25/02/2018
يا ليله العيد..انستينا..
*جريمه مريبه..جثه ملقيه ع المنضده*
*قدمه اليسري مشوهه*
*متوفي من فتره ليست ب القصيره*
*قبل الحادثه ب١٢ساعه
*الصباح الباكر*
*الساعه تدق التاسعه صباحآ*
*اخر ايام رمضان*
*وقفه العيد*
ياسين يقف ف الشرفه
يستعد ل يوم جديد
ياسين:صباح الخير يا مني
مني:صباح النور يا حبيبي
ياسين:هنعمل ايه النهارده؟ هنسهر ولا نخرج؟
مني:لا خلينا نسهر ف البيت عشان الزحمه و بكره نسافر زي م اتفقنا..
ياسين:انا قولت كده برضو..بس الحجز ٣ايام و ممكن يتلغي لو اتاخرنا..
مني:متخفش هنبقي هناك باذن الله..
ياسين:انا نازل بقي..عايزه حاجه؟
مني:لا يا حبيبي عايزه سلامتك..
*ياسين يدخل قسم الشرطه*
*متفائل بليله العيد*
ياسين:ازيك يا لطفي و ازي عيالك؟
لطفي:الحمدالله يا سعاده البيه ف نعمه..
ياسين:لو عايزين حاجه قول متتكسفش..
لطفي:ربنا يخليك ياباشا
*وبعد مرور بضع ساعات*
حسين:ف جريمه قتل ف كامبوند ف مصر الجديده..يلا يا ياسين بيه عشان الجريمه باين عليها غريبه
*ياسين يبتسم*
ياسين:هي ديه ليله العيد الحقيقيه..
حسين:مكنش هيبقي عيد من غير جريمه ف اول يوم كده..يلا عايزين تشتغل
ياسين:طب يلا حضر فريق الطب الشرعي و حصلوني ع هناك..
حسين:طيب..انت فطرت؟ الاذان اذن من ٥دقايق
ياسين:لا لسي هاكل حاجه وانا جي..انت كلت؟
*حسين يبتسم*
حسين:كلت كشري..يلا عايزين نشيل فلوس للعيد
ياسين:انت هتحكي معايا ولا ايه؟ يلا روحو!
*ياسين يصل الموقع*
*جريمه بشعه*
*القدم اليسري مشوهه*
*ملقي ع المنضده*
*جسده ازرق*
*الطب الشرعي بعد فحص مبدئي*
دكتور الطب الشرعي:بص يا فندم ديه من اغرب الجرائم ال شوفتها ف حياتي!
الدكتور:عرفنا ان اسمه محمد عطوه شغال دكتور باطنه و معرفناش اكتر م كده..اولا فيه محترف شوه رجله الشمال عشان كده ظهرت كده..
عشان لو حد.عادي كانت رجليه نزلت دم كتير و زي م حضرتك شايف الجثه نضيفه مفهاش نقطه دم..ثانيا..عظمه متكسر من جوه و فيه كسر ف المفاصل..!
ياسين:اه! كل ده و تعيين مبدائي بس!
الدكتور: زي م انت شايف الحاجات واضحه بس اكيد هعرف اكتر من كده لما اوديها المشرحه عشان اشرح و اعرف الاسباب و تبقي قدامي الصوره واضحه..
ياسين:ماشي قدامك لحد الفجر يعني بعد ٤ساعات تكون قدامي كل حاجه
الدكتور:تحت امرك يا فندم
*ياسين يحضر حسين*
ياسين:هاتلي كل الجيران و الحارس بتاع الكامبوند و كل واحد ليه علاقه ب الشقه ديه
حسين:تحت امرك يا فندم
*بعد ٤٥دقيقه*
ياسين:بص يا عبد الباقي..انا عارف انك قديم هنا..و الناس كل بتحبك و عرفاك..ف عايزك تبقي صريح معايا..و تقولي الحقيقه اتفقنا؟
عبدالباقي:اتفقنا..بس صدقني اني مش هكدب عليك والله..
ياسين:احنا قولنا ايه! هنبقي صراح مع بعض..
عبد الباقي:ماشي..انا هحكيلك..استاذ محمد كان دايما كريم مع الناس..يعني مثلا كان كل م يدخل من عندي يديني فلوس و مكنش بيبخل معايا..و الجيران كانو بيحبوه و طبيعي يكون ليك ناس مبتحبكش..بس عادي و ف اخر كام يوم الدكتور اختفي و مبقاش ينزل و محدش يسمع عنه حاجه..و مخدناش ف بالنا لحد م عرفنا الخبر المشؤوم ده و كمان
*ياسين يقاطع عبد الباقي*
ياسين:قولي بقي مين كان بيكرهو؟
عبدالباقي:هقولك هما كانو ٣..الاستاذ حسن الشامي ال ساكن معاه ف نفس العماره..و الدكتور وليد ال ساكن بعديه بعمارتين و الدكتور هاني ال ساكن ف اخر الكامبوند.
ياسين:انا عايز التلاته دول يجولي حالا يا حسين..شكرا يا عبد الباقي روح شوف شغلك..
حسين:طيب يا فندم م تروح عشان تعد شويه مع المدام و الاولاد و كمل التحقيق الصبح..
ياسين:نفسي والله بس لازم اخلص التحقيق النهارده
*بعد ١٠دقايق*
ياسين:ازيك يا استاذ حسن
اسين:اولا البقاء لله ف ابنك
حسن: شكرا ل سؤال حضرتك الدوام لله
ياسين:من غير مقدمات كتير..دكتور محمد مات و حضرتك جاره و سمعت ان كان فيه مشاكل بينكو ف ياريت اعرف تفاصيل اكتر
حسن:حضرتك انا ال بلغت..و انا حاسس من كلام حضرتك ان فيه لؤم مع احترامي ليك و اتهام ليا اني قتلتو!
ياسين:ايه ي راجل انا قولتلك جمله و هتطلع منها اتهام رسمي..انا كل ال عايزو ايه المشاكل ال كانت بتحصل..
حسن: كانت مشاكل تافهه..كان سعات كلبي كان يتخانق مع كلبه و مياه التكييف تقع علي هدومه..يعني اكيد مش مبررات اني اقتله!
ياسين:ماسوره تكييف ااه!..و علاقتك بيه كانت مختصره عن المشاكل!..
حسن:تقدر تقول كده بس مكنتش اتمناله الشر اكيد يعني..
ياسين:حضرتك شغال ايه؟
حسن: انا دكتور عظام
ياسين:شكرا لحضرتك..لو عندك افاده ابقي قولهلنا
حسن:شكرا يا فندم..
ياسين:هاتلي الدكتور وليد..
ياسين:عايزك تعرف يا استاذ وليد ان ده تحقيق رسمي..و ان كل بيتكتب..ف عايزك تبقي صريح معايا..حضرتك دكتور ايه؟
وليد:انا دكتور علوم..و ساكن قريب م هنا
ياسين:حضرتك ايه علاقتك ب الاستاذ محمد؟
وليد:كانت علاقه ممتازه دايما و كنا صحاب يعني..
ياسين:بس انا عرفت ان كان مشكله قبل م يموت ب اسبوع و اتخانقتو خناقه كبيره و هدتتوا ب القتل..
*وليد يضحك*
وليد:ايوا ده حقيقي بس كانت ساعت نرفذه بس..و بعديها انا هديت و كنت هصالحو بس حصل ال حصل
ياسين:طب ايه كانت المشكله؟
وليد:كنت معزوم عنده ع الفطار..و انا كنت ملاحظ ان فيه نظرات غريبه لمراتي منه و انا مكنتش بدقق..اصل محمد كان بيحب يعاكس و مكنش حد بيملا عينه
*ياسين يقاطع وليد*
ياسين:استني بس ازاي فطرتو عندو و هو مش متجوز؟..
وليد:لا م الاستاذ محمد كان طباخ كويس جدا
بس مش ديه تفصيله
ياسين:كمل
وليد:بعد كده موبيله وقع ف ايدي و هو مفتوح و الفضول قتلني و مسكته لقيته بيتكلم مع مراتي ع الواتساب و مركزتش ف الكلام عشان جيه و مسكته اتخانقت معاه و هو كان بيقولي انه كان بيكلمها عشان يعملولي مفاجاه ف عيدميلادي..و انا مصدقتش و هددتو..بس هي ديه المشكله
ياسين:طب انت بتشك ف مين؟
وليد:لا مش بشك ف حد و انا ف حالي و مليش دعوه بحد
ياسين:طب شكرا ليك اتفضل لو عندك حاجه قولهلنا..
وليد:اكيد طبعا..
ياسين:هاتلي دكتور هاني بسرعه
*ياسين يحادث نفسه*
اكيد حسن مش هيقتلو عشان مواسير تكييف..و وليد هدي و كان هيصالحو بس صح وليد دكتور اصلا ممكن..
*ياسين ينادي وليد*
ياسين :هو حضرتك بتحط فين اعمالك و محاليليك؟
*وليد يرتبك* عندي ف الشقه اشمعنا؟
ياسين: لا بس عشان احطها ف التحقيق..
وليد:ماشي
*هاني ياتي*
ياسين:حضرتك ف تحقيق رسمي و انا يس من اسم مصر الجديده..و فيه جريمه قتل ف لازم تتعاون معانا عشان نجيب الجاني
هاني:حضرتك انا هقول ال اعرفه
يس:عظيم..حضرتك شغال ايه؟
هاني:محامي جنايات و كنت نجار
ياسين:كانت ايه علاقتك مع القتيل؟
هاني:كانت علاقه بسيطه مكناش ع معرفه
ياسين:بس كانت فيه مشاكل بينكو
هاني:ايوا..عشان كانت بسبب البنات ال كان بيجبهم كل يوم ف الكامبوند..
يس:و ايه ال يضايقك ف كده؟
هاني:حضرتك انا ذنبي ايه عيالي يشوفو الحاجات ديه..ولنفترض ان البوليس جيه ف يوم و حصل حاجه..و قبض عليهم..الكامبوند سمعته هتبقي ف الارض ف ب العقل كده يا فندم..
يس:حضرتك قبل كده قعدتو مع بعض او اي حاجه؟
هاني:هي مره عشان كنا بنلعب مع صحابنا كوتشينا بس مش اكتر بس مكناش وطيدين ن
ياسين: طب حضرتك بتشك ف مين؟
هاني:ممكن يكون استاذ وليد بسبب اخر مشكله ديه
يس:هل من اقوال اخري؟
هاني:لا بس لو فيه هبلغكو
*هاني يقف و يتذكر شيئا*
هاني:صح ع حسب مافتكر ان المرحوم اخر يوم شوفته فيه كان معاه شنطه و دخل بيها شقته و م سعتها مشفتوش تاني
يس:شنطه ايه؟
هاني: اصل المرحوم كان عنده ارض ف الواحات و سمعت انه باعها ف اكيد ديه فلوسها
بس: طب شكرا اتفضل
*مكالمه من دكتور الطب الشرعي*
الدكتور:ياسين بيه المجني عليه مش ميت موته يدويه..هو مات متسمم..و بسم نادر جدا كمان
يس:متاكد من الكلام ده
الدكتور:ايوا اكيد
يس:طب شكرا يا دكتور..لو عندك حاجه جديده قولي
الدكتور:اكيد يا فندم
