25/04/2025
ما تحاول تعرف البحصل من وراك عشان ح تخسر ناس كتيرة ، وناس كتيرة حتشوفها صغيرة بعد ما كانوا كبار في عينك ، وناس كتيرة حتهمشها من حياتك بعد ما كان ليهم مكانه كبيرة في قلبك اسمع كلامي دا كويس ما تحاول تفتش وتفهم زيادة عن اللازم لأن النور الزيادة بيعمى ..
نعمة كبيرة من ربنا إن الواحد ما يكون عارف البحصل من وراهو شنو ، خليك عايش في سلام ومحب الحوليك وخليك متخيل إنهم بحبوك عشان لو فتشت ودورت ح تكتشف العالم على حقيقته، حتكتشف الكلام الكعب البتقال عليك من وراك ، ح تعرف الناس الجواها حقد وغل من ناحيتك ، ربنا قال في آواخر سورة المائدة ) يَا أَيُّهَا الَّذِينَ آمَنُوا لا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ )
ما بس ما تسأل ، لا نحنا المفروض ما نسعى إننا نعرف خلي الدنيا ماشة زي ما هي ماشة .
نجيب محفوظ قال ، لا تخبروني عمن يكرهني أو يتكلم عني ، اتركوني أحب
