04/08/2026
للمرة الرابعة قدامي يتكرر نفس الموقف، وكل مرة مع شركة اتصالات مختلفة!
العميل يشتري iPhone جديد، عليه الضريبة ولسه داخل فترة السماح، يروح يطلع شريحة eSIM فيتقاله:
“مينفعش… عشان الجهاز عليه ضريبة.” ❌
وده كلام غير صحيح.
✅ طالما الجهاز داخل فترة السماح، تقدر تطلع eSIM وتشتغل بشكل طبيعي، ومفيش أي مشكلة.
لو الموظف قالك مينفعش:
* اطلب منه يطبعلك QR Code على ورقة، وهتقدر تفعل الشريحة.
* أو ببساطة متدخلش في موضوع الضريبة من الأساس إلا لو اتسألت.
ولو رفض بدون سبب واضح، من حقك تقدم شكوى، ولو احتجت كلم جهاز حماية المستهلك وأنت واقف في الفرع.
ملحوظة مهمة:
الكلام ده ينطبق فقط على الأجهزة اللي ما زالت داخل فترة السماح (4 شهور)، ولا ينطبق على الأجهزة اللي انتهت فترة السماح وأصبحت مطالبة بسداد الضريبة لتعمل على الشبكات المصرية، كما أنه لا ينطبق على الأجهزة المقفولة على شبكة أو دولة معينة
