Sa7atube

18/12/2020

نصائح جد مهمة من طرف
د.لينة مزوز

"الطب مهنة وأسلوب حياة"

اليوم تبدأ رحلتنا في صدى إنسان في حلقته الأولى اللّي تتمحور حول دراسة الطب وكيفاه نكوّنوا أنفسنا كأطباء أكفاء لحمل هذه الرسالة الإنسانية، و شكون منا ميحبش الحكايات 🤩، اليوم راح نشدو الرحال مع خبيرتنا الدكتورة لينة مزوز ، طبيبة عامة ذات مشوار فريد من نوعه و ثري بالتجارب, اللي فتحت لنا قلبها وحكاتلنا على مشوارها وشاركتنا الأسرار اللي تخلي الطب في حياتنا يكون أكثر من مجرّد مهنة، ولم تبخلنا بنصائحها من تجربتها الخاصة وين جاوبت على جميع التساؤلات اللي تراود طلاب الطب في كل السنوات 🤔.

يمكنكم الآن الاستماع إلى الحلقة عبر الرابط أسفله 👇 :

https://anchor.fm/95863

دركا وين تقدر تسمع البودكاست؟
إذا كان الجهاز تاعك ( PC أو الهاتف ) متصل بالأنترنت، تقدر تحمل البودكاست، أو تسمعه مباشرة من بعض التطبيقات الخاصة مثل:
●تطبيق Google Podcasts للـ Android
●وغيرها من التطبيقات مثل Spotify و Anchor

27/10/2020

AVIS AUX ÉTUDIANTS EN MÉDECINE DENTAIRE ET EN PHARMACIE ET QUI SONT EN FIN DE CYCLE.

Hello everyone!

Étudiant en pharmacie ou chirurgie dentaire? Et c’est votre dernière année? Vous pensez déjà à votre mémoire de fin d’étude? ON EST LÀ !
Le club Ibn Sina vous présente sa nouvelle série de vidéos en ligne “YOUR THESIS MAP” 👨‍🎓🗺

Cette dernière vous aidera à bien choisir votre thème de fin d’étude, comment vous gérer vos références et vous orientera vers un bon protocole de recherche .. tout ça et plus dans les prochains jours !

Restez branchés 💫

https://www.facebook.com/502439853198969/posts/3217067601736167/

22/10/2020

ثقافة الكمامات😷 الحلقة - 3 - "The invisible mask"
بقلم د. هاجر أسماء 🦷

الى حد الساعة مازال كورونا في تناقص و تزايد
موجة اولى 🌊... ثانية 🌊... ثالثة🌊 حتى لوينتا؟😳
حتى لي يلقوا اللقاح 💉
حتى لي نمرضوا كاملين 🤒
حتى لي يلقوا الدواء 💊
ماشي مهم المهم ما يموتش واحد عزيز علينا ❤
المهم هو الحماية نحمي غيري لانو نقدر نكون مريض و نعدي والديا او حتى والدين شخص آخر 👩‍🦳👨‍🦳.. بصح انت ما تقدرش تلبس كمامة ، على بالك بالي حتى لي ماكانوش يلبسوا كمامة كانوا يلبسوها؟ 😷
كانوا يلبسوا واحد الكمامة transparente ما تبانش
راح تقولولي واش هي هاذ الكمامة اللي ما تبانش 🤔
هي الكمامة الخفية:
*الكمامة الخفية هي لما تعطس🤧 و تكح فالكوع و ما تقيسش الفيروس في الهواء
*الكمامة الخفية هي لما تاكل🍔 و لا تجمع في النقل العمومي🚍 ما تقابلش الناس باش تطاير الهواء ما يكونش متبادل 🌬
*الكمامة الخفية هي لما تكون في مكان مزدحم او مغلق ما تبقاش تصرخ و تتكلم بطريقة صخبة🤐 حتى تمنع قطرات الفم من التناثر لبعيد 💦
*الكمامة الخفية انه لما تكون في النقل العمومي او قاعات الانتظار ما تحكيش في الهاتف 🤫و تنتظر حتى تخرج لانو تقدر تعدي لي حداك لما تكون تتحدث 📱
الكمامة الخفية هي بكل بساطة التقليل من أو حجب الحركات لي تنشر قطرات الفم في الهواء و تنشر الفيروس حولك🦠: الكحة، العطس، الصراخ، الكلام الكثير ، و الأكل في مكان يكون مغلق و مزدحم و الاكتفاء بالتنفس باش تحمي من حولك 😌
لما تكون وحدك أو في محيط الناس بعيدة عليك ب 3 امتار دير لي حبيت ! 🥳
ارتد الكمامة الخفية 😷👍

09/10/2020

قد ينقذ تشخيص سرطان الثدي المبكر حياتك , اليك هذا الفيديو ليشرح لك اهمية وكيفية الكشف المبكر عن سرطان الثدي في اكتوبر الوردي 2020

16/09/2020

ثقافة الكمامات😷 الحلقة -2- " the anti-maskers"
بقلم د. هاجر أسماء 🦷
من آسيا نحكموا الطيارة 🛫 وننزلوا في أمريكا و بالضبط فالولايات المتحدة الأمريكية🇺🇸 حتى ندرس طبيعة شعب آخر بعقلية أخرى في التعامل مع الكمامات
الشعب الأمريكي شعب متحدث بالحرية كيما يقولك it's a free country🗽 يقدر يستخدم أي الطرق باش يرجع القانون لصالحو و هو شعب ما تقدرش تحكم فيه لأنه و بمعنى آخر يعرف صلاحو و يتحمل نتائج أفعالوا ⚖
مع ظهور الكورونا في أمريكا في الأول الناس ما حبتش تدخل لأنه ماكانش هناك احساس بالخطر و الناس كانت لاهية تتفرج في الماتش نتاع كوريا ، الطليان و اسبانيا🏆... حتى اليوم لي لحقهم الصهد و بقات الأرقام في تزايد و أصبحت نيويورك بؤرة عالمية !
مع الوقت الناس حست بالخطر و دخلت time square أصبحت من أكثر الأماكن ضجيجا الى صحراء قاحلة🏜 ... ميامي في الجهة الأخرى قالك راه بعيد علينا و بقاو يخرجوا عادي حتى لي لحقهم المرض و دخلوا ديارهم
الأرقام في الو.م.أ مرعبة😱 ! أرعب من كوريا الجنوبية و الدول الأخرى التي بكى عليها العالم 🌍
لهذا الحكومة الأمريكية اتبعت حرفيا خطى أفضل دولة آسيوية في التصدي لفيروس كورونا "كوريا الجنوبية"🇰🇷 التي هي:
الكشف المبكر، رصد تحركات المرضى و لبس الكمامات مع الحفاظ على مسافة الأمان.
So far so good ?
لا ماشي غود🤦‍♀️! كلشي كان تحت السيطرة و يمشي على حساب الخطة حتى خرجت الكونترخطة
أصبحت هاذ القواعد إجبارية ⚠️! و كلمة إجبارية شغل دير réaction allergique عند عباد الجسم نتاعهم موالف الحرية و بقات الناس تحوس كيفاش دير باش تخرج عن التحكم فيهم مع العلم انه تحكم للصالح العام 👨‍👩‍👧‍👦...
بداو المواطنين بالتصدي للقوانين :كي يمشي للعيادة ما يلبسش كمامة، يروح يشري نفس الشيء و المشكل أنه كانوا يمنعوه من الدخول لأنه كما قلنا الكمامات أصبحت إجبارية قانونيا 👮‍♂️ للوقاية من فيروس كورونا المستجد و بداو يحوسوا على أبسط الأمور لخلق ثغرات تسمحلهم باش ما يلبسوش الكمامة.
فاتحدوا للقيام بمظاهرات🛑 ضد لبس الكمامة تحت ذريعة حماية نفسهم من ضررها ... لكن واش هو الضرر؟ و السؤال الأهم هل هو حقيقي ؟
الضرر هو أي حاجة تضرك و تأذيك مباشرة مثل التقاط العدوى لكن ما قاموا به من أبحاث ضد الكمامة الى حد الساعة ماهو الّا أعراض جانبية ممكنة الحدوث للارتداء "الدائم" للكمامة 📄بمعنى آخر اذا ما كنتش طبيب اسنان مثلي ماراحش يجيك أي ضرر لأني ارتديها كل يوم بالتقريب لمدة اكثر من 8 سنوات !
لتبسيط الأمر نحكموا عقار طبي💊 من أي نوع عنده فائدة طبية و عنده اعراض جانبية ممكنة الحدوث. اذا قتلك هاذ العقار يشفيك لكن فيه كذا و كذا كأعراض جانبية فهل ستمتنع عن اخذه ... ان كان الجواب نعم فانت تكذب
لان أخطر الأدوية "مضاد الالتهابات" لي نظن يجوز نديروا عليه ابحاث كثر من الكمامة على خاطرش راه يقتل استهلاكه اكثر من الكورونا 💀! راه هو أول الادوية المستهلكة بدون وصفة و أول الادوية المطلوبة من المريض في عيادة الأسنان بشهادتي الخاصة ... مع العلم ان اعراضه الجانبية واضحة و المعلومات راها كاينة في Google 💻
السبب فقط أن الانسان له حساسية من كلمة لازم دير هاك و لازم دير هاك و كل واحد فينا يبغي يدير رايو حاسب يعرف صحتو و يجي ضد ناس قرات و تعبت على هاذيك الصحة ... نظن وصلت الرسالة📩
لكن ما جاوبناش اذا كان الضرر حقيقي؟ 🤔
الوحيد الذي يقدر انه يجاوب هو جدول الاحصائيات الذي يقارن بين شعوب قررت لبس الكمامات و بين شعوب قررت خلعها. و الارقام فقط هي من تحكم بين عدد الموتى من كورونا و عدد الموتى من الكمامات ... شخصيا لا اعرف احدا اختنق و مات بكمامة و الله اعلم.
*اذا عجبتكم حلقات الكمامات قولونا في التعليق باش نكملوها لإعطائكم كل المعلومات اللازمة و افادتكم*

13/08/2020

السلام عليكم خاوتي

راها السخانة بزاف هاذ الأيام وهذا الشي يخلي الأجهزة الالكترونية قابلة للإشتعال واحداث اصابات وحروق .
هذا السيد أشتعل هاتفه في جيبه .

ملاحظة : لن أذكر الماركة ولكن على مايبدو هناك ماركات ليست معروفة بجودة التصنيع لذلك وجب اخذ الاحتياط منها أكثر ...

نشكر د.غربي سليمان لمشاركتنا هذه الحالة التي مرت عليه وتنبيهنا لمثل هذا الأمر .

04/08/2020

وان كان ليس من عادتي في الصفحة القيام بالإشهار و لكن د.كمال عدنان صديق لي ولصفحة sa7atube وانسان مجتهد بذل النفس و النفيس في نشر المعلومة الطبية و تبسيطها على صفحته hélium ، بطرق شتى و متعددة ، فهو يستاهل هكذا وأكثر
اضف الى ذلك ثقتي به و بعلمه ، الله يباركلك و يعينك خويا كمال

مخبر التحاليل الطبية
Laboratoire d'Analyses médicales à Petit lac , Oran

29/07/2020

السلام عليكم
راها السخانة والبكتيريا تلقى راحتها باه تتكاثر في الأطعمة الي فيها بيض و حليب و غيرو (مايوناز ، باتيسري ... ) ، وتكثر التسممات الغذائية و الاسهال والوجع و راكم عارفين البقية .
الله يشافينا ويشافي الي لينا سلام

19/07/2020

ثقافة الكمامات 😷
على قلم د. هاجر أسماء 🦷 طبيبة أسنان ارتدت الكمامة يوميا لمدة ثمان سنوات و التي بحثت في ثقافة الكمامات الآسيوية🌏 لمدة عشر سنوات ...
الكمامة و لا الماسك لي كنا في وحد الوقت في بلادنا نعرفوا فيها غير الكمامة الطبية الزرقاء من الخارج و الفاتحة من الداخل يلبسها الجراح أو طبيب الأسنان 👨‍⚕️
ولات ضرك أنواع و أنواع هاذي بالقماش هاذي سوداء هاذي FFP1 و هاذي FFP2 ...
الكمامة في البلاد راها كي هذاك لي كل يوم ياكل بطاطا 🥔 و غدوة تحطله كل انواع الخضار 🥦🥬🍅...و تعطيه الفايدة نتاع كل نوع بصح تروح و تولي غادي يبقى ياكل غير البطاطا !
الكمامات في آسيا الشقيقة علم واحداخر هي وسيلة يحمي بها الفرد جهازه التنفسي أو يحمي غيره ...👨‍👩‍👧‍👦
في آسيا هناك أيام يجي فيها "fine dust" جزيئات صغيرة تلوث الجو و دير حساسية للجهاز التنفسي خاصة فالصين يلبسوا أقنعة خاصة تحميهم من هاذ الجزيئات لا هي قماشية و لا سوداء اسفنجية علاه؟ لأنو الخطر راه خارجي و راه صغير لازملوا حاجز و هاذ الاقنعة معروفة باقنعة حجم PM2.5
ماكانش غير هاذ المشكل ! كاين مشكل الربيع 🌸 "flower blossom" لي فيه تزهر معظم الأشجار و تتواجد في كل مكان
في هاذ الوقت الناس لي عندها حساسية نتاع pollen ترتدي القناع هنا اي قناع راه مناسب ! قماش او أي نوع لان حبوب الطلع جزيئات مرئية 🧐 و كبيرة ما تحتاجش حاجز متين
هاذ الظاهرة توجد بكثرة في اليابان و كوريا الجنوبية
نجو ضرك للأمر الأهم لي هو وين لما يكون في جماعة اخينا الآسيوي لازم يلبس الكمامة علاه 🤔 اكسسوار موضة زعما! 😎
لا هذاك الانسان راه عنده مرض في جهازه التنفسي زكام و لا نزلة برد و مادابيه ما يعديش ناس وحدخرين عند السعال و العطاس 🤧 و هاذ الظاهرة انتشرت بعد جائحة كورونا الأولى لي فاتت عليهم 🦠
علابيها في هاذ الدول عاودوا داروا نفس الشيء الناس ولات ما تخرجش بلا قناع لأنو اذا كانت حاملة للفيروس راح تحمي غيرها من العدوى 🛡
و راح نسموا هاذ الكمامة "كمامة وقاية"
نجوا للأمر الأخير هو ارتداء الكمامات الطبية لعامة الناس
هاذ الظاهرة كاينة في آسيا و لكن لما تكون في موسم الأنفلونزا فالناس لي عندها مرض آخر مزمن أو يكون عندها مناعة قليلة🤕 نعطيكم مثال المرأة الحامل🤰 فارتداء الكمامة الطبية واجب عند الخروج للضرورة لأنو ماشي كامل الناس راح ترتدي قناع وقاية و لازم نحمي نفسي ...
و هذاك الماسك الأكسسوار نتاع الفاشن واش حكايتو ؟
حكايتو بسيطة بما انو القوم الآسيوي خاصة الشباب يهتم بالمظهر فالشركات 💰 قامت بتسويق أقنعة في نفس الوقت مليحة لصحتك و في نفس الوقت حاجة شابة تلبسها حتى ولات الناس تلبسها كأسسوار يخفي العيوب في بلاصة الماكياج أو يستعملها بعض المشهورين للتنكر عند الخروج و هذا صعب نفهموه لأننا بعاد كل البعد عن أفكار التسويق و جذب المشتري ! 🤦‍♀️
و هذا بالتفصيل ثقافة ارتداء الكمامات في آسيا الشقيقة
و حنا ضرك واش نديروا ؟
حنا حكايتنا حكاية هذاك لي راح للامتحان ما حاكم فيها والو ... يسلكها غير الكوبياج !
بما انو منظمة الصحة العالمية أقرت أن معظم الدول الآسيوية قدرت تتحكم بطريقة ذكية فانتشار الفيروس فرايحين نديروا كيفهم نلبسوا كامل الكمامات العادية ذات 0% حماية ذاتية حتى تكون عندنا 100% حماية جماعية
و اذا ما لبستهاش بحجة ما قدرتش تتنهد بكمامة بسيطة ...😤
فمانظنش راح تتنهد أصلا بالكورونا ! خمم فيها مليح 😉

09/07/2020

❌❌❌Appel aux gens de TIARET❌❌❌

Je lance un appel à tous mes amis sur Tiaret de bien vouloir se mobiliser à l'aide des malades Covid dans différentes unités... L'hopital Damardji, l'EHS de psychiatrie ainsi que l'institut paramédicale ont besoin de vous plus que jamais, le manque de moyens est terrible ces derniers jours.
Masques, gants, tenues de protection même une bouteille d'eau peut aider.
PENSEZ-Y ça ne vous coûtera rien et dieu vous le rendera

29/05/2020

السلام عليكم .
كنا قد نشرنا موضوع في رمضان حول الحمى المالطية (la brucellose) وتلقينا من "البعض" موجة من التسفيه و التكذيب وهاهي الان بدأت تنتشر هذه الامراض بسبب عدم التزام البعض بأساليب الوقاية.

نحاول جهدنا ايصال المعلومة الصحيحة بطريقة سليمة ومبسطة دون تهويل او استسهال و دون الاستثمار في المختلف فيه بغية السبق دون الصدق .

ونحن نؤمن بأن أول العلم هو "لا أعلم" و آخره "أعلم" ، وسنسعى ان نبقى دوما في طريق العلم 😉 .

#امين

27/05/2020

راولت يرد ....
الدراسة في اول تعليق