20/02/2025
قالك Aliexpress ابتداء من يوم 24 فيفري راح تبدا تقبل الدفع بالعملات المحلية للجزائر ، أي CIB/EDAHABIA.
🔴 المشكل وين انو الـ. دج ماراهش CONVERTIBLE
كيفاش راح ينقلو الارباح تاعهم للخارج باليوان الصيني او الدولار؟
🔴 اذا يديرو warehouse في الجزائر كيما راهم دايرين في فرنسا المانيا و اسبانيا… كيفاش يقدرو يستوردو السلع الصينية للجزائر بدون المرور على ALGEX لي دايرة restriction على الاستيراد ماعدا الضروريات.
🔴 الضرائب العالية على الاجهزة الالكترونية مثلا الهواتف راهي 160%، اذا افترضنا انو algex اعطاتهم رخص استيراد الهواتف واعطاوهم الدولار من البنك بسعر 140دج، فمثلا هاتف تاع 100$ لي نورمالمو كابا راه يدير 3 ملاين في بلفور، كي تستوردو aliexpress باش تبيعو فالجزائر يسقاملهم 14000دج بدون شحن + 160% لي هي 26000دج المجموع اكثر من 40000دج (4 ملاين سنتيم) وهي مهمة مستحيلة.
🔴 لي ضربو المثل بـ beIN sport يشرو الاشتراكات بالبطاقة الذهبية، القطريين حالة استثنائية,
الـ beIN شركة تابعة لصندوق قطر للاستثمار لي عندو استثمارات ضخمة فالجزائر ، تسمى كاين اتفاقية اموالهم يقعدو فالجزائر يضخوهم مباشرة في مشاريعهم كيما مصنع الصلب و مصنع الحليب و المركبات السياحية لي راهم يطلعو.
🔴 ممكن يديرو وسيط illegal كيما تاع 1xbet لي عندهم وكيل غير قانوني يدفعولو بالدينار بالذهبية واشنو يحسبلك الدولار بالسكوار او اعلى من السكوار وهنا مادرنا والو.
🔴 عمليا وكهلونيا ونظرا للعملة الجزائرية تخرج من دزاير تموت -اصلا فالدزاير وميتة- مع غلق الاستيراد مستحيلة تدفع بالدهبية او cib، بكل بساطة #مافيهاش.
