Kachin Jade

06/07/2025

အောက်ပါကျောက်ဝယ် သူများသည်...
ဘယ်တော့မှ ကျောက် မအောင်ပါ။

ဖားကန့်မှော်ထဲမှာနေတဲ့သူတွေရဲ့ Liveအသီးသီးကြည့်ပြီး အထင်ကြီးဝယ်နေတဲ့သူ မှန်သမျှအားလုံးကို ကျောက်စိမ်းပညာ နှစ်ပေါင်း၃၅နှစ်အရ...
အောက်ပါအတိုင်း မှတ်ချက်ချလိုက်သည်။

၁။ ဆယ်ကျောက်၊ ရာကျောက်
မှန်သမျှအခွံဆောင်နေရသလို...လူသိ မခံတဲ့ မှော်ထဲကတကယ့်ကျောက်သမားတွေ တိုးတိုးတိတ်တိတ် လုပ်နေချိန်မှာ သိန်းတရာ၊သိန်းနှစ်ရာဝယ်
တယ်ပြောတဲ့ သူဆီက ဝယ်တဲ့ကျောက်.....
ဘယ်တော့မှ မအောင်ပါ။
၂။ ကျောက်ကောင်းရင် တိုး
တိုး တိတ်တိတ် လုပ်စားနေရတဲ့
ဖားကန့်၊ လူသိမခံတဲ့ ဖားကန့်မှာ နေပြီး...
တကြော်ကြော် အော် ဝယ်ပြီး
အတင်းရှယ်ရာထည့်ခိုင်း အစုခေါ်နေပြီဆိုတာနဲ့...
ဘုရားကြီးဘေးက ကြေးစည်လေးတော့ ဝယ်ထား‌စေချင်တယ်။ အမျှပေး‌ဝေရအောင်ပါ။

၃။ Liveသမား မှန်သမျှဘယ်သူမှ ကျောက်မဖြတ်သလို...
အရောင်းကို ဦးစားပေးတာမို့
မကောင်းလဲ လေနဲ့ ရောင်းရတယ်။
"ကောင်းရင် တရုတ်ပြည်ပို့မယ်"ဆိုတဲ့OnLine
စားဖားတွေ ရှေ့မှာ ဒူးထောက်သူကတော့ မသနားပါဘူး။
သူတို့က စီးပွားရေးလောကမှာ အကုန်သတ်ပြီး ကြီးပွားနေသူ ဖြစ်လို့လေ....ပြန်ပေးဆပ်ရတာဘဲ။
မရှိပဲ ရှိတာလေးနဲ့ ရုန်းကန်နေရသူတွေအတွက် ပြောတာပါ။
ဒီလိုပွဲကို လက်ရှောင်ပါ။
ကျားကျားချင်း လောဘနဲ့ ကိုက်နေကြတဲ့ထဲမှာ...ကိုက
ဖွတ်ကြား မဖြစ်စေပါနဲ့။

၄။ အခုလိုပြောလို့ မရှိတဲ့ကြားက ကံစမ်းချင်သူတွေ ဝမ်းမနည်းပါနဲ့နော်။
ကျောက်လောကမှာ တကယ် ကျောက်ကောင်းရင် အ‌ဖေ၊ အမေတောင်မရောင်းသလို...
အစုလည်း မထည့်ပေးဘူး ကိုယ့်လူတို့....

ဖားကန့်မှာလေ...
အားမနာတမ်း ပြောရရင်...
လေလည်တာတောင် အခွံလာကောက် နေတာမို့...
ကောင်းနေတဲ့ ကျောက်ဆို.....
မင်းတို့တောင် မြင်လိုက်ရမှာ မဟုတ်ဘူး။

ဝမ်းမနည်းနဲ့...
ဒီပွဲကလှနေတာ စားဖားနဲ့
အလောဘသမားတို့ရဲ့ရိုက်ကွင်း.....
ညီ....လက်ရှောင်ပြီး။ ကျောက်ပညာတတ်အောင်
တာသင်ပါကွာ..နော်
ညီ...သူတို့ဝယ်သမျှကျောက်
ဘယ်တော့မှ မအောင်စေရဘူး။ ငါအာမခံတယ်။
ကျောက် ကောင်းရင် တရုတ်ပြည် ပို့နေကြတာလေ...
ငါ့ညီရဲ့။


#လေးစားစွာဖြင့်

15/09/2024

12/09/2024

Seng Tawng ဆိုင်းတောင် ရွာဖက် ဂျက်တိုက်လေယဉ် နဲ့ ဗုံးကျဲ။

23/01/2024

🚩တရုတ်လိုရှာ အရာလိုစု ဗမာလိုမဖြုန်းနဲ့ 🇲🇲

လူတိုင်းကြားဖူးတဲ့ စကားပုံလေးပါ။ ​​​

ကျွန်တော်တို့ဟာ ဒီစကားပုံကို အပျော် အပြောင်အပြက် သဘောနဲ့သာ သုံး​​လေ့ရှိကြပြီး အဓိပ္ပာယ်ကို သေချာ နားလည်၊ သင်ခန်းစာယူပြီး ကျင့်သုံးတဲ့သူ အတော်ရှားပါတယ်။

# # #တရုတ်လိုရှာ

တရုတ်လူမျိုးတွေဟာ ငွေရှာတော်ကြပါတယ်။ သူတို့ရဲ့ ဘိုးဘေးဘီဘင်တွေဟာ တရုတ်ပြည်မကနေ အရှေ့တောင် အာရှနဲ့ ကမ္ဘာတစ်လွှားမှာ အခြေချခဲ့ကြပါတယ်။ အများစုဟာ ပြည်မမှာ ဆင်းရဲလွန်းလို့ ရေကြည်ရာ မြက်နုရာ စွန့်စား လာခဲ့ကြတာပါ။ ရောက်တဲ့ နေရာမှာလည်း ကိုယ်ပိုင် လုပ်ငန်းလေးတွေ တည်ထောင်လုပ်ကိုင်ကြတဲ့ စွန့်ဦးတီထွင် လုပ်ငန်းရှင်တွေပါပဲ။

တစ်မြို့တစ်ရွာမှာ လာအခြေချတော့ အဲဒီမြို့ရဲ့ အခြေအနေကို လေ့လာသုံးသပ်ပြီး (သူတို့ ထွက်ခွာလာခဲ့တဲ့ ဒေသက လုပ်ငန်းတွေနဲ့ ချိန်ထိုးပြီး) ဘယ်လုပ်ငန်းတွေကို လုပ်ရင် အကျိုးအမြတ်ရှိမလဲ ချိန်ဆနိုင်သူတွေပါ။ ငွေရှာဖို့ လုပ်ငန်းတွေ တစ်ခုပြီး တစ်ခု လုပ်ကြတာကို ကျွန်တော်တို့ မြန်မာတွေ တွေ့ပြီး "တရုတ် လိုရှာ" လို့ပြောခဲ့တာပါ။

# # #အရာလိုစု

အရာကြီးတွေဟာ အရမ်းချွေတာတတ်ကြတယ်။ ငွေစုတာ တော်ကြတယ်လို့ ကျွန်တော်တို့ သိထားကြပါတယ်။

စာအုပ် တစ်အုပ်ထဲမှာ ဖတ်ဖူးတာက ကိုလိုနီခေတ်က မြန်မာပြည်မှာ အလုပ်လာလုပ်ကြတဲ့ အိန္ဒိယနွယ်ဖွား အရာကြီးတို့ဟာ တော်တော်ချွေတာကြတယ်။ ထမင်းကို ဟင်းမရှိရင်တောင် ငရုတ်သီးတောင့်ကို ဆားနဲ့ အားရပါးရ စားတတ်ကြပါသတဲ့။ ဝင်ငွေကို စုပြီး မွေးရပ်မြေကို ပြန်ပို့ပါ သတဲ့။

# # #ဗမာလိုမဖြုန်းနဲ့

ကဲ ရှေးဗမာ လူကြီးတွေကတော့ တရုတ် ပေါက်ဖော် စိန့်တိုင်းသားတွေရဲ့ ငွေရှာ တတ်ပုံ နဲ့ အိန္ဒိယနွယ်ဖွားအရာကြီးတို့ရဲ့ ငွေစု တတ်ပုံ တို့ကို ချီးကျူးပြီး သကာလ ...

ကိုယ့်ပေါင်ကိုယ် နာနာကြီး လှန်ထောင်းပါတော့တယ်။

ဗမာလို မဖြုန်းနဲ့ ... တဲ့။

ဒီစကားပုံက ကြာခဲ့ပြီဆိုတော့ ဟိုး အရင် ခေတ်တွေထဲက ကျွန်တော်တို့ ဗမာတွေ ဖြုန်းခဲ့ကြဟန်တူပါတယ်။

စဉ်းစား မြင်ယောင် စိတ်ကူး ကြည့်ရအောင်။ လွန်ခဲ့တဲ့ ၁၉၂၀ ဝန်းကျင် ကိုလိုနီ ခေတ် ပေါ့ ခင်ဗျာ။ ဒီနှစ်တော့ စပါး အထွက်တိုး စပါးဈေးကောင်းလို့ လယ်သမားတွေ ငွေရွှင်တယ် ဆိုကြပါစို့။ ဘာလုပ်ကြလဲ။ ဟုတ်ကဲ့ "ဆီကို ရေချိုးပြီး ဆေးရိုးမီးလှုံ" ကြပါတယ်။ တစ်ရွာလုံး မီးခိုးတိတ် အလှူပေး ကျွေးမွေးမယ်၊ ဝက်သားတုံးကြီးတွေက လက်သီးဆုပ် လောက်ရှိမယ်ပေါ့ဗျာ။ ဘုရားပွဲမှာ ဈေးအကြီးဆုံး အငြိမ့်ကို ငှားမယ်။ ပျော်ပွဲရွှင်ပွဲ တွေ ခြိမ့်ခြိမ့်သဲသဲ လုပ်ကြမယ်ပေါ့။ အတိဿယဝုတ္တိ အလင်္ကာ ဆိုပေမယ့် အဖြစ်မှန်ပေါ် အခြေခံတယ် လို့ပဲ ထင်ပါတယ်။

သဒ္ဓါတရား ထက်သန်ကြတာကောင်းပေမယ့် နောင်ရေးကို ကြည့်ဖို့တော့ အားနည်းခဲ့ကြပါတယ်။ "နောက်နှစ် စပါးစိုက်ရင် ငွေကုန်မယ်၊ ကုန်ကျမယ့်ငွေကို ကြိုစုထား ဦးမှ" လို့တွေးတဲ့သူ ရှားပါလိမ့်မယ်။ အများစုကတော့ "အို ဘာလို့ စုဆောင်းရမှာလဲ၊ မလိုပါဘူး။ နောက်နှစ် စပါးပေါ်ရင် ငွေထပ်ရဦးမှာပဲ။ ငွေ မစုထားလဲ ဘာဖြစ်လဲ။ ချစ်တီးတွေ ဆီမှာ လယ်ပေါင်ချေး၊ စပါးပေါ်မှ ပြန်ပေးမှာပေါ့" ဆိုပြီး ချစ်တီးတွေဆီက ချေးပါတယ်။

ချစ်တီးတွေက လယ်ပေါင်ရင် တစ်နှစ်ကို အတိုး ၉% နဲ့ ၁၅% ကြား။ အလွတ်တိုးက တစ်နှစ်ကို ၁၈% နဲ့ ၂၄% ကြား ယူပါတယ်။ (တစ်နှစ်စာ အတိုးပါ။ လတိုး မဟုတ်ပါဘူး။ လက်ရှိ မြန်မာ အချင်းချင်း ချေးနေတဲ့ အတိုးနှုန်း ထက်တောင် အများကြီး သက်သာပါသေးတယ်။)

တစ်နှစ်တစ်ခါ စပါးပေါ်လို့ ငွေရရင် ကိုချစ်တီးတွေကို လုပ်ကျွေးလိုက်၊ ကျန်တာကို သုံးဖြုန်းလိုက်နဲ့ လည်ပတ်နေတာပေါ့။ ဒီလိုနဲ့ ၁၉၃၀ ခုနှစ်တွေမှာ ကမ္ဘာ့စီးပွားပျက်ကပ် ဆိုက်ပါလေရော။

ဒီ စီးပွားပျက်ကပ်ကြောင့် မြန်မာပြည်ရဲ့ ဆန်ဈေးကွက်လည်း ပျက်ပါတယ်။ ဝယ်နေကျ နိုင်ငံတွေက မဝယ်နိုင်တော့ လို့ပါ။ ဒီတော့ ဆန်ဈေးတွေ ထိုးကျပြီး လယ်သမားတွေ ချစ်တီးတွေဆီက ချေးထားတာတွေ ပြန်မဆပ်နိုင်ကြတော့ပါဘူး။ ဒီတော့ ချစ်တီးတွေက လယ်တွေသိမ်းပါတယ်။ လက်ရှိခေတ် အိမ်ပေါင်ထားတာကို အချိန်စေ့လို့ ပြန်မဆပ်နိုင်ရင် ကြွေးရှင်တွေက အိမ်သိမ်းသလိုပါပဲ။ နောက်ဆုံးတော့ လယ်သမားတွေရဲ့ ဒေါသ မီး တွေကြားမှာ ချစ်တီးတွေလည်း မြန်မာ့သမိုင်းရဲ့ လူကြမ်းကြီးတွေ ဖြစ်ခဲ့ရပါတယ်။

ခုထိလည်း တော်လှန်ရေးဇာတ်ကား တွေမှာ ချစ်တီးတွေရဲ့ ဆိုးရွား အမြတ်ကြီးစားပုံ၊ ကျွန်တော်တို့ မြန်မာတွေရဲ့ သနားစရာ ခေါင်းပုံဖြတ်ခံရပုံတွေကို တွေ့ရဦးမှာပါ။ ဒါတွေကလည်း မှန်သင့်သလောက်တော့ မှန်ပါတယ်။ ကိုလိုနီခေတ်မှာ ကိုယ့်ကြမ္မာကိုယ်ဖန်တီးခွင့် သိပ်မရခဲ့ကြပါဘူး။ ​​ပညာ​​ကောင်း​​ကောင်း မသင်​ခဲ့ရဘူး။ ​ငွေရေးကြေးရေး ပညာကို မတတ်ဘူး။ တောင်သူ​လယ်သမားတွေကို ​​ခေါင်းပုံဖြတ်​အမြတ်ထုတ်​တဲ့ ​ငွေရှင်ကြေးရှင် လုပ်ငန်းရှင်​တွေလည်း ရှိ​ခဲ့လိမ့်မယ်။ ​​​

တိုင်းရင်းသား ၈ မျိုးမှာ နှစ်မျိုးစပ်​တဲ့ မြန်မာစစ်စစ်ကြီး ကျွန်တော်ကတော့ ကိုယ့်ပေါင်ကိုယ် ထပ်လှန်ပြီး ထောင်းချင်ပါသေးတယ်။ ကျွန်တော်တို့တွေသာ အသုံး အဖြုန်းလျှော့ပြီး စပါးအထွက်တိုး ဈေးကောင်းတဲ့နှစ်တွေမှာ ငွေစုထားနိုင်ခဲ့ရင် ချစ်တီးတွေဆီက ငွေချေးစရာ မလိုတော့ဘူးပေါ့။ ငွေချေးစရာမလိုရင် သူတို့လည်း လယ်တွေ သိမ်းစရာ မလိုတော့ဘူးပေါ့။ စပါး ဈေးပျက်တဲ့နှစ်တွေ၊ အထွက်နှုန်း မကောင်းတဲ့နှစ်တွေမှာ အရင်က စုဆောင်းထားတဲ့ ငွေတွေရှိရင် ခုသာခံသာရှိမှာပေါ့။

လယ်ပေါင်တယ်ဆိုတာ လယ်ပိုင်လို့ပါ။ လယ်ပိုင်ရှင်တွေပေါ့။ သူတို့တွေက အစ ဒီလို အဖြစ်ဆိုးနဲ့ ကြုံခဲ့ရတယ်။ ကိုလိုနီခေတ်ရဲ့ စနစ်ဆိုးတွေ၊ ချစ်တီးတွေ အရင်းရှင်တွေ အမြတ်ထုတ်တာတွေကတော့ ကျွန်တော်တို့ အကြိမ်ကြိမ် ကြားခဲ့ရဖူးပါပြီ။ မှန်သင့်သလောက်မှန်ပါတယ်။ ​ငွေရေးကြေးရေးမှာ ​အသိပညာ ဗဟုသုတနည်း​ခဲ့တာကလည်း နောက်ထပ် ​အ​​ကြောင်းရင်း တစ်ခုပါပဲ။ နောင်ရေး​အတွက် ​ငွေစုရမယ်ဆိုတာထက် ​​နောင်ရေး​အတွက် နတ်ကိုးဖို့ကိုပဲ စဥ်းစား​​နေကြ​တဲ့သူ​တွေ များပါတယ်။

သနားစရာ ဆင်းရဲသားတွေ၊ မဖြုန်းတာတောင် ကုန်းကောက်စရာမရှိအောင် မွဲနေတဲ့သူတွေ၊ ကြမ္မာဆိုး အမျိုးမျိုးကြောင့် ကြွေးတင်ရသူတွေ ရှိခဲ့ပါတယ်။ ခုလည်း ရှိဆဲပါ။ သူတို့ကိုတော့ အပြစ်မတင်ရက်ပါဘူး ခင်ဗျာ။

တစ်ဖက်က ပြန်ကြည့်ရအောင်။ ဆီကို ရေချိုးပြီး ဆေးရိုးကို မီးလှုံရတာကို ဂုဏ်ယူတဲ့ လူမျိုး၊ ဝက်သားတုံးကြီး လက်သီးဆုပ်လောက်ကို တစ်ရွာလုံး မီးခိုးတိတ်ကျွေးတတ်တဲ့ လူမျိုး၊ ပျော်ပွဲရွှင်ပွဲဆို ငွေကုန်ချင်သလောက် ကုန်ပါစေ ဆိုတဲ့လူမျိုး၊ သုံးဖြုန်းဖို့ ငွေချေးရတာကို မရှက်တဲ့လူမျိုး... ဟုတ်ကဲ့ ကျွန်တော်တို့ လူမျိုးပါ။ ကိုယ့်လူမျိုး မျက်ချေး ကိုယ်ပြန်မြင်နိုင်စေဖို့ အမုန်းခံပြီး ရေးလိုက်ရကြောင်းပါ ခင်ဗျာ။

အမှားပါရင်လည်း ခွင့်လွှတ်ပေးကြဖို့ အနူးအညွှတ် တောင်းပန်ပါတယ် ခင်ဗျာ။ ကိုယ့်လူမျိုးကိုယ် မဖြုန်းစေချင်လို့ ကြွယ်ဝစေချင်လို့ ရေးတဲ့ စေတနာ အမှားလို့ မြင်ပေးကြပါခင်ဗျာ။ ကျေးဇူးတင်ပါတယ်။

ပြုပြင်ကြပါစို့ ခင်ဗျာ။ ဗမာလို ငွေမဖြုန်းပဲ တရုတ်လို ငွေရှာ၊ အရာလို ငွေစု၊ တိုးတက်အောင် ကျင့်ကြံကြပါစို့လား ခင်ဗျာ။

ချွေတာချိန် တန်ပါပြီ။ တိုးတက်ချိန် တန်ပါပြီ။

(စကားပုံမှာ ကုလားကို "အရာ" လို့ နည်းနည်း ပြင်ထားပါတယ်။ "ရှာ" "ရာ" "မာ" ကာ​ရန်ညီတာ​​ပေါ့။)

အားလုံး ကိုယ်စိတ်နှစ်ဖြာ ကျန်းမာချမ်းသာ ကြပါစေ ခင်ဗျာ။

လေးစားစွာဖြင့်

11/01/2024

ကြိုက်လို့မှလာတာ

ပြည်နာချိန်မှာ အငမ်းမရ
စီးပွားရှာနေသူတွေကို ပြောချင်နေတုန်း

မိုးကုတ်ဆရာတော်ကြီးရဲ့ဒကာရင်း
ကုန်သည်တစ်ဦးက တရားနာခါနီးမှ
ကပ်ပြီးရောက်လာတယ်

ဆရာတော်ကိုကန်တော့ပြီး
”ဒီလိုပဲဘုရား၊ ခုချိန်မှာ တပည့်တော်
လှောင်ထားတဲ့ကုန်တွေက
အပြင်မှာ ရှားပါးချိန်ဆိုတော့
ဖောက်သည်တွေက လက်မလည်
အောင်ဖြစ်နေလို့ မနည်းဖြတ်ခဲ့ရတယ်”
လို့လျှောက်တယ်။

ဆရာတော်ကြီးက
"အလုပ်ဆိုတာကတော့
ကိုယ်က အနားမယူတတ်ရင်
မသေမချင်း ရှုပ်နေမှာပေါ့ကွာ” ဆို
တော့

”ဒီလိုလည်းမဟုတ်သေးဘူး ဆရာတော်၊
-စီးပွားရှာ ပြည်နာမှ-ဆိုသလိုပဲ
ခုချိန်မျိုးမှာမှ ပိုပြီးရောင်းကောင်းတာ”တဲ့

ဒကာကြီးသုံးလိုက်တဲ့ စကားပုံကိုကြားလိုက်တော့
ဆရာတော်ကြီးက သိပ်ပြီးမနှစ်ခြိုက်တဲ့သဘောနဲ့ ကြည့်ရင်း

”အေး-သုဿန်မှာ လူသေကောင်တူးမြှုပ်
ပြီး အသက်မွေးကြတဲ့ ဒွန်းစဏ္ဍားတွေလည်း မင်းတို့
လိုပဲကွ၊

သူများတွေ ငိုကြီးချက်မနဲ့ လူသေအလောင်း
ထမ်းလာတာမြင်ရင် သူတို့က ပြုံးနေတာပဲ။

သူများငိုရလေ သူတို့က ဝင်ငွေကောင်းလေဆိုသလို
ဖြစ်နေတာကိုးကွ။

ခုလည်း မင်းတို့ဟာက သူများအခက်တွေ့လေ
မင်းတို့က ပျော်လေဆိုတော့ ဒါ ဒွန်းစဏ္ဍားပျော်
ပျော်နေကြတာမဟုတ်လား” လို့ မိန့်ကြားလိုက်တယ်။

ဓမ္မဘေရီဆရာတော်
တရားသံဝေ ရကြပါစေ
( မထေရ်မြတ်တို့စကားဝိုင်း(၃)မှ)

(Credit Original Uploader)
းစည်

28/09/2023

မိုးလည်းကုန်လို့ဆောင်းရောက်တော့မယ်
မကြာမည်မှော်ပြန်စီတော့မယ်..

15/09/2023

မဆိုးပါဝူး

09/05/2023

အသားကျောက် ဈေးကွပ်ကျလို့ ကိုယ့်ဟာကိုယ် ဖြတ်တောက်တစ် လိုက်ရ ဒါမျိုးလေးတွေရမလားသိဝူး။

03/05/2023

ဝယ်တာ ဈေးလေး များသွားတယ်🥲

02/04/2023

ကျောက်လေးကမဆိုးဝူး

24/12/2022

အခုတစ်လော ဈေးကွပ်က ဆောင်းတွင်းမို့လားမသိဝူး အတော်လေးအေးသွားပြန်တယ်😅

ကျနော်အမြင်တော့ လက်ရှိ တရုတ်ပြည် အခြေနေနဲ့ lock-down တွေပြန်ဖြည်ပေးလိုက်ပေမဲ့ ထင်သလောက်ဈေးကွပ်က ခရီးမပေါက်ခဲ့ပါ ဘာဖြစ်လို့လဲ ဆိုတော့ အချိန်အတော်ကြာ lockdown ချထားတော့ စီးပွားရေးနလံပြန်မထူနိုင်သေးတာရယ် covid ပိုးတွေ့လူနာတွေတိုးလာလို့ အသက်အန္ဒရယ် မစိုးရိမ်ရပေမဲ့ အပြင်ထွက်အလုပ်လုပ်ဖို့ အဆင်မပြေတာတွေ ဖြစ်နေပါတယ် နောက်တခုက တရုတ်နှစ်သစ်ကူးနီးကပ်လာပြီဖြစ်လို့ အလုပ်မဖြစ်မဲ့တူတူ ကိုယ့်နေရပ်အိမ်ကိုပြန်ကြတာ။

ပြောချင်တာက စျေးကွပ်မကောင်းလို့ ဖြစ်သလို မရောင်းလိုက်ပါနဲ့ အားတင်းထားပါအုံး တရုတ်နှစ်သစ်ကူး ပြီးသွားတာနဲ့ စျေးကွပ်ဦးမော့လာနိုင်ချေ ရှိလို့ပါပဲ။ ကျောက်သမား ညီအကိုတွေ fighting 💪 ပါလို့ပြောရင်း အားလုံး Merry Christmas 🎄 🎁 မှာကိုယ်စိတ်နှလုံး အေးချမ်းပျော်ရွှင်ပါစေ🙏🙏🙏

01/11/2022

Mana Maw မနားေက်ာက္ ျဖတ္လိုက္ေတာ့ မဆိုးပါဝူး။