب للون البشرة، ودا بيوحي بالشحوب.

7- البس جزمه او كوتشي مع شراب من نفس اللون، لان اختيار لون شراب مختلف عن لون الجزمة دا بيشوّه منظر الجزمه.

HB.brand 🤝💙

27/04/2020

ايه رأيكم لو نزلنا ليكم معلومات ونصائح عن كيفية تنسيق الألوان للملابس، والأخطاء الشائعة، وكل حاجة تخص اللبس؟

HB.brand

19/07/2024

25/04/2021

24/04/2021

14/06/2020

17/05/2020

14/05/2020

07/05/2020

03/05/2020

29/04/2020

27/04/2020

Address

Telephone

Website

Alerts

Shortcuts

Share