23/09/2021
Bir çoxumuz böyük həvəslə “hər gün kitab oxuyub daha intellektli, daha uğurlu olacam,” deyib ön sözdən sonra telefonumuzu əlimizə almışıq. Ürəyimizdə xal qalan bu istəyi necə həyata keçirəcəyinizi qısa və öz şəkildə sizə danışacağıq.
Günümüzdə gənc, yaşlı hər kəs telefon işlədir və postlar arasında gəzişməkdən həzz alır. Nə vaxt kitab oxumaq istəsək əlimiz telefona gedir. Bunu aradan qaldırmaq üçün hədəfinizə kiçik, amma davamlı getməyi məsləhət görürük. Bir nəfəsə əlli səhifə, hər gün beş saat oxumaq kimi arzularınızı müvəqqəti kənara qoyun. On beş dəqiqədən bir telefonunuza baxmaq istəyirsinizsə baxın. Həmin on beş dəqiqəni isə kitab oxuyun. Gündə iki dəfə, on beş dəqiqə olmaqla oxumağa başlasanız, davamı mütləq ki, gələcək!
