AR Magazine

AR Magazine صفحة تابعة لمجلة AR Magazine اخبار و مقالات متنوعة

فى غفلة من العرب أظهر العالم كله وجهه القبيح بتضامنه مع العدو الصهيوني.   #غزة
12/10/2023

فى غفلة من العرب أظهر العالم كله وجهه القبيح بتضامنه مع العدو الصهيوني.

#غزة

مشهد غريب.. نفوق آلاف الأسماك على شاطئ بأمريكا بشكل مفاجئ طفت آلاف الأسماك النافقة على سطح الماء، والتى جرفتها الأمواج ع...
12/06/2023

مشهد غريب.. نفوق آلاف الأسماك على شاطئ بأمريكا بشكل مفاجئ

طفت آلاف الأسماك النافقة على سطح الماء، والتى جرفتها الأمواج على الرمال فى خليج ساحل تكساس الأمريكى.

ووفقا صحيفة نيويورك تايمز، فقد تم رصد أكوامً من الأسماك النافقة تغطى حافة الشاطئ، خلال ما وصفه مسؤولو الحياة البرية بأنه "حدث انخفاض الأكسجين الذائب".

وقال بريان فرايزر، مدير إدارة حدائق مقاطعة بازوريا، إن السبب كان "عاصفة كاملة" من الظروف السيئة.

وأوضح المسؤول أن الماء الدافئ يحتوى على أكسجين أقل بكثير من الماء البارد، وأن البحار الهادئة والسماء الملبدة بالغيوم فى المنطقة قد أعاقت طرق ضخ الأكسجين عادة فى مياه المحيط حيث تضيف الأمواج الأكسجين إلى الماء، وتقلل السماء الملبدة بالغيوم من قدرة الكائنات المجهرية على إنتاج الأكسجين من خلال عملية التمثيل الضوئي، على حد قوله.

🔴بمناسبة السباحة و الصيف، يمكن تحب تفتكر الملاحظات دي، و أنت بتقضي وقتك على أي شاطيء في أي مكان في العالم...📍1 - مفيش حا...
10/06/2023

🔴بمناسبة السباحة و الصيف، يمكن تحب تفتكر الملاحظات دي، و أنت بتقضي وقتك على أي شاطيء في أي مكان في العالم...

📍1 - مفيش حاجة اسمها "البحر دا مفيهوش قروش".. مفيش بحر على سطح الأرض مفيهوش قروش.. حتى القطب.. فيه قروش.. القروش بتعيش في المياه الباردة.. و الدافئة.. و في كل بحار الدنيا... حتى الانهار، ممكن تقابل فيها قروش.

📍2 - السيدات اللي بتنزل البحر بالميكياج.. و كريمات الجسم.. و الشباب اللي بتحط مزيل عرق قبل السباحة، و كريمات الشمس.. الروائح دي بتجذب القروش و تثير فضولها.. أعتبر البحر زي حمام السباحة.. خد دوش قبل نزول البحر..

🔴لو بتتحرق و تلتهب من الشمس تبقي في الحقيقة عندك حساسية معينة.. استشر الطبيب يكتبلك مضاد حساسية مناسب قبلما تنزل الميه.. حايحميك و مش حاتجيلك حروق.. بدل الكريمات نفاذة الرائحة...

📍3 - على ذكر حمامات السباحة و محظوراتها.. البول في البحر زي الدم بالضبط.. ريحته بتشمها القروش على بعد أميال..

📍4 - بلاش تعوم في مكان انت مش شايف المياه و أعماقها فيه كويس.. و بلاش تعوم في مكان غير مطروق مفيهوش سباحين..

📍5 - القروش ممكن تطلع لك للمياه الضحلة.. زي الصورة كده.. فباستمرار لازم تكون شايف القاع حواليك.. و ماتكونش المياه داكنة جدا أو فيها عكارة رمل...

📍6 - مش ضروري تعوم داخل المياه لمسافة طويلة .. دي مش شطارة.. و مش محتاج تثبت حاجة لحد.. خد معاك نضارة سباحة عشان تعرف تبص تحت المياه وقت الضرورة.

🔴لما تقلع النضارة اقلعها حوالين رقبتك مش فوق راسك. فوق راسك دي اشارة للمنقذ بتقول انك في خطر.

📍7 - ماترميش اي بواقي أكل في المياه.. حتى لو ساندوتش جبنة.. حتى لو بسكوت.. و لو شفت حد بيعمل دا.. إمنعه...

🔴🔴الحاجات دي مهما بلغت تفاهتها بتستدعي اسماك معينة عشان تاكلها.. و القروش بتاكل الاسماك دي.. و بتدور عليها...

📍8 - لو اتجرحت لأي سبب أخرج من المياه فورا.. مهما كان جرح صغير.. و للسيدات، أي نزيف "ايا كان مصدره" يمنعك من السباحة..

📍9 - ممنوع لبس الخواتم و الدبل و الساعات و الأساور البراقة الفضية..

📍10 - إذا شعرت و أنت بتعوم إن في موجة مفاجئة دفعتك من اسفل إلي أعلى.. اخرج من المياه فورا..

📍11 - مفيش داعي للطرطشة و احداث ارتباك علي سطح المياه و انت في عمق.. و ممنوع في جميع الأحوال تغوص لوحدك..

📍12 - ممنوع تتعرض لأي شكل من اشكال الحياة البحرية.. و لا تحاول تلمسها أو تستفزها.. و لو لقيت كائن بحري ميت بجوارك اخرج من المياه...

📍13 - لما تلاقي لافتة ممنوع السباحة.. أو العلم مرفوع.. ماتنزلش المياه.. مش شطارة برضه.. و لو بتعوم وحارس الشط أو رجل الإنقاذ صفر لك.. اخرج فورا...

📍14 - ماتحاولش تعوم بالقرب من مراكب الصيد أو الصيادين...

📍15 - بلاش الهزار المرح بتاع "انا باغرق/ الحقوني قرش".. عشان وقت الجد ماحدش حايساعدك...

📍16 - ماتنزلش للسباحة أو الغوص على الإطلاق في مكان ماتعرفوش...

📍17 - لو أمسك بيك قرش فعلا.. حاول تمسك عينه أو خياشيمه.. ساعتها يتركك فورا.. اعرف شوية عن طبيعة المكان اللي رايح تصيف فيه.. و ابحث عن أنواع القروش الموجودة و الحياة البحرية الخطرة...

📍18 - ماتدخلش بطفل صغير لمكان عميق.. لو مصمم ادخل و خاطر بحياتك لوحدك...

📍19 - ابعد عن السباحة في مداخل القنوات و المياه المفتوحة زي ما تكون مثلا في رحلة يخت و تنزل تسبح حوالين اليخت.. ابعد عن الحيد المرجاني...

📍20 - أي حد يقولك "القروش مبتحبش لحم البشر" اشكره على المعلومة وابتعد عنه وتجاهله تماما..

🔴القروش بتاكل اي لحم. حتى لحمها هي نفسها.

📍21 - في حيوانات أخرى غير القروش تبدو مسالمة زي الدلافين و السلاحف.. "الغلاسة" عليها ممكن تخليها تقتلك بسهولة تامة.. السلحفاة البحرية ممكن تبترلك اصبع أو اتنين.. أعتقد إنك يمكن مش حاتبقى سعيد بدا أوي...

🔴📎احترم البيئة البحرية و حاول ما تمدش ايدك على أي كائن...🔴

خسيس وخائن اللى  يشمت فى جنود بلده😔😔😔 #السودان
15/04/2023

خسيس وخائن اللى يشمت فى جنود بلده😔😔😔
#السودان

مشروبات سحرية تساعدك على النوم
18/12/2022

مشروبات سحرية تساعدك على النوم

الارق وعدم القدرة على النوم مشكلة تؤرق الكثيرين ولكن مشروب دافىء قبل النوم قد يساعدك على النوم المريح والستمتاع بنوم عميق لتستعيد نشاطك عند الاستيقاظ

26/07/2022

هو سيدنا نوح مات ؟!
= اة
وأية اللي حصل مع أولاده المؤمنين ..؟

بعد موت سيدنا نوح عليه السلام... كان ولاده التلاتة
سام وحام ويافث..
التلاتة كانوا مؤمنين..❤

(سام وحام ويافث خلفوا أولاد كتير وانتشروا في الأرض.
أولاد سام عاشوا في جزيرة العرب ،، وأولاد حام عاشوا في أفريقيا ،، وأولاد يافث عاشوا في آسيا وأوروبا )..

أولاد سام عاشوا وانتشروا في الجزيرة العربية وبقي عايش في الجزيرة العربية عدد كبير من الناس ..
قبايل..
يعني أية قبايل ؟؟
يعني عائلات ..

بس منهم قبيلة مش عادية.. "قبيلة عاد "
قبيلة عاد مكنوش زي باقي الناس..
كانت أجسامهم قوية جدا 💪وطوال جدا ..
أضخم وأطول وأقوى من أي حد.💪
وأشهر واحد فيهم اسمه " عاد "

مين عاد دة !؟
جدهم الاكبر
وعشان كدة القبيلة اتسمت علي اسمه..

كل الرجالة في قبيلة عاد كانت أجسامهم قوية وضخمة.. أكتر من اي حد.، عمالقة كدة .!

طب كانوا عايشين فين ؟
كانوا عايشين في مكان اسمه الأحقاف..

طب يعني ايه الأحقاف ؟
يعني كثبان الرمال المعوجة والمايلة ..
يعني عايشين في مكان وسط الصحراء..
مكان مليان تلال كتيييير من الرمل .
وكثبان الرمل دي كانت طويلة ومعوجة ومايلة..

ده مكان عاد اللي عاشوا فيه..

طب يا تري فين المكان ده دلوقتي ؟
المكان دة بين 3 بلاد "السعودية واليمن وعمان."

وسط الاحقاف عاش قوم عاد وبنوا أعظم مدينة في الأرض وقتها" اسمها مدينة إرم."
مدينة مش عادية..
ربنا ما خلقش اي مدينة زي مدينة إرم..❤
أعظم مدينة علي الأرض ❤ ساعتها بناها أقوى ناس قوم عاد..

إرم كان كلها من جوة أعمدة ضخمة..! ومليانة حدائق ومزارع ..

طب إزاي يزرعوا في الصحرا؟
رغم ان الأحقاف وسط الصحراء لكن كانت مليانة عيون بتطلع ماية.. ومطر كمان بينزل علطول..
مش بس كدة...
ربنا قالنا ان قوم عاد بنوا قصور عظيمة جدا وحصون وقلاع ضخمة وأبنية كتير كأنهم عايشين للأبد..😍
وكانوا متقدمين علميا وعارفين علوم ماحدش في عصرهم يعرفها.😍

قوم عاد من شدة قوتهم وعبقريتهم كانوا لما يحبوا يتسلوا يعملوا ايه ؟
يروحوا لأي مكان عالي ويبنوا مبنى خرافي الجمال❤في شكله وهندسته.❤
كل مبني يبنوه يخلوه معجزة وعبقرية في جماله ويسيبوه ويمشوا مجرد بيتسلوا..

قوم عاد بدؤوا يحسوا انهم اقوي ناس علي الارض وان مافيش حد بقوتهم وذكائهم..
وبدل ما يشكروا ربنا علي نعمه ويعبدوه ويطيعوه اتغروا بنفسهم واتكبروا.😠
وبقوا يقولوا مين أقوي مننا ؟ مافيش حد أقوي مننا احنا أقوي ناس علي الارض..

قوم عاد كان عندهم جيش..
وجيشهم اقوي جيش ساعتها ..
وجنودهم أقوي جنود ولما يحاربوا حد يروحوا يحطموه ويقتلوه بدون رحمة ..
مغترين بقوتهم ومتأكدين ان مافيش حد يقدر يقف قصادهم..
الناس كلها كانت بتخاف منهم ومن ظلمهم و انتقامهم.

قوم عاد المتكبرين المغترين بقوتهم دايما يقولوا لنفسهم مين اقوي مننا ؟ مافيش طبعا ؟!

قوم عاد كان عندهم كل حاجة ،، عندهم القوة والعلم وكل النعم ....
بس ماكنش عندهم اهم حاجة.. ماكنوش مؤمنين بربنا. 😠
لا بيعبدوا ربنا ولا بيطيعوه ولا بيعملوا اي خير ولا في قلبهم رحمة ولا بيفكروا انهم هيتحاسبوا علي ظلمهم..
وزي مابنوا مباني وقصور وأعمدة ،، بنوا كمان اصنام وعبدوها وقالوا هما دول الآلهة بتاعتنا..
وسموا كل صنم بإسم..
وعملوا زي قوم نوح.. قالوا الأصنام دي لقينا أهلنا و أجدادنا بيعبدوها واحنا هنعبدها زيهم..

لحد ما ربنا بعت واحد منهم..
واحد من نفس قبيلتهم اسمه هود. "سيدنا هود "

ربنا اختار سيدنا هود عشان يعرف قوم عاد عبادة ربنا..

قوم عاد كانوا عارفين سيدنا هود وعارفين انه إنسان صادق..

سيدنا هود بدأ يكلمهم قالهم ؛
انه رسول من عند ربنا❤ وقالهم اعبدوا ربنا مافيش إله غير ربنا.❤وكل الاصنام اللي انتم بتعبدوها دي ملهاش لازمة ..
لا بتضر ولا بتنفع ..شوية حجارة..
فقالهم اعبدوا ربنا وحده هو اللي خلقكم وخلق قوتكم.😍.
"وَإِلَى عَادٍ أَخَاهُمْ هُودًا قَالَ يَاقَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ "
رد عليه الكفار من قوم عاد.... :
احنا شايفينك بتقول كلام ملوش قيمة..!
يعني ايه عاوزنا نسيب اصنامنا ونعبد ربنا؟.
الأصنام دي اهلنا عبدوها.... آباءنا واجدادنا عبدوها! ...واحنا هنعبد اللي عبده أهلنا.. .. انت اكيد بتكذب علينا... مش معقول ربنا يبعت رجل يكون رسول..😠
ربنا لو هيبعت رسول اكيد هيبعت ملاك... انت اكيد بتكذب علينا...

سيدنا هود رد عليهم : انتم نسيتم اللي حصل لقوم نوح ؟نسيتم انكم جيتم بعد قوم نوح اللي ربنا عذبهم عشان اتكبروا يعبدوه وماصدقوش ان نوح نبي؟
ونسيتم نعم ربنا عليكم؟ ومتكبرين برضو تعبدوا ربنا وتشكروه ؟
انتم بتناقشوني في اصنام انتم اللي صنعتوها ؟ وانتم اللي سميتوها ؟
دي اسماء انتم مخترعينها.. انا مش عاوز غير اني انصحكم انكم تعبدوا ربنا... ومش عاوز منكم مقابل ولا جزاء... جزائي عند ربنا.. ❤

آمن مع سيدنا هود شوية ناس كدة من قبيلة عاد.... لكن معظمهم اتكبر يسمع كلامه...
و سيدنا هود عمل أية ؟
فضل يحاول معاهم.. فضل يعلمهم ويحذرهم...

سيدنا هود بدأ يفكرهم ويقولهم:
انتم عايشين بتعملوا ايه ؟

بتبنوا في كل مكان معجزة عشان تتسلوا وتلعبوا ؟
ربنا عطاكم نعمة القوة والعلم عشان كدة ؟
وقاعدين تبنوا قصور ومباني كأنكم هتفضلوا عايشين للأبد ؟ ونسيتم تعبدوا ربنا وتشكروه وتعملوا الخير ؟
ولما تحاربوا بتنتقموا بوحشية وظلم وجبروت ومابترحموش حد؟ بدل ما تستخدموا قوتكم في الحق والعدل والخير ومساعدة المظلوم ؟

طب فكروا في ربنا ونعمه عليكم..😍
ربنا هو اللي عطاكم القوة وعطاكم الحدائق اللي مليانة عيون ماية وبتطلع كل انواع الفاكهة وعطاكم الحيوانات اللي بتديكم لحوم وجلود وبتركبوها ورزقكم اولاد اقويا..ليه مش بتطيعوا ربنا وبتعبدوا اصنام صنعها اجدادكم ؟
انتم لو استغفرتم ربنا وعبدتوه هيديكم نعم اكتر وقوة فوق قوتكم... 😍
وهينزل عليكم المطر بالخير وهيسقي زرعكم ... وهتيزيد نعم ربنا عليكم... 😍

قوم نوح قالوله ايييية:😱
إنت أكيد اتجننت... الآلهة بتاعتنا عاقبتك وخلتك تتجنن... ولو انت كلامك صحيح هات دليل او معجزة..😠

سيدنا هود قالهم :
انا مش بأعبد الآلهة بتاعتكم... وبتحداكم انكم تقدروا تأذوني انتم او الآلهة بتاعتكم....
مش انتم اقوي ناس علي الارض... ؟
جمعوا كل قوتكم وقوة أصنامكم وحاولوا تؤذوني.. وماتدونيش فرصة ولا إنذار..اتحداكم تؤذوني مش هتقدروا رغم قوتكم. عارفين ليه ؟
لأني معايا الله ربي ومتوكل عليه.. ربنا يقدر يعطل قوتكم وعقلكم لو اراد..❤

وعملوا أية 🤔

ماحدش من قوم عاد قدر يعمل لسيدنا هود حاجة..
ماحدش قدر يؤذيه.... رغم قوتهم.. ماحدش قدر يقربله..

لكن بدل ما قوم عاد يعرفوا ان قوة ربنا فوق قوتهم.. وقدرته اكبر من قدرتهم اتكبروا وعندوا..

قوم عاد نسيوا ان ربنا اللي خلقهم وخلقلهم قوتهم ونسيوا ان ربنا اقوي منهم ويقدر ياخد منهم قوتهم..
قلوبهم كانت مليانة كبر وعناد.😢

سيدنا هود قالهم انا بنصحكم عشان انا خايف عليكم من عذاب يوم القيامة....

رد المجرمين من قوم عاد. وهما مستغربين اووي: يوم القيامة ؟
ازاي بعد لما نموت ونبقي تراب نرجع نعيش تاني ؟
الكلام ده قاله انبياء قبلك بس احنا مش مصدقين..

سيدنا هود قالهم :
ربنا اللي خلقكم... وزي ما خلقكم اول مرة.. يقدر يرجعكم تاني ويحاسبكم ..

ردوا علي هود. قالوله:
سواء قعدت تنصح او ماتنصحش احنا مش هنؤمن غير بالآلهة بتاعتنا ومهما تقول مش هنتبعك..
يلا هات العذاب احنا منتظرين..وفضلوا يتريقوا عليه 😠

سيدنا هود قالهم خلاص غضب ربنا هيصيبكم.. انتم بتتناقشوا معايا في اصنام انتم عارفين كويس انكم اللي صنعتوها وسميتوها بأسماء وعبدتوها
وانا كمان منتظر معاكم.. غضب ربنا عليكم..

وفي يوم من الايام ،،، يوم مكنش عادي..
قوم عاد كانوا مستنيين المطر عشان يروي زرعهم..
وبدل ما قوم عاد يدعوا ربنا بقوا يروحوا يطلبوا من اصنامهم المطر 😱
فلقوا سحابة سودة جاية من بعيد فقالوا ده غيمة كبيرة جاية عشان تمطر علي الاراضي و الوديان بتاعتنا...
يا سلااااااام ده الخير جاي زي ما طلبنا من الآلهة بتاعتنا...

بس السحابة ما كنتش سحابة الخير والمطر ابداااا..

امال كانت سحابة أية ؟
دي سحابة مليانة عذاب ربنا..
العذاب اللي اتريقوا عليه..واستعجلوا هود انه ييجيلهم..

اول لماوصلت عندهم طلعت سحابة مرعبة😱
سحابة رياح و عواصف مليانة اطنان من الرمال وبتعمل اصوات مرعبة ..!
سرعتها شديدة جدا وباردة جدا بتكسر اي حاجة قدامها...
وتدمر البيوت و المباني إللي كانوا مغترين بيها ..
العواصف بقت تشيل كفار قوم عاد من الارض وترفعهم وتوقعهم تكسر اجسامهم ..
بقوا عاملين زي جذوع النخل الناشفة الميتة مرميين في كل مكان..!

والرياح دي فضلت اد ايه !؟
الرياح فضلت 8 ايام مش بتقف.... رياح مرعبة... غطت مدينتهم بالتراب والرمال..
كل مدينتهم اللي كانوا مغترين بيها اختفت... اتردمت تحت التراب في اعماق الارض..!

والمؤمنين الكويسين راحوا فين !؟
اما المؤمنين فربنا حماهم وخلاهم في أمان واحاطهم برحمة منه وانقذهم مع سيدنا هود ..وخرجوا من مدينة إرم مع سيدنا هود..بدون ما يمسهم أي عذاب..❤
وسافروا ناحية الجنوب وعاشوا في اليمن مع سيدنا هود... لحد ما سيدنا هود كبر ومات في اليمن في مدينة اسمها حضرموت وقبره هناك لغا

❤❤❤❤❤❤
المصادر
تفاسير " القرآن الكريم ،، "

الصورة دي واللي فيها إدانة لكل مسئول دمياط وادانة لكل نواب دمياط وإدانة لكبار رؤؤس الأموال في المحافظة .......اللهم افرج...
23/07/2022

الصورة دي واللي فيها إدانة لكل مسئول دمياط وادانة لكل نواب دمياط وإدانة لكبار رؤؤس الأموال في المحافظة .......اللهم افرجها علي كل من ضاق به الحال

23/07/2022

مع زيادة حالات الانتحار بمحافظة دمياط أصبح من الواجب تحرك شيوخ الأزهر للتوعية والتوجيه للصبر على الابتلاء والا مات الحياتية المختلفة

فتح المقابر  لتنظيفها من السحر..و ماهو راى دار الافتاء فى هذه الظاهرةشاهد الموضوع من هنا 👈 https://htagat.blogspot.com/2...
06/04/2022

فتح المقابر لتنظيفها من السحر..و ماهو راى دار الافتاء فى هذه الظاهرة
شاهد الموضوع من هنا 👈

https://htagat.blogspot.com/2020/08/blackmagic.html?m=1

انتشار حملات تنظيف المقابر من السحر والاعمال وكمية السحر التى تخرج منها كبيرة بدرجة ملفتة فلماذا يتجه الانسان الى ايذاء غيره والابتعاد عن دين الله و

الجاثوم بين الحقيقة  والخيال🤔https://htagat.blogspot.com/2020/11/Sleep%20Paralysis%20a%20Symptom.html?m=1
06/04/2022

الجاثوم بين الحقيقة والخيال🤔
https://htagat.blogspot.com/2020/11/Sleep%20Paralysis%20a%20Symptom.html?m=1

البعض منا يستيقظ من نومه على شعورغريب وعدم قدرة على الحركة والنطق يصاحب هذه الحالة فزع ورؤية خيالات مرعبة هل صادفتك هذه الحالة قبل ذلك؟ انه الجاثوم

https://htagat.blogspot.com/2020/09/mistakesinlife.html?m=1
19/02/2022

https://htagat.blogspot.com/2020/09/mistakesinlife.html?m=1

كثير من الاخطاء يرتكبها الانسان فى حياته لا يشعر بها الا بعد فوات الاوان.ليس صحيح دائما ان الانسان يجب ان يخطىء ليتعلم من اخطائه .

مشهد مفزع فى الطريق العام امام المارةرجل يقتل ضحيته ويتباهي بل يزيد إلى فصل راسه ليسير بها فى الشارع غير عابئ او خائف من...
02/11/2021

مشهد مفزع فى الطريق العام
امام المارة
رجل يقتل ضحيته ويتباهي بل يزيد إلى فصل راسه ليسير بها فى الشارع غير عابئ او خائف من احد
اقل ما يقال ان الإسماعيلية اليوم شهدت سفاح يقوم بجريمته فى العلن الا ان مايحيرنى كيف وصل بنا الحال لمشاهدة هذا العنف والجريمة دون أن يتحرك احد لنجدة الضحية وكل ما كان ان امسك المارة الموبايل ليوثقوا الجريمة كيف ذلك؟
نحن امام موقف خطير مابين سفاح يقتل بدم بارد وبين أشخاص شاهدوا الجريمة ولم يهبوا لإنقاذ الضحية ربما لجمتهم الصدمة وجراءة السفاح ولكنى أجد هذا من المؤشرات الخطيرة ولابد من دراستها وتسليط الضوء عليها حتى لا تتكرر ويصبح من المعتاد مشاهدة الجريمة كانك ترى فيلم أمامك يحدث ثم ينتهى دون تأثير.

الاحساس بالرعب ،😨وعدم القدرة على الحركة 🤔ورؤية كائنات مخيفة👀 🧞قد تفسره لك هذه المقالة 👌🧠🧠🧠للقراءة والاطلاع اضغط الرابط و...
31/10/2021

الاحساس بالرعب ،😨وعدم القدرة على الحركة 🤔ورؤية كائنات مخيفة👀 🧞قد تفسره لك هذه المقالة 👌🧠🧠🧠
للقراءة والاطلاع اضغط الرابط وانضم الينا👪👪👪
https://htagat.blogspot.com/2020/11/Sleep%20Paralysis%20a%20Symptom.html?m=1

البعض منا يستيقظ من نومه على شعورغريب وعدم قدرة على الحركة والنطق يصاحب هذه الحالة فزع ورؤية خيالات مرعبة هل صادفتك هذه الحالة قبل ذلك؟ انه الجاثوم

حفرة الثقب الاسود مقبرة الغواصينتقع حفرة الثقب الأزرق في جزر الباهاما في خليج غرب كلارنس تاون في لونغ آيلاند وتعرف حفرة ...
31/10/2021

حفرة الثقب الاسود مقبرة الغواصين

تقع حفرة الثقب الأزرق في جزر الباهاما في خليج غرب كلارنس تاون في لونغ آيلاند وتعرف حفرة الثقب الأزرق «Dean's Blue Hole» بأنها حفرة مملوءة بالماء مع مدخل أسفل مستوى الماء.

وتعد حفرة الثقب الأزرق بأنها واحدة من أعمق الثقوب الزرقاء على الأرض بعمق يصل إلى 202 متر، وفي هذا التكوين الجيولوجي الجميل، تلتقي قوة وجمال الطبيعة وصلابة الناس، وهي تحمل اسم عائلة مالكة من جزر البهاما المحلية.

وتشكلت الحفرة منذ أكثر من 15 ألف عام خلال عصر البليستوسين «العصر الجليدي» عندما كان مستوى سطح البحر أقل بكثير، وكان ذلك نتيجة تساقط مياه الأمطار ومرورها عبر الشقوق في صخور الأساس الجيري عندما كانت مستويات البحر منخفضة.

ويمكن رؤية الفتحة فوق الماء بسبب اللون الأزرق الداكن لمياهها مقارنة باللون الأزرق الفاتح المحيط بها؛ حيث أنها موطن لجميع أنواع الحياة البحرية بما في ذلك الأسماك الإستوائية وفرس البحر والسلاحف

ويبلغ قطرها من 25 إلى 35 مترًا «82-115 قدمًا»، بعد نزول 20 مترًا «66 قدمًا»، تتسع الحفرة بشكل كبير في كهف يبلغ قطره 100 متر «330 قدمًا»، كما يعتبر هذا المجرى العميق مثاليًا لرياضات الغوص الحر فهو يقع بجوار الضفة في مياه هادئة.

شهد الثقب الأزرق العديد من الأرقام القياسية العالمية المذهلة في تخصصات متنوعة من الغوص الحر من قبل أفضل الغواصين في العالم، بما في ذلك ناتاليا مولتشانوفا وهربرت نيتش وويليام تروبريدج.

وأصبحت الآن موقع مسابقة «Vertical Blue» للغوص الحر، وهي المسابقة الدولية السنوية التي ينظمها ويليام تروبريدج منذ أبريل 2008، ففي أبريل 2010 ، حطم الغواص المحترف ويليام تروبريدج الرقم القياسي العالمي في الغوص الحر في الحفرة الزرقاء من خلال الوصول إلى عمق 302 قدمًا «92 مترًا» دون استخدام الزعانف.

أما الآن فقد أخذ ذلك إلى أبعد من ذلك عندما سبح في ديسمبر 2010 إلى عمق 331 قدمًا «101 مترًا» في نفس واحد بينما استخدم يديه وقدميه فقط للدفع. لكن في (نوفمبر) 2013 ، توفي الغواص الحر نيكولاس ميفولي أثناء محاولة الغوص للوصول إلى رقم قياسي أمريكي جديد.

وينصح السباحين غير المحترفين من الغوص في الحفرة بحذر بعد تسجيل بعض الوفيات فيها من الرجال والنساء، وكان أصغرهم دييدور ميجور، البالغ من العمر 14 عامًا فقط.

AR magazineطريقك، لعالم واسع من المعرفة مقالات جديدة وحصرية😍تابعونا،💪👍😍👌
31/10/2021

AR magazineطريقك، لعالم واسع من المعرفة
مقالات جديدة وحصرية😍
تابعونا،💪👍😍👌

لقراءة المقالة اضغط على الرابط 😍https://htagat.blogspot.com/2021/02/themostdangerousplacesonearth.html?m=1
31/10/2021

لقراءة المقالة اضغط على الرابط 😍
https://htagat.blogspot.com/2021/02/themostdangerousplacesonearth.html?m=1

تمتلأ الارض بالعديد من الاماكن الغامضة والخطيرة بعضها شهد ظواهر خارقة ليس من السهل تفسيرها وبعضها شهدت حوادث خطيرة مما جعلها من الاماكن الاكثر خطورة

لقراءة المقالة اضغط على الرابط،https://htagat.blogspot.com/2020/11/Rainwoman.html?m=1
31/10/2021

لقراءة المقالة اضغط على الرابط،

https://htagat.blogspot.com/2020/11/Rainwoman.html?m=1

فبمجرد حدوث أزمة او مأساة انسانية يظهر للسطح حالات فردية يتم تسليط الضوء عليها والتعاطمف معها

تابعونا من خلال المدونة الرئيسيهAR magazineلقراءة المقالة اضغط على الرابط😍https://htagat.blogspot.com/2020/12/Depressed%...
31/10/2021

تابعونا من خلال المدونة الرئيسيهAR magazine
لقراءة المقالة اضغط على الرابط😍
https://htagat.blogspot.com/2020/12/Depressed%20Diary.html?m=1

لا لست بخير أقع فى براثن اكتئاب مميت يدفعنى للهاوية وتمنى الموت.

سجلت محطات الشبكة القومية للزلازل هزة أرضية الساعة 7:32 دقيقة بالتوقيت المحلى موقعها شرق البحر المتوسط.وأكد الدكتور جاد ...
19/10/2021

سجلت محطات الشبكة القومية للزلازل هزة أرضية الساعة 7:32 دقيقة بالتوقيت المحلى موقعها شرق البحر المتوسط.

وأكد الدكتور جاد القاضي رئيس المعهد القومي للبحوث الفلكية ، أن الزلزال كان بقوة أعلى من 6 درجات على مقياس ريختر، وجار تأكيد البيانات.

شعر سكان القاهرة بزلزال متوسط وذلك في تمام الساعة السابعة والنصف صباح اليوم الثلاثاء

Face book يعلن عودة التطبيق للعمل ويشكر  مستخدميه على صبرهم كما  يعتذر بشدة عن اى ضرر حدث لاى شخص نتيجة هذا العطل المفاج...
04/10/2021

Face book يعلن عودة التطبيق للعمل ويشكر مستخدميه على صبرهم كما يعتذر بشدة عن اى ضرر حدث لاى شخص نتيجة هذا العطل المفاجىء
يذكر ان العالم عانى لمده تزيد عن ال6ساعات من توقف بتطبيق الفيس بوك والواتساب وانستجرام والماسنجر دون معرفة الاسباب وادى هذا التوقف الى خسائر مادية كبيرة

03/10/2021

غرائب وعجائب اللغة الانجليزية تعرف عليها

03/10/2021
https://htagat.blogspot.com/?m=1
04/09/2021

https://htagat.blogspot.com/?m=1

مدونه اخبارية متنوعه بها الكثير من الموضوعات المختلفه في شتي المجالات

بتشطب شقتك🤔... خلى بالك🤞معلومات مهمه للتشطيب 😳😳😳😳😳😳😳😳نصيحه قبل ما تشطب شقتك 📢📢⁦👷🏻‍♀️⁩1. حاول تخطط لكل تفصيله قبل ماتبدأ ...
23/08/2021

بتشطب شقتك🤔... خلى بالك🤞

معلومات مهمه للتشطيب 😳😳😳😳😳😳😳😳

نصيحه قبل ما تشطب شقتك 📢📢⁦👷🏻‍♀️⁩

1. حاول تخطط لكل تفصيله قبل ماتبدأ شغل.

2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.

3. المطبخ من أهم الفراغات في الشقة بلاش تضيق مساحته عشان توسع الريسبشن.

4. حاول توسع المطبخ على قد ماتقدر.

5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.

6. اهتم بالليفينج أكتر من الريسيبشن.

7. مش لازم تجيب بوفيه و نيش.. الجزامة أهم.

8. الدييب فريزر و المايكروويف أساسيات أكتر من الصيني اللي ماحدش بيستخدمه.

9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.

10. البورسلين قطع الليزر في مصر أثبت فشله.. هات سيراميك نوع كويس أفضل.

11. سيراميك الجوهرة أفضل من كليوباترا بمراحل.

12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.

13. لو ما اخترتش البورسلين صح و ركبته صح هيفك من الأرض بعد سنتين (ده لو كمل )

14. لو حابب تدلع شقتك ركب hdf في الغرف.. هتنبسط.

15. لو مش حابب تدلع شقتك على الأقل ركب hdf في غرفة النوم.. صدقني هتنبسط.

16. لو شقتك مجروحة من الجيران ماتنساش الستاير البلاك أوت.

17. البراقع و البلتكنات اللي حماتك هتختارها دي بطلت من 15 سنة.

18. الدهانات السبونج مش أحلى حاجة في الدنيا.

19. ورق الحائط الـ 3d هايل بس ماتكترش منه.

20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.

21. الشبابيك الألومينيوم عملية أكتر من الشبابيك الخشب.

22. لو هتركب شبابيك ألومينيوم إختار أي قطاع غير قطاع السعد.

23. الألومينيوم بيتدهن ألوان كتير غير البيج و الأوف وايت على فكرة.

24. لو معاك فلوس ركب شاتر على الشبابيك الألومينيوم.

25. غرفة النوم الرئيسية ركب للشباك بتاعها زجاج دبل.

26. عدي النقطة اللي فاتت و مش لازم تعرف السبب.

27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.

28. الشبابيك الجرار بتساعد على سهولة الفرش و لكن بتقلل الإضاءة و التهوية.

29. الشبابيك المفصلية بتزود الإضاءة و التهوية بس هتصعب عليك الفرش.

30. لو شقتك واسعة اعمل شبابيك مفصلي و لو ضيقة اعمل الشبابيك جرار.

31. الشبابيك الـ pvc جميلة و بتعيش.

32. لو شقتك في منطقة مقطوعة ركب كاميرات خارجية مابتتكلفش كتير على فكرة.

33. ماتجيبش نيش.

34. معابر الأبواب مهمة عشان بتمنع الصوت و الضوء و الحشرات.

35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.

36. خلي النجار يركبلك جوانات كاوتش لكل الأبواب عشان بتمنع التراب و الصوت.

37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.

38. الجيبسوم بورد بيتعمل بيه حاجات كتير غير الأسقف على فكرة.

39. الجيبسوم بورد حاجة أساسية بس تستخدمه صح لما تحتاجه.

40. أكتر حاجة هتخلي شقتك شيك هي توزيع الإضاءة صح.. خلي حد متخصص يوزعلك الإضاءة.

41. اهتم إنك تشتري شفاط محترم للمطبخ.

42. الشفاط اللي بيركب فوق البوتاجاز شكله حلو و شيك و بس.

43. ماتركبش في الأرضيات السيراميك المستطيل اللي شبه الباركية عشان بيقوس و بيجير.

44. لو عاجبك السيراميك اللي شبه الباركية ركب hdf هتتبسط صدقني.

45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.

46. اعمل حسابك لتأسيس التكييف حتى لو مش هتشتري تكيييف.

47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.

48. آخر صيحة في الديكورات حالياً هي الأسقف السترتش اللامعة.

49. لو عاوز تدلع مكان معين في شقتك ممكن تعمل ديكورات بـ CNC .

50. اختار كل حاجة قبل ماتبدأ تنفيذ أي حاجة.. دي قاعدة أساسية.

51. أسس اسكيب و شطب جوتن.. ده في الدهانات.

52. مافيش أشيك ولا أرقى من الدهانات السادة بس تختار الألوان صح.

53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.

54. أي حاجة مط بيبان عليها التراب.. لازم تبقى عارف ده كويس.

55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.

56. القاعدة الذهبية في إختيار أكر و كوالين الأبواب " الغالي رخيص"

57. القاعدة اللي فاتت دي برضه تنطبق على الخلاطات و الإكسسوار و النواكل.

58. الزجاج العاكس للشبابيك بيحجب 50% من الإضاءة.

59. الزجاج العاكس للشبابيك بيعكس الصبح بس مابيعكسش بالليل.

60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.

61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.

62. لو هتجيب سخان كهرباء هات سعته كبيرة.

63. السخان الفوري مناسب بس في المطبخ لأنه بيستهلك كهرباء كتير.

64. في تأسيس الكهرباء ماتشتغلش غير بسلك السويدي الأصلي.

65. في تأسيس السباكة مواسير التغذية أكواثيرم أو باننجر أو BR و مواسير الصرف الشريف وسمارت.

66. رخامة المطبخ هاتها جرانيت مش رخام.

67. الأحواض و القاعدة المعلقة بيدوا وسع للحمام و أسهل في النضافة.

68. إشتري الخلاطات و الصيني و النواكل للحمام و المطبخ قبل ما السباك يأسس.

69. لو بياض المحارة وحش و فيه مطبات أو شرخ حاول تعالجه قبل الدهانات.

70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.

71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.

72. لو مش هتركب باب مصفح لباب الشقة يبقى يفضل تعمل باب حديد حماية.

73. ماتنساش تركب سلك لكل الشبابيك عشان الحشرات.

74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.

75. لو عندك غرفة أطفال.. ادهنها لون يمشي أولادي أو بناتي.

76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.

77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.

78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.

79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.

80. البيبة في المطبخ حلوة عشان التنضيف و وحشة عشان الحشرات و الروائح و السدد.

81. الكرانيش الجاهزة (فيوتك)

82. بلاش أباجورة جنب السرير.. ركب 2 أبليك على الحيطة أجمل و أشيك.

83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.

84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.

85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.

86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.

87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.

88. ركب فلتر في المطبخ عشان مية الشرب في مصر غير صالحة للشرب.

89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.

90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.

91. إعزل الحمام و المطبخ عزل أسمنتي أسهل و أفضل و أرخص.

92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.

93. ماتنساش تركب منشر في مكان بيوصله شمس عشان مهم.

94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .

95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.

96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.

97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير⁦😉😉.
منقول.....

المؤشرات الاولية بالقبول بالجامعات الحكومية 2021
21/08/2021

المؤشرات الاولية بالقبول بالجامعات الحكومية 2021

18/08/2021

📢الكليات المتاحه لكل شعبة وقائمة بأفضل 30 كلية بتخصصات لم تسمع عنها من قبل

🔮- الكليات المتاحة لشعبة علمي علوم :-

* كلية الطب
* كلية طب الأسنآن
* كلية الصيدلة
* كلية العلآج الطبيعى
* كلية الملآحه وعلوم الفضآء ببنى سويف
* كلية العلوم الصحية التطبيقيه
* كلية الطب البيطرى
* كلية التمريض
* كلية حآسبآت ومعلومآت ( بآيو ميديكآل أو بآيونفورمآتيكس )
* كلية العلوم
* كلية تجآره إنجلش
* كلية الإقتصآد والعلوم السيآسيه
* كلية الإعلآم
* كلية الألسن
* كلية العلوم الصحية التطبيقية
* كلية الفنون الجميلة
* كلية الفنون التطبيقية
* كليات التربية والتربية النوعية
* كلية علوم البترول والتعدين بمطروح
* كلية حقوق إنجلش
* كلية اللغآت والترجمه
* كلية دآر العلوم
* كلية الآدآب

كلية حقوق/كلية تجارة/كلية ريآض الأطفآل/كلية الإقتصاد المنزلى/المعاهد العليا لعلوم الحاسب والتكنولوجيا شعبة علوم الحاسوب/
كلية التربية الرياضية/كلية السياحة والفنادق/كلية الزراعة/
كلية البحريه/كلية الجويه/كلية الحربيه/كلية الشرطه .

🔮- الكليآت المتآحه لشعبة علمى ريآضه :-

* كلية هندسة التعدين والبترول
* كلية الهندسة
* كلية الملآحه وعلوم الفضآء ببنى سويف
* كلية حآسبآت ومعلومآت
* كلية تجآره إنجلش
* كلية العلوم
* كلية علوم البترول والتعدين بمطروح
* كلية الفنون التطبيقيه
* كلية التربية
* كلية التربية النوعيه
* المعاهد العليا لعلوم الحاسب والتكنولوجيا شعبة علوم الحاسوب
* كلية حقوق إنجلش
* كلية التربيه الريآضيه

كلية حقوق/كلية تجارة/كلية ريآض الأطفآل/كلية الإقتصاد المنزلى/كلية السياحة والفنادق/كلية الزراعة/كلية البحريه/كلية الجويه/كلية الحربيه/كلية الشرطه .

🔮- الكليآت المتآحه لشعبة أدبى :-

* كلية علوم الآثآر
* كلية تجآره إنجلش
* كلية الإقتصآد والعلوم السيآسيه
* كلية الإعلآم
* كلية الألسن
* كلية الجغرآفيآ والمسآحه
* كلية الفنون الجميلة
* كلية الفنون التطبيقية
* كلية التربية
* كلية التربية النوعية
* كلية حقوق إنجلش
* كلية اللغآت والترجمه
* كلية دآر العلوم
* كلية ريآض الأطفآل
* كلية الآدآب
* كلية الخدمه الإجتمآعيه
* كلية الإقتصآد المنزلى

كلية حقوق/كلية تجارة/المعاهد العليآ للغآت والترجمه/
/المعاهد العليا لعلوم الحاسب والتكنولوجيا/كلية البحريه/كلية الجويه/كلية الحربيه/كلية الشرطه .

بمناسبة نتيجة الثانوية العامة. الف مليون مبروك للناجحين واهاليهم ..

قائمة بأفضل 30 كلية بتخصصات لم تسمع عنها من قبل

1- كلية علوم ذوى الاحتياجات الخاصة والتأهيل بجامعتى بنى سويف والزقازيق.

2- كلية الثروة السمكية بجامعات قناة السويس وأسوان وكفر الشيخ.

3- كلية الذكاء الاصطناعى بجامعات القاهرة وكفر الشيخ وسوهاج تضم تخصصات صناعة الروبوت والألعاب.

4- قسم علوم الصحة الرياضية بكلية التربية الرياضية توفر العديد من فرص العمل فى مراكز التأهيل والإصابات.

5- كلية علوم الملاحة وتكنولوجيا الفضاء بجامعة بنى سويف.

6- معهد النباتات الطبية والعطرية فى جامعة بنى سويف يؤهل للعمل فى تركيبات الأدوية.

7- معهد دراسات وبحوث تكنولوجيا السكر.

8- قسم الإعلام الأفريقى بكلية الدراسات الأفريقية بجامعة القاهرة.

9- برنامج التكنولوجيا الحيوية بكلية العلوم جامعة القاهرة.

10- كلية الدراسات العليا للنانو تكنولوجى بجامعة القاهرة.

11- برنامج الترجمة التخصصية من وإلى الألمانية بآداب القاهرة "ساعات معتمدة"

12- برنامج اللغة العربية لغير الناطقين بها بآداب القاهرة.

13-تخصص الميكاترونيكس بهندسة القاهرة "ساعات معتمدة"

14-كلية تكنولوجيا وصناعة الطاقة بجامعة القاهرة الجديدة التكنولوجية.

15- كلية تكنولوجيا وصناعة الطاقة بجامعة الدلتا.

16-الكلية المصرية الكورية لتكنولوجيا الصناعة والطاقة بجامعة بنى سويف التكنولوجية.

17- كلية الاقتصاد المنزلى بجامعة حلوان.

18-كلية التعليم الصناعى.

19-برنامج جورجيا بكلية التجارة جامعة القاهرة "ساعات معتمدة بمصروفات"

20-معهد المشروعات الصغيرة والمتوسطة بجامعة بنى سويف.

21-معهد الدراسات العليا والبحوث البيئية بجامعة المنصورة.

22-كلية رياض الأطفال.

23- معهد البحوث الطبية بجامعة الإسكندرية.

24-المعهد القومى لعلوم الليزر بجامعة القاهرة.

25- كلية التكنولوجيا والتنمية بجامعة الزقازيق.

26-كليات ومعاهد التمريض المختلفة لأن سوق الطب المصرى يواجه نقص شديد فى التمريض المؤهل.

27-مركز بحوث ودراسة التنمية الريفية بكلية الزراعة جامعة القاهرة.

28-كلية الهندسة الإلكترونية بمنوف.

29-كلية العلوم التطبيقية بجامعة المنوفية.

30- معهد دول حوض النيل بجامعة الفيوم.

معظم هذه التخصصات تجد لها فرص عمل كثيرة بعد الانتهاء من فترة الدراسة مع الحصول على التدريبات المطلوبة فى مجالات التخصص.

كلية الذكاء الاصطناعى على سبيل المثال بجامعة القاهرة، بها العديد من التخصصات الجديدة التى تخدم سوق العمل المصرى مثل تصميم المواقع والبرامج المختلفة وكذلك تصميم ألعاب الفيديو وغزو هذا المجال بقوة لأن مصر بجامعاتها المختلفة بعيدة عن هذا المجال ومن هنا فكرت جامعة القاهرة فى دخول هذا المجال بقوة.

هناك تخصصات عديدة مثل الميكاترونيكس فى كلية الهندسة وكلية النانو تكنولوجى وبرنامج التكنولوجيا الحيوية بكلية العلوم جامعة القاهرة، تؤهل لهذه الوظائف التى يحتاجتها سوق العمل المصرى، وكذلك تؤهل الطالب للمنافسة فى سوق العمل الدولى واستكمال الدراسات العليا فى الخارج هذه التخصصات الجديدة لها قوة فى سوق العمل.

زمن كليات القمة "قد ولى" وعلى الطلاب التفكير فى البدائل المناسبة وأفضل بدائل موجودة حاليا هذه التخصصات الجديدة وغيرها من التخصصات البينية فى الجامعات المختلفة التى تعمل على تخريج طالب مؤهل يمتلك العديد من المهارات والأدوات المطلوبة ولديه ثقة كاملة فى مهاراته وإمكانياته لينافس بها فى أى مكان.

Address

دمياط مدينة كفر سعد

34621

Alerts

Be the first to know and let us send you an email when AR Magazine posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing
  • Want your business to be the top-listed Shop?

Share