Үйлчилгээний уриа: Сонгоод захиал
Компаний эрхэм зорилго: Хэрэглэгчиддээ Америк стандартын шинэ бараа бүтээгдэхүүн, үйлчилгээ, дэвшилтэт технологийг цаг алдалгүй хэрэглэх, эзэмшихэд нь туслах
Алсын хараа: Монголчуудынхаа хэрэглээний сэтгэлгээ, үйлчилгээний соёлыг шинэ түвшинд хүргэсэн, салбартаа тэргүүлэгч компани байх
Бидний үнэт зүйлс:
Хэрэглэгч, харилцагчидаа дээдлэх
Үйлчилгээний жишиг стан
дартыг мөрдөх
Манлайлагч, бүтээлч, хамт олонч сэтгэлгээг хөгжүүлэх
Шударга зарчмыг баримтлах
Танилцуулга
Манай компани нь Америкийн Нэгдсэн Улс -Монгол Улсын хооронд гадаад худалдааны үйлчилгээ эрхэлдэг бөгөөд энэ салбартаа анхдагч юм. Бид дараах төрлийн үйлчилгээг хэрэглэгчиддээ хүргэж байна.
АНУ-ын бүх мужуудад байрлалтай онлайн болон онлайн бус дэлгүүрүүдээс хэрэглэгчдийн хүссэн бүх төрлийн бараа бүтээгдэхүүний судалгаа, худалдан авалт, тээвэрлэлт, хүргэлт зэрэг хэрэглэгчийн гар дээр ирэх хүртэлх бүх шатны үйлчилгээг хариуцан гүйцэтгэдэг бөгөөд хувь хүн, аж ахуйн нэгжүүдээс гадна Монголын томоохон уул уурхай, барилгын компаниудтай хамтран ажиллаж байна.
Захиалгын үйлчилгээнээс гадна Монголчууд олноор суурьшсан Сан-Франциско, Чикаго, Нью-Йорк, Денвер, Сиатл, Лос-Анжелос зэрэг хотуудаас Монгол уруу ачаа илгээмжийн үйлчилгээг үзүүлдэг. Зөвхөн агаарын илгээмжээр сард дунджаар 912 (хүлээн авагчаар) удаагийн давтамжтай, 2.8-3.5 тонн тээш ирдэг бөгөөд илгээлтийн үйлчилгээний эрэлт, цар хүрээ өсөн нэмэгдсээр байна.
Түүнчлэн чингэлэг тээврээр автомашин, сэлбэг хэрэгсэл, уул уурхай, газар тариалан, үйлдвэрлэлийн тоног төхөөрөмжүүд зэрэг том оврын барааг захиалагчийн хүсэлтийн дагуу худалдан авалт, хадгалалт, гаалийн бүрдүүлэлт зэрэг үйлчилгээний эцсийн шат хүртэл хариуцан гүйцэтгэдэг.
АНУ-ын зах зээлд шинээр нэвтэрч буй дэвшилтэт техник технологи, бараа бүтээгдэхүүнийг хамгийн боломжийн үнээр санал болгож, дэлхийн хөгжилтэй хөл нийлүүлэх боломжийг хэрэглэгчиддээ олгож байна.
Орхон аймаг Эрдэнэт хотод захиалгын салбар төвөө нээж үйлчилгээгээ хөдөө орон нутагтхүргэн ажиллаж байна.
Бидний түүх
2008 онд Калифорни мужийн Сан Франциско хот орчмын монголчуудад ачаа тээврийн үйлчилгээ үзүүлэх, АНУ-ын иргэдэд монгол гар урлал, хивс, хивсэнцэр, бэлэг дурсгалын зүйлс борлуулах зорилгоор "БидМонгол"компани АНУ-ын Калифорни мужид бүртгэлтэйгээр үйл ажиллагаагаа эхлүүлсэн.
Байгуулагдсан цагаас эхлэн үйл ажиллагааны цар хүрээ өргөжин тэлж, 2009 оноос албан ёсны хаяг бүхий ажлын байр, ачаа барааг стандартын дагуу хүлээж авч хадгалах агуулах, техникээр тоноглон, боловсон хүчнийг шийдэж өгснөөр Монгол дах аж ахуйн нэгж, иргэдийн хэрэгцээт бараа материал, автомашиныг агаарын болон чингэлэг тээврээр Монголуруу тээвэрлэх, импортлох үйлчилгээг эрхлэх болсон.
2010 онд Монгол Улсад "БидМонгол Экспресс"ХХК-г байгуулан, www.bidmongol.mn онлайн захиалга авах вэб системийн анхны хувилбарыг ашиглалтанд оруулснаар захиалгат худалдаа, тээвэр, импортын хэрэглэгчдэд ойр шийдэл бүхий цогц үйлчилгээг нэвтрүүлэн ажиллаж эхэлсэн.
Үйлчилгээний цар хүрээг тэлэх, чанаржуулан хялбаршуулах үүднээс 2011 онд www.bidmongol.mn онлайн захиалгын вэб системийн шинэ хувилбарыг ашиглалтанд оруулан, Орхон аймаг Эрдэнэт хотод салбар захиалгын төвөө нээн олон улсын стандартад нийцсэн үйлчилгээг хэрэглэгч та бүхэндээ хүргэх зорилт тавин ажиллалаа.
Компаний нийгмийн хариуцлага
- Бид АНУ-д суралцаж, амьдардаг Монголчуудтайгаа хамтран сайн үйлсийн аяныг өрнүүлэн Монгол дахь ахмад настан, хүүхдийн асрамжийн төвүүдэд зориулан хувцас, тоглоом, хичээлийн хэрэглэл зэрэг хандивын зүйлсийг цуглуулан Монгол уруу үнэ төлбөргүйгээр тээвэрлэн ажиллаж байна.
- Монголд үйл ажиллагаа эрхэлдэг төрийн бус байгууллагуудтай сайн үйлсийн төлөөх үйл ажиллагаанд хамтран ажилладаг.
- Спорт, урлагийн төрөл бүрийн тэмцээн уралдааныг дэмжин ивээн тэтгэгчээр оролцож байна.
